Morgunblaðið - 19.10.2017, Síða 6

6 FRÉTTIRInnlent
MORGUNBLAÐIÐ FIMMTUDAGUR 19. OKTÓBER 2017
Bókaðu núna á baendaferdir.is
Sími 570 2790 | bokun@baendaferdir.is | Síðumúla 2, 108 RVK
Vetrarfrí á gönguskíðum í skemmtilegum félagsskap og
fallegu umhverfi er eitthvað sem allar skíðagöngukonur
ættu að upplifa. Svæðið við Achensee er eitt af bestu
skíðagöngusvæðum Austurríkis, brautirnar spanna 201 km
og eru af öllum erfiðleikastigum. Gist verður á 4 stjörnu
hóteli með fyrsta flokks aðstöðu.
Verð: 199.900 kr. á mann í tvíbýli.
Mjög mikið innifalið!
sp
ör
eh
f.
17. - 24. febrúar
Fararstjórar: Anna Sigríður Vernharðsdóttir &
Katrín Árnadóttir
Kvennakrafturáskíðum
Sigtryggur Sigtryggsson
sisi@mbl.is
Umhverfis- og skipulagssvið Reykjavíkurborgar hefur
kynnt tillögu að breytingu á deiliskipulagi fyrir hluta
Skúlagötusvæðis. Um er að ræða tæplega eins hektara
svæði sem nær yfir óbyggða lóð á horni Skúlagötu og
Frakkastígs og óbyggt borgarland milli Skúlagötu og
Sæbrautar. Tillagan verður næst tekin fyrir í borgar-
ráði.
Lóðin Frakkastígur 1 er í eigu Reykjavíkurborgar.
Þetta er ein af fáum óbyggðum lóðum við Skúlagötuna.
Óbyggð lóð er við hliðina á Sjávarútvegshúsinu. Sam-
kvæmt deiliskipulagstillögunni verður heimilt að byggja
átta hæða hús á lóðinni ásamt bílastæðakjallara. Á 1. og
2. hæð er gert ráð fyrir verslun og þjónustu en á hæðum
3-8 verða íbúðir, þar með taldar námsmannaíbúðir. „Ný
bygging á að binda saman nálæga byggð og stuðla að
jafnvægi í byggðamynstri þess,“ segir m.a. í kynningu
með tillögunni.
Færeyska sjómannaheimilið stóð áður á lóðinni
Á lóðinni Frakkastígur 1 stóð áður einlyft timburhús
sem hýsti Færeyska sjómannaheimilið. Það hús var flutt
af lóðinni upp úr 1990.
Beint fyrir ofan lóðina, við Lindargötu, stendur þekkt
hús þar sem Tónmenntaskóli Reykjavíkur er nú til húsa.
Húsið var reist árið 1902 af Franska spítalafélaginu fyrir
franska sjómenn sem veiktust eða slösuðust hér við land.
Þetta hús var friðað af menntamálaráðherra árið 2008.
Jafnframt er í deiliskipulagstillögunni gert ráð fyrir
því að færa stutta götu milli Skúlagötu og Sæbrautar.
Gatan liggur nú á milli lóðanna Skúlagata 11 og 13 en
verður færð um það bil 50 metra til vesturs og mun
liggja í beinu framhaldi af Frakkastíg.
Þá verður heimilt að gera nýjan göngustíg að Sól-
farinu, einu helsta kennileiti Reykjavíkur. Gönguleiðin
verður austanmegin við Frakkastíg. Með tilkomu þessa
nýja göngustígs verður til bein gönguleið frá Sólfarinu
alla leið að Hallgrímskirkju.
Samkvæmt tillögunni verður grenndarstöð komið fyr-
ir milli Skúlagötu og Sæbrautar. Þar verða lágreistir
gámar til flokkunar á sorpi.
Tölvumynd/VA Arkitektar
Ný bygging Götumynd Skúlagötu mun breytast með til-
komu byggingar á horni Frakkastígs og Skúlagötu.
Áform um átta hæða
hús við Skúlagötu
 Gönguleið verður frá Sólfarinu upp að Hallgrímskirkju
Baldur Arnarson
baldura@mbl.is
Katrín Jakobsdóttir, formaður VG,
lét þau orð falla í leiðtogaumræðum
hjá RÚV sunnudaginn 8. október að
„skattbyrðin hefur aukist á alla hópa
nema tekjuhæstu tíu prósentin“.
Samkvæmt upplýsingum frá Ríkis-
skattstjóra, sem sagt var frá í
Morgunblaðinu á laugardaginn var,
hækkaði hlutfall skatta af tekjum
einstaklinga í
efstu tíundinni úr
19% í 27% á tíma-
bilinu frá 2007 til
2016. Það var
mesta hlutfalls-
lega hækkun tí-
undar. Hafði hlut-
fall skatta af
tekjum hækkað
hjá öllum tíund-
um.
