Morgunblaðið - 19.10.2017, Blaðsíða 93

MENNING 93
MORGUNBLAÐIÐ FIMMTUDAGUR 19. OKTÓBER 2017
Helgi Snær Sigurðsson
helgisnaer@mbl.is
Norska tónlistarkonan Sigrid kem-
ur fram á tónlistarhátíðinni Iceland
Airwaves 3. nóvember, í Listasafni
Reykjavíkur í Hafnarhúsi, skömmu
fyrir miðnætti. Sigrid er nýorðin 21
árs og ólst upp í Álasundi þar sem
hún er stödd þegar blaðamaður nær
tali af henni snemma morguns. Hún
segir blaðamanni að hún sé á leið í
fjallgöngu með mömmu sinni og fær
hrós fyrir að vera svo spræk, eld-
snemma að morgni. Sigrid býr í
Bergen og ferðast mikið og þá oft
til London þar sem hún er á plötu-
samningi hjá Island Records, auk
þess að flakka milli landa og koma
fram á tónleikum og ýmsum tónlist-
arhátíðum.
Sigrid sendi frá sér fyrstu smá-
skífu sína, hið grípandi popplag
„Don’t Kill My Vibe“, í febrúar á
þessu ári og hefur lagið notið mik-
illa vinsælda á öldum ljósvakans og
í streymisveitum á borð við Spotify.
Það var þó ekki fyrsta lagið sem
hún gaf út því það gerði hún þegar
hún var enn í menntaskóla. 18 ára
flutti Sigrid til Bergen til að freista
gæfunnar í tónlistarbransanum. Það
borgaði sig því hún nýtur nú sívax-
andi vinsælda fyrir grípandi laga-
og textasmíðar og fagran söng og
ljóst að þar fer rísandi stjarna í
poppheimi.
Svaraði áskorun bróður síns
Sigrid segist hafa komið fram á
sínum fyrstu tónleikum 16 ára að
aldri, eftir að bróðir hennar, sem
einnig er tónlistarmaður, manaði
hana til þess að semja lag og flytja
með honum á tónleikum. Tónleik-
arnir gengu vel og segist Sigrid
hafa áttað sig á því að þetta væri
það sem hún vildi leggja fyrir sig.
„Þetta var í fyrsta sinn sem ég kom
fram opinberlega,“ rifjar hún upp.
„Ég var taugaóstyrk en naut þess
samt að syngja frammi fyrir áhorf-
endum, vinum mínum þar á meðal.
Ég hafði áður tekið þátt í jólasýn-
ingum í skólanum, sungið tökulög
og þess háttar, en þarna naut ég
mín virkilega vel.“
– Þú ert með kraftmikla og
fallega söngrödd, hefurðu hlotið
þjálfun í söng?
„Já, reyndar. Ég byrjaði í söng-
tímum þegar ég var í sjöunda bekk
en þeir eru hluti af frístundakerfi
hérna í Noregi sem tekur við að
skóladegi loknum. Ég var ekki mjög
metnaðarfullur tónlistarnemi en
sótti þó kennslutíma í píanóleik og
söng í mörg ár, bæði í grunn- og
framhaldsskóla. Ég veit ekki hvort
þú þekkir til norskrar hljómsveitar
sem nefnist Highasakite en Solveig
Håvik, móðir söngkonunnar í þeirri
sveit, Ingrid Helene Håvik, hefur
verið söngkennarinn minn í mjög
mörg ár, líklega tíu,“ svarar Sigrid
og segir Solveigu afar færan kenn-
ara sem hafi kennt sér margt gagn-
legt.
Slakar á í Álasundi
– Þú ólst upp í smábæ í Noregi
og ert núna komin með plötusamn-
ing við Island Records í London.
Það er býsna stórt stökk, hefur
reynst þér erfitt að halda þig á jörð-
inni?
Sigrid hlær. „Ég held að þú verð-
ir að spyrja foreldra mína og vini að
því en ég vona svo sannarlega að ég
hafi gert það,“ svarar hún. „Það er
virkilega gott að komast aftur til
Noregs því líf mitt hefur gjörbreyst
á síðastliðnu ári. Eftir að „Don’t Kill
My Vibe“ kom út hafa orðið miklar
breytingar á lífi mínu, ég er á sí-
felldum tónleikaferðalögum og kom
frá Los Angeles fyrir tveimur dög-
um þar sem ég var að kynna plöt-
una í tvær vikur,“ segir Sigrid og á
þar við EP-plötu sína, stuttskífuna
Don’t Kill My Vibe sem inniheldur
fjögur lög. „Þetta er klikkað og þess
vegna finnst mér dásamlegt að
koma aftur til Álasunds því hér ólst
ég upp og mér líður vel hérna, hér
næ ég að slaka á. Álasund verður
alltaf mitt fyrsta heimili.“
Á lista Lorde
– Nýsjálenska poppstjarnan
Lorde setti „Don’t Kill My Vibe“ á
persónulegan lagalista sinn sem
hún deildi á Spotify. Heldurðu að
það hafi haft mikil áhrif á vinsældir
lagsins og þínar vinsældir?
