Morgunblaðið - 19.10.2017, Blaðsíða 10

10 FRÉTTIRInnlent
MORGUNBLAÐIÐ FIMMTUDAGUR 19. OKTÓBER 2017
HEKLA · Laugavegi 170-174 · Reykjavík · Sími 590 5000 · hekla.is
Höldur Akureyri · Bílasala Selfoss · Bílás Akranesi · HEKLA Reykjanesbæ
www.volkswagen.is
Passat GTE Variant togar í mann.
Passat GTE Variant. Dráttarbeisli fylgir.
Nú fylgja dráttarbeisli með öllum Volkswagen Passat GTE Variant. Hann er jafnvígur á rafmagn og
bensín. Þú kemst flestra þinna ferða á raforkunni einni saman, en í langferðum tekur sparneytin
bensínvélin við. Láttu það eftir þér að krækja í nýjan Passat GTE Variant.
Verð frá 4.930.000 kr.
Við látum framtíðina rætast.
Dagbjartur Garðar
Einarsson, fyrrverandi
útgerðarmaður, skip-
stjóri og forstjóri
Fiskaness hf., lést á
hjúkrunarheimilinu
Víðihlíð í Grindavík í
gær, 81 árs gamall.
Dagbjartur fæddist í
Grindavík 26. júní
1936. Foreldrar hans
voru hjónin Laufey
Guðbjörg Guðjóns-
dóttir húsmóðir og
Einar Jónsson Dag-
bjartsson skipstjóri.
Dagbjartur lauk
gagnfræðaprófi frá Skógaskóla
1953 og prófi frá farmannadeild
Stýrimannaskólans í Reykjavík
1959. Hann var farmaður hjá Eim-
skipafélaginu 1953-1955 og vann við
sveitastörf 1955-1956. Var sjómað-
ur á mb. Merkúr 1956-1957, stýri-
maður á Þorbirni GK 1959-1963 og
skipstjóri 1963-1965. Eftir það var
Dagbjartur útgerðarmaður og skip-
stjóri á ýmsum bátum Fiskaness
hf. 1966-1971 að hann fór í land.
Hann var forstjóri Fiskaness hf.
1971-2001. Fyrirtækið var burðarás
í atvinnulífinu í Grindavík og gerði
út stór fiskiskip, rak frystihús og
verkaði skreið og síld. Fiskanes var
um árabil í hópi stærstu saltfisk-
framleiðenda á landinu. Dagbjartur
var í janúar 1991 valinn fyrsti mað-
ur ársins á Suðurnesjum hjá Víkur-
fréttum.
Dagbjartur tók mikinn þátt í fé-
lagsmálum. Hann sat í bæjarstjórn
Grindavíkur fyrir Sjálfstæðisflokk-
inn 1970-1982 og sat
einnig í ýmsum nefnd-
um bæjarins. Þá var
hann formaður Út-
vegsmannafélags Suð-
urnesja í tvö ár, í
stjórn SÍF 1981-1983
og formaður 1983-
1993. Auk þess sat
hann í ýmsum nefnd-
um á vegum sjávar-
útvegsins. Dagbjartur
var einn helsti stuðn-
ingsmaður knatt-
spyrnunnar í Grinda-
vík. Hannr var frí-
stundabóndi með
kindur og hesta og var á meðal
frumkvöðla í hestamennsku í
Grindavík. Þá var hann forðagæslu-
maður í bænum.
Eftirlifandi eiginkona Dagbjarts
er Birna Óladóttir. Þau gengu í
hjónaband 1960. Börn þeirra eru
Einar flugstjóri, Elín Þóra starfs-
maður Isavia, Eiríkur Óli útgerð-
arstjóri, Jón Gauti umboðsmaður
hjá Olís og Sigurbjörn Daði við-
skiptafræðingur og sjómaður.
Barnabörn þeirra Dagbjarts og
Birnu eru átján og barna-
barnabörnin tíu talsins.
Dagbjartur og Birna keyptu
Svefneyjar á Breiðafirði ásamt
fleirum og áttu þar sinn sælureit.
