Morgunblaðið - 26.04.2018, Page 52

Marta María
mm@mbl.is
Ef þú ert vön að vera alltaf upp-
stríluð á himinháum hælum og of-
urþröngum fötum er þessi sum-
artíska kannski dálítið óþægileg.
Það tekur nefnilega tíma að venjast
litríkum og víðum fötum. Taka eitt
skref í einu og hleypa nýjum tísku-
straumum inn smátt og smátt. Eða
þangað til þú finnur fyrir sjálfs-
traustinu á nýjan leik.
Tískumerkið Ganni, sem selt er í
Geysi, er með stórkostlega sum-
arlínu þar sem öllu er blandað sam-
an: Hlébarðamunstur við rósótt,
blómakjólar, gulir gallajakkar og
röndóttar peysur. Þar að auki koma
pífur og púff við sögu. Efnin eru
létt og falleg og það sem er gott við
þessa línu er að hún er á ágætu
verði. Það er kannski ekki hægt að
segja að systurmerkið Gucci, sem
kemur frá Ítalíu, sé á sama góða
verðinu. Það breytir því ekki að fólk
virðist ekki láta verðmiðann á Gucci
stoppa sig og virðast allt of margir
vera lögerfingjar Jóakims aðal-
andar yfirgreifa í Andabæ.
Hugmyndir hönnuða Ganni og
Gucci eru þó ekki svo ólíkar.
Mögulega er hönnuður Ganni
undir áhrifum frá Alessandro Mic-
hele, sem er listrænn stjórnandi
Gucci. Hann tók við starfinu í jan-
úar 2015 og hefur síðan hann tók
við gert mjög áhugaverða hluti með
Gucci og gert merkið að einu eftir-
sóttasta tískumerkinu á mark-
aðnum í dag.
Michele hefur gert lógóa-tískuna
óendanlega heita á ný enda enginn
maður með mönnum nema vera sér-
merktur í bak og fyrir. Það sem er
merkilegt við þessar vinsældir er að
það eru ekki bara forríkar frúr sem
eru sérmerktar heldur eru það ung-
lingspiltar sem sækja hvað mest í
Gucci. Og til þess að geta fjárfest í
Gucci-belti eða -stuttermabol eru
menn farnir að vinna fyrir sér því
Gucci-æðið spyr hvorki um stétt né
stöðu eins og sagt er. Og ef fólk
langar nógu mikið í eitthvað þá
vinnur það bara meira með skól-
anum. Það er að segja ef það á ekki
foreldra með samviskubit sem
borga brúsann án athugasemda.
Gallinn við nútímaforeldra er að
þeir eru svo uppteknir við að sigra
sinn eigin heim að þeir eru með
stöðugt samviskubit gagnvart börn-
unum sínum sem gerir það að verk-
um að þessir foreldrar bara borga
(til þess að kaupa sér sálarfrið). Sá
friður er reyndar ekkert sér-
staklega góð fjárfesting til lengri
tíma, en getur veitt augnabliks-
hugarró.
Einu sinni var hægt að greina út
frá klæðaburði hvort fólk ætti eitt-
hvað undir sér eða ekki en það er
snúnara í dag. Fólk virðist setja
merkjavörukaup í forgang meðan
mín kynslóð og kynslóð foreldra
minna lagði meiri áherslu á að eign-
ast þak yfir höfuðið en að vera í
flottum fötum. Í þá daga var hvorki
hægt að fá yfirdrátt né smálán og
því neyddist fólk til að safna fyrir
hlutunum. Það þurfti að safna því
það hafði ekki val. Það þurfti að
greiða afborganir af húsnæðislánum
og þegar búið var að kaupa það
allra nauðsynlegasta var sjaldnast
eitthvað eftir til að kaupa skrautleg
föt. En svo breyttust tímarnir. En
nóg um það.
Sumartíska Gucci og sumartíska
Ganni á það sameiginlegt að vera
skrautleg og frjáls. Hjá Gucci má til
dæmis finna rósótta kjóla og eru
íþróttajakkar með áberandi lógóum
hafðir yfir. Gucci er líka með þröng-
ar bleikar glansbuxur sem eru ekki
ósvipaðar þeim sem mín kynslóð
klæddist á Skuggabarnum um síð-
ustu aldamót. Nema mín kynslóð
hefði alltaf valið eitthvað mjög
þröngt og flegið við buxurnar, ekki
prjónapeysu eins og Gucci gerir.
Gucci sýnir líka síð plíseruð pils
við víðar pallíettupeysur og stóra og
víða rykfrakka. Svo er það mónó-
grammið frá Gucci sem er að koma
sterkt inn aftur eftir nokkurt hlé.
Það er ekki bara prentað á töskur
og skó heldur eru heilu gervipels-
arnir þrykktir með GG.
Það sem er heillandi við þessi lit-
ríku og víðu föt er að þau koma með
gleði inn í líf fólks. Það er að segja
ef fólk á peninga fyrir þeim. Smálán
hafa aldrei verið góð hugmynd og
alls ekki þegar kemur að tískuföt-
um.
Ætlar þú að taka smálán
fyrir sumartískunni 2018?
Sumartískan hefur sjaldan verið eins sjarmerandi og akkúrat núna. Ef við ætl-
um að ganga í takt við helstu tískustrauma þurfum við að hætta að vera
hræddar og leyfa okkur. Frelsi og óttaleysi er lykilorðið þetta sumarið.
G
uc
ci
G
uc
ci
G
an
ni
G
uc
ci

G
uc
ci
G
an
ni
MORGUNBLAÐIÐ FIMMTUDAGUR 26. APRÍL 2018
Hamraborg 10, Kópavogi – Sími: 554 3200
Opið: Virka daga 9.30-18 Laugardaga 11–14
GOTT ÚRVAL
AF UMGJÖRÐUM
Verið velkomin til
okkar í sjónmælingu