Þegar Katrín
var spurð um áðurnefnd ummæli í
þætti RÚV kvaðst hún hafa vitnað til
nýlegrar skýrslu ASÍ um skattbyrði
1998-2016 og sömuleiðis útreikninga
á áhrifum skattastefnu síðustu
tveggja ríkisstjórna.
„Skattbyrði allra hópa nema
þeirra tekjuhæstu hefur aukist frá
2013. Þetta kemur til dæmis fram í
útreikningum fv. ríkisskattstjóra,
Indriða H. Þorlákssonar, sem hefur
birt útreikninga sína. Forsætisráð-
herra hefur sagt að það sé mikilvæg-
ara að bera saman kaupmátt. Þarna
er auðvitað verið að bera saman ólík
tímabil,“ segir Katrín og vísar til um-
fjöllunar Morgunblaðsins og grein-
ingar Indriða.
Geri kerfið réttlátara
Fram kom í Morgunblaðinu í gær
að vísbendingar væru um að farið
væri að hægja á hagkerfinu. Spurð
um það sjónarmið að ekki sé heppi-
legt að auka álögur við slíkar að-
stæður segir Katrín það „hárrétt at-
hugað“.
„Við teljum að það sé svigrúm til
að sækja auknar arðgreiðslur inn í
bankana til að greiða niður skuldir
eða fara í nýstofnframkvæmdir. Þar
er gríðarleg uppsöfnuð þörf. Nægir
þar að nefna vegakerfið. Við teljum
líka að það séu tækifæri til að gera
betur í því að taka á skattaundan-
skotum. Þannig að við teljum að það
séu ýmsir tekjustofnar sem ekki fela
í sér auknar álögur á almennt launa-
fólk. Ef farið verður í skattkerfis-
breytingar snúast þær frekar um að
gera skattkerfið réttlátara. Þannig
að breytingarnar leggist þá ekki á
millitekjuhópa og lágtekjuhópa og
að frekar sé leitað til þeirra allra efn-
uðustu í samfélaginu.“
Þriðja þrepið 3% af heildinni
Fram kom í Morgunblaðinu í gær
að þriðja skattþrepið hefði skilað 3%
alls tekjuskatts á einstaklinga í fyrra
en milliþrepið 3,3%. Fyrsta þrepið
skilaði 93,6% skattsins. Milliþrepið
var afnumið í ársbyrjun.
Þá var fjallað um áhrif skatta-
hækkana á hátekjuhópa í Frétta-
blaðinu í gær. Þar var birt greining á
gögnum Hagstofunnar. Kom þar
fram að 946 einstaklingar hafa 25
milljónir eða meira í árstekjur. Ef
lagður yrði 48-76% hátekjuskattur á
þennan hóp myndi það skila 159
milljónum til 2,7 milljörðum í auknar
skatttekjur en auðlegðarskattur á
eign umfram 150 milljónir skila 5,1-
10,2 milljörðum aukalega á ári.
Ekki risavaxinn tekjustofn
Fram hefur komið að VG vill
hækka skatta á þá sem hafa 25 millj-
ónir eða meira í laun á ári og jafn-
framt taka upp auðlegðarskatt.
Spurð um niðurstöðu þessarar
greiningar á áhrifum hátekjuskatts
segir Katrín „alla sjá að þetta sé ekki
risavaxinn tekjustofn“. Til viðbótar
horfi VG til 1% auðlegðarskatts á
miklar eignir og hærri fjármagns-
tekjuskatts á stóreignafólk.
Varðandi veiðigjöld segir Katrín
þau hafa lækkað stórlega í tíð núver-
andi ríkisstjórnar. Samkvæmt áætl-
un með fjárlagafrumvarpi 2018
munu gjöldin aukast úr 6,4 milljörð-
um í ár í 10 milljarða á næsta ári.
Spurð hvort VG vilji t.d. hækka
veiðigjöld í 20 milljarða segir Katrín
ekki rætt um svo mikla hækkun.
Hún nefnir hins vegar ekki tiltekna
upphæð í þessu samhengi.
Spurð hvað VG telji að auka þurfi
ríkisútgjöld mikið til að fylgja stefnu
flokksins nefnir Katrín 30-40 millj-
arða. Hún leggur áherslu á að VG sé
hvorki að leggja fram „ófrávíkjan-
legt plan um skattprósentur né út-
gjöld“. Ef VG muni eiga aðild að
ríkisstjórn muni koma til málamiðl-
ana. „Við erum að tala um arð-
greiðslur úr fjármálafyrirtækjum,
sem gætu numið tugum milljarða á
næsta kjörtímabili. Við erum að tala
um auðlindarentuna. Þetta eru ekki
tillögur um skattahækkanir. Þetta
eru tillögur um hvernig má styrkja
tekjugrunn ríkissjóðs.“
Komugjald skili 2 milljörðum
Hún bendir á að fráfarandi ríkis-
stjórn hafi lagt til 18 milljarða
skattahækkun á ferðaþjónustuna.
