Dagblaðið Vísir - DV - 26.01.2018, Blaðsíða 74

74 lífsstíll - ferðalög Helgarblað 26. janúar 2018
- Þetta eru mun ódýrari valkostir -
Gleymdu London,
París og New York
Á
r eftir ár tróna borgir á borð
við London, París og New
York á toppnum yfir vin-
sælustu ferðamannastað-
ina. Það er að sjálfsögðu ekki að
undra enda standa þessar borgir
ávallt fyrir sínu. En jafnvel þó að
aðeins sé skroppið í helgarferð til
einhverra af þessum borgum þá
er buddan ansi fljót að tæmast.
Því er ekki galið að líta til annarra
borga í Evrópu og Bandaríkjunum
þar sem einnig má finna fjölbreytt
framboð af afþreyingu, menningu,
veitingastöðum og verslunum en á
mun viðráðanlegra verði fyrir hinn
almenna Íslending. n
Auður Ösp Guðmundsdóttir
audur@dv.is
Toronto í staðinn fyrir New York
„Borgin sem aldrei sefur“ er sígildur áfangastaður í Bandaríkjunum. Verðlag á hótelum,
söfnum, skemmtunum, mat og áfengi er hins vegar með því hæsta sem þekkist, ekki aðeins
í Bandaríkjunum heldur á heimsvísu. Þeir sem eru í leit að fjölbreyttum veitingastöðum,
skemmtilegum hverfum og iðandi menningar- og leikhúslífi ættu einnig að líta til Toronto en
kanadíska borgin er síst lakari en New York þegar kemur að fjölmenningu. Bæði Icelandair og
WOW air bjóða upp á beint flug til Pearson-flugvallar frá Keflavík.
Sem dæmi má nefna að yfir 200 tungumál eru töluð í borginni auk þess sem meira en
helmingurinn íbúa samanstendur af hinum ýmsu minnihlutahópum. Þá skilar hátt hlutfall
innflytjenda frá Suður-Asíu, Kína og Filippseyjum sér í ríkulegri matarmenningu en Toronto á
sitt Kínahverfi rétt eins og New York. Þá er verðlag á máltíðum, skemmtunum og samgöngum
hagstæðara en gengur og gerist auk þess sem samgöngukerfið þykir afar þægilegt í notkun.
Bangkok í staðinn fyrir Hong Kong
Milljónir ferðamanna flykkjast til Hong Kong á hverju ári og ekki að ástæðulausu, hvort sem það eru stórbrotnir skýjakljúfar, heillandi saga
eða fjölbreytt mannlíf. En buddan tæmist hratt á meðan dvalið er í borginni. Október og nóvember eru vinsælustu mánuðirnir til að heim-
sækja Hong Kong enda er hitastigið þá þolanlegast en um leið rýkur verðlagið upp í hæstu hæðir og er meðalverð á hótelgistingu í kringum
25 þúsund krónur á nótt. Þá er verð á veitingastöðum sambærilegt við það sem hægt er að finna í New York og London.
Á meðan er hótelverð yfirleitt helmingi lægra í höfuðborg Taílands auk þess sem máltíð á hefðbundnum veitingastað kostar sjaldan meira
en 1.500 krónur. Þá er einnig óhætt að fullyrða að í Bangkok er hægt að finna allt litróf mannlífsins. Ferðamenn verða ekki sviknir af stöðum á
borð við Grand Palace, gamla konungssvæðið eða Wat Po, hofið þar sem þriðja hæsta Búddalíkneskið er þakið 24 karata gullblöðum
Bangkok er borg andstæðna. Þú getur keypt núðlur frá götusala eða fínan kvöldverð á veitingastað sem er staðsettur á toppi háhýsis.
Hægt er að finna allt frá skítugum flóamörkuðum upp í fínustu verslunarmiðstöðvar svo ekki sé minnst á skemmtistaðina sem spanna allt
frá furðulegum neðanjarðarstöðum í Rauða hverfinu upp í heimsklassa klúbba. Fyrir þá sem vilja versla má einnig benda á að hægt er að
kaupa merkjavöru á afar hagstæðu verði í borginni auk þess sem hægt er að gera kjarakaup á hinum ýmsu götumörkuðum.
Berlín í staðinn fyrir London
Heimsborgin London stendur alltaf fyrir sínu enda miðstöð menningar og skemmtunar
svo ekki sé minnst á úrval verslana og ógleymanlega ferðamannastaði. Borgin nýtur
þó einnig þess vafasama heiðurs að vera ein dýrasta ferðamannaborg Evrópu. Nóttin á
þriggja stjörnu hóteli er sjaldnast undir 15 til 20 þúsund krónum og þá kosta samgöng-
ur sitt svo ekki sé minnst á miða á vinsæla söngleiki.
Á meðan er verðlagið í höfuðborg Þýskalands almennt talið hagstæðast af öllum
borgum í Evrópu. Borgin er ekki síðri valkostur fyrir þá sem vilja upplifa ólík menn-
ingaráhrif, fjölbreytt söfn, heillandi hverfi og litríkt mannlíf. Nótt á þriggja stjörnu
hóteli kostar sjaldnast meira en 10 þúsund krónur auk þess sem verð á samgöngum,
skemmtunum, mat og áfengi er mun lægra en í London.
Icelandair og WOW air bjóða bæði upp á beint flug til Berlínar allt árið um kring.
Madríd í staðinn fyrir París
Parísarborg heillar ferðalanga upp úr skónum enda má þar finna sögufrægar byggingar, heimsþekkt söfn og einstaklega rómantískt
andrúmsloft. Borgin er jafnframt með þeim dýrustu í Evrópu en verð á þokkalegu hótelherbergi miðsvæðis er sjaldan undir 20 þúsund
krónum. Þá kostar sitt að snæða á veitingastöðum auk þess sem yfirleitt er rukkaður aðgangseyrir að vinsælustu ferðamannastöðunum.
Madríd er einkar fögur rétt eins og París en borgin er að mörgu leyti mun viðráðanlegri auk þess sem íbúarnir þykja oft á tíðum
vingjarnlegri og hjálpsamari. Borgin er einnig mun hentugri fyrir ferðalanga sem kjósa að vera að mestu leyti fótgangandi. Rétt eins og
París býr Madríd yfir langri og heillandi sögu og ævafornri byggingarlist. Þá má jafnframt finna þar heimsklassa listasöfn og gallerí svo
ekki sé minnst á næturlífið.
Madríd er einnig ódýrari en margar höfuðborgir í Evrópu og þá sérstaklega þegar kemur að hótelgistingu. Þá er víst að hægt er að
snæða þriggja rétta máltíð á fínum veitingastað fyrir helmingi lægri upphæð en á sambærilegum stað í frönsku höfuðborginni.
Norwegian Air býður upp á beint flug til Madríd frá Keflavík auk þess sem Icelandair flýgur beint til borgarinnar frá 3. júní til 16.
september.