„Ég hef ekki séð neinar tölur
hvað það varðar en ég býst við því,
já. Hún á sér marga aðdáendur og
þeir hafa séð lagalistann og vænt-
anlega hlustað á lagið mitt, sem er
frábært. Mér fannst mjög almenni-
legt af henni að setja lagið á listann
og ég kann henni þakkir fyrir. En
svo skemmtilega vill til að ég var að
hlusta á hennar tónlist þegar ég
gerði EP-plötuna mína og þetta
sýnir vel hversu útbreidd tónlist er
orðin í heiminum með tilkomu nets-
ins, hún getur hlustað á lögin mín í
Los Angeles eða á Nýja-Sjálandi og
ég get hlustað á lögin hennar í Nor-
egi. Ég leitaði mér upplýsinga um
hana á netinu fyrir mörgum árum
og hef horft á tónleika með henni.
Við gerum ólíka tónlist en þó báðar
popptónlist. Hún er frábær
tónlistarmaður.“
Írland klikkað
– Þú hefur haldið tónleika í mörg-
um löndum, hvar hefur þér þótt
skemmtilegast að koma fram?
„Við, það er ég og hljómsveitin,
höfum verið mjög heppin með við-
tökur nánast alls staðar þar sem við
höfum troðið upp. Það er mikill
heiður fyrir mig að vera bókuð á svo
marga tónleika og að fólk mæti á
þá. En við hljómsveitin erum líklega
sammála um að Írland sé klikkað-
asta landið sem við höfum haldið
tónleika í, ég hef ekki séð önnur
eins viðbrögð!“ segir Sigrid og hlær
innilega. Tónleikagestir hafi verið í
ógnarstuði og margir hverjir staðið
á öskrunum. „Ég veit ekki hvað olli
þessu, hvort þeir voru svona miklir
aðdáendur okkar eða hvað, en þetta
var í það minnsta alveg geggjað!“
Draumur rætist
Sigrid hefur komið áður til Ís-
lands, til Akureyrar þegar hún var í
tíunda bekk grunnskóla og segir
hún Íslandsferðina hafa verið
dásamlega. „Ég dýrka Ísland, þjóð-
ina og náttúruna, og mig hefur lengi
dreymt um að halda tónleika á Ís-
landi. Nú rætist sá draumur loks-
ins,“ segir Sigrid og heyra má á
röddinni að hún hlakkar mikið til.
Sigrid er að lokum spurð hvaða
lög hún muni flytja á Iceland Air-
waves og segir hún að þar sem hún
hafi aðeins gefið út fjögur lög verði
þau öll flutt og líklegt að ný lög
verði prufukeyrð að auki. Allt muni
þetta koma í ljós í Hafnarhúsi,
föstudaginn 3. nóvember.
Gjörbreytt líf
 Sigrid heldur tónleika á Iceland Airwaves  Á sífelldum
ferðalögum eftir að smellurinn „Don’t Kill My Vibe“ kom út
Nýstirni Norska tónlistarkonan Sigrid í viðeigandi stuttermabol.
Kanadíski elektrópönkarinn
Peaches er meðal þeirra lista-
manna sem bæst hafa í hóp flytj-
enda á listahátíð Sigur Rósar,
Norður og niður, sem haldin verð-
ur í Hörpu milli jóla og nýárs.
Auk hennar hafa bæst við banda-
ríski píanistinn og tónskáldið
Dustin O’Halloran og landi hans
Alex Somers, þýski raftónlist-
armaðurinn Ulrich Schnauss, kan-
adíski kvikmyndaleikstjórinn Dean
Deblois, íslenska hljómsveitin Ami-
ina, tónlistarkonan Gyða Valtýs-
dóttir, rokksveitin Dimma og
bandaríski hörpuleikarinn Mary
Lattimore.
Enn á eftir að tilkynna fleiri
listamenn sem koma fram á hátíð-
inni en frekari upplýsingar um þá
sem staðfestir hafa verið má finna
á vefsíðu hátíðarinnar, nordurog-
nidur.is. Sala á dagpössum á há-
tíðina hefst eftir viku, fimmtudag-
inn 26. október.
Peaches á Norður og niður
Morgunblaðið/Eggert
Elektrópönkari Peaches setti upp
söngleikinn Peaches Christ Su-
perstar í Borgarleikhúsinu í fyrra
og var þessi ljósmynd tekin fyrir
viðtal við hana af því tilefni.
SÝND KL. 3.50, 5.50SÝND KL. 8, 10.30
SÝND KL. 10.10
SÝND KL. 10
SÝND KL. 6, 8 SÝND KL. 3.50, 5.50
SÝND KL. 3.50
Miðasala og nánari upplýsingar
5%
Þarftu að framkvæma?
Við eigum pallana fyrir þig
www.kvarnir.is
20 ÁRA
1996
2016
Kvarnir/Brimrás/Pallar ehf | Álfhellu 9 | 221 Hafnarfirði
sími 564 6070 | kvarnir@kvarnir.is | www.kvarnir.is | www.pallar.is