Vingri græn séu andvíg þeirri leið en
leggi til komugjöld. Til dæmis geti
þúsund króna gjald á ferseðil skilað
um 2 milljörðum króna á ári, miðað
við 2 milljónir erlendra gesta.
Skatttekjurnar muni aukast
Bjarkey Olsen Gunnarsdóttir,
þingmaður VG, situr í fjárlaganefnd
Alþingis. Hún lagði fyrr á árinu fram
breytingartillögu við tillögu til
þingsályktunar um fjármálaáætlun
fyrir árin 2018-2022. Þar var gert ráð
fyrir viðbótartekjum ríkissjóðs, með
ýmsum skatt- og eignartekjum, upp
á 53,4 milljarða á næsta ári og svo
stighækkandi upp í 75,4 milljarða
2022. Á sama tímabili skyldu ýmis
útgjöld aukin um 42 milljarða 2018
og svo upp í 70,3 milljarða árið 2022.
Katrín sagði þetta fyrri áætlun.
Vísar í áætlun ASÍ og Indriða
 VG telur skýrslu ASÍ sýna skattalækkun hjá efstu tíund
 Formaður VG segir hátekjuskatt ekki munu skila miklu
KOSNINGAR 2017
Katrín
Jakobsdóttir
Meðalstaðgreiðsla árið 2017
Heimild: RSK, útreikningar ASÍ
150 300 450 600 750 900 1.050 1.200 1.350
40
30
20
10
0
%
Skattbyrði
Mánaðarlaun, þúsundir króna
„Skattbyrðin fer vaxandi með
hækkandi launum vegna
samspils persónuafsláttar
og skatthlutfalls.“
Úr skýrslu ASÍ: Skattbyrði
launafólks 1998-2016
Gráa línan sýnir áhrif
hærra skattþrepsins á
skattbyrði launa umfram
834.000 kr. á mánuði
Alþýðusamband Íslands (ASÍ) birti
í ágúst skýrslu um skattbyrði mis-
munandi tekjuhópa á tímabilinu
1998 til 2016. Var niðurstaðan
meðal annars sú að aukningin í
skattbyrði sé „langmest hjá þeim
tekjulægstu“.
„Þegar skoðað er samspil tekju-
skatts, útsvars og persónu-
afsláttar, auk barna- og vaxtabóta,
hefur t.d. skattbyrði para á lág-
markslaunum með tvö börn og
lágmarks eigið fé í húsnæði (20%)
í heildina aukist um 21 prósentu-
stig á umræddu tímabili. Munurinn
á skattbyrði tekjulægstu hópanna
og þeirra tekjuhærri hefur því
minnkað og dregið hefur úr tekju-
jöfnunarhlutverki skattkerfisins.
Kaupmáttaraukning síðustu ára
hefur þannig síður skilað sér til
launafólks með lægri tekjur en
þeirra tekjuhærri vegna vaxandi
skattbyrði,“ segir orðrétt um
skýrsluna á vef ASÍ.
Róbert Farestveit er hagfræð-
ingur hjá ASÍ.
„Í þessu dæmi var tekið tillit til
bæði persónuafsláttar og barna-
og vaxtabóta.
Niðurstaðan er
sú að skatt-
byrði para hef-
ur aukist. Þá
bæði vegna
minnkandi
vægis persónu-
afsláttar og
einnig veik-
ingar til-
færslukerf-
anna,“ segir Róbert.
Hann segir skattbyrði einstakra
hópa geta birst sem neikvæður
skattur. Þá til dæmis hjá lág-
tekjuhópum sem eru með bætur
sem núlla út greiddan skatt.
Spurður hvort fram komi í
skýrslunni að skattbyrði allra hópa
nema efstu tekjutíundarinnar hafi
aukist síðustu ár segir Róbert svo
ekki vera. Þannig hafi eingöngu
verið horft á tekjufjórðunga í
skýrslunni á tímabilinu 1998 til
2016.
Meðal efnis í skýrslu ASÍ er graf
sem sýnir að staðgreiðsla eykst
með vaxandi tekjum.
Fullyrtu ekki að skattbyrði hefði
minnkað á þá tekjuhæstu
SKÝRSLA ASÍ UM SKATTBYRÐI
Róbert
Farestveit