Einnig byggðu þau upp æskuheim-
ili Birnu í Grímsey og dvöldu þar
oft.
Jónas Jónasson skráði sögu
þeirra Birnu og Dagbjarts og birt-
ist hún í bókinni Það liggur í loft-
inu, sem Skrudda gaf út árið 2009.
Andlát
Dagbjartur Einarsson,
fv. útgerðarmaður
Gránað hefur í Esjuna og farið að
fjúka í litla skafla í efstu brúnum.
Engu að síður sést enn móta fyrir
gömlum sköflum efst í Gunnlaugs-
skarði. „Sýnist að óhætt sé að slá
því föstu að skaflinn fari ekki þetta
árið,“ segir í frétt á heimasíðu Veð-
urstofunnar.
Í gegnum tíðina hafa Reykvík-
ingar fylgst spenntir með því ár
hvert hvort skaflinn í Gunnlaugs-
skarði í Esjunni hverfi alveg.
Í hlýjum árum bráðnar skaflinn
áður en snjór tekur að safnast þar
fyrir aftur að hausti en á köldum
tímabilum helst hann allt árið.
Fram undir aldamót hvarf skaflinn
yfirleitt ekki. Eftir árið 2000 hefur
hann undantekningalítið horfið al-
veg. Hann hvarf haustið 2012 en
var mjög stór 2013. Síðan hefur
skaflinn ekki horfið en farið minnk-
andi ár frá ári.
Páll Bergþórsson veðurfræðingur
hefur skrifað fróðleik um fannir í
Esju, meðal annars um skaflinn í
Gunnlaugsskarði og hvaða vísbend-
ingu fyrri athuganir gefa um breyt-
ingu á lofthita. Hann segir skaflinn
ágætan mælikvarða á hitasveiflur.
Frá síðari hluta 19. aldar fram til
1929, eða þar um bil, hafi skaflinn
aldrei bráðnað. Fram til 1960 hafi
hann horfið mörg árin, en síðan
aldrei fram til aldamóta. Frá alda-
mótum hafi hann oftast bráðnað.
sisi@mbl.is
Skaflinn í Gunnlaugs-
skarði lifði af sumarið
Morgunblaðið/Brynjar Gauti
Lifði af Skaflinn í Gunnlaugsskarði vestan við Kistufell hverfur ekki í ár.
Í fésbókarhópnum Bakland ferða-
þjónustunnar er greint frá kín-
verskum ferðamanni sem var að
taka ljósmyndir við Arnarstapa á
númeralausu ökutæki. Sá sem birti
ljósmyndirnar af ökutækinu segist
hafa spurst fyrir um af hverju það
voru engar númersplötur á bílnum
og hafi ferðamennirnir tjáð honum
að þeir hefðu fengið bílinn sendan
frá Kína.
Þórhildur Elínardóttir, sam-
skiptastjóri Samgöngustofu, segir
að að sjálfsögðu megi ekki vera á
númeralausum bílum en það er
undir einstaklingum komið að skrá
þá. Samgöngustofa þekkir ekki
hvort ferðamenn séu í auknum
mæli á númeralausum bílum en lög-
reglan sér um eftirlit á vegum.
„Þetta er náttúrlega skráning-
arskylt ökutæki og það að vera á
númeralausum bíl er í raun lög-
reglumál,“ segir Þórhildur.
„Okkar starf hérna á Samgöngu-
stofu snýst fyrst og fremst um að
skrá bíla, að því gefnu að fólk sé að
flytja inn bílana sjálft. Ein-
staklingar sem flytja inn bíla þurfa
að skila inn öllum pappírsgögnum
til að fá bílinn forskráðan og geta
fengið þá bráðabirgðaplötur til að
koma bílunum í upphafsskoðun,“
segir Þórhildur en að skoðun lok-
inni fær bíll númeraplötur að því
gefnu að bíllinn sé tryggður.
Ferðamenn við Arnarstapa á númeralausum kínverskum bíl