Saga - 2007, Blaðsíða 251

íslenskra sagnfræðinga. Ritstjórar haustheftisins 2006 voru þau Hrefna
Róbertsdóttir og Páll Björnsson. Hrefna lét þá af ritstjórn eftir að hafa gegnt
ritstjórnarstörfum í sex ár. Sögufélag þakkar henni frábært starf. Ritstjórar
vorheftisins 2007 voru þeir Guðmundur J. Guðmundsson og Páll Björns -
son. Saga var gefin út í 1000 eintökum enda eru félagsmenn nú um 700.
Félagsgjöldin eru helsta fasta tekjulind félagsins og fjölgaði áskrifendum
talsvert á síðasta stjórnarári eftir mikla áskrifendaherferð. Félagatal Sögu -
félags fylgdi vorhefti Sögu sem sérbæklingur eins og stjórnin hafði boðað en
langt er liðið síðan félagatalið birtist seinast, þ.e.a.s. 1984.
Helstu tíðindi í tengslum við Sögu eru þau að nýr ritstjóri hefur verið
ráðinn. Nýi ritstjórinn er Eggert Þór Bernharðsson, dósent í menningar -
miðlun, og telur stjórnin mikið happ fyrir Sögufélag að fá hann til starfa
enda mjög reyndur á ritvellinum og í öllu því sem viðkemur útgáfu og þar
með tímaritaútgáfu.
Smáritin. Þrjú ár eru nú liðin síðan útgáfa svonefndra smárita Sögu félags
hófst. Rit í þessum flokki eiga að vera í styttra lagi og ódýr eftir því. Fimmta
smáritið er komið út. Það er bók Kristínar Jónsdóttur „Hlustaðu á þína innri
rödd“. Kvennaframboð í Reykjavík og Kvennalisti 1982–1987. Bókin er um 300
blaðsíður að lengd. Í ritinu fjallar Kristín um tilurð Kvenna framboðs í
Reykjavík árið 1982 og Kvennalistans ári síðar. Hún skoðar bæði samfélags -
legan og fræðilegan bakgrunn framboðanna en fer síðan ítarlega yfir hug -
myndafræði og stjórnmálastarf framboðanna, viðbrögð við fram boðunum
og innri átök. Þótt rannsókn Kristínar nái fyrst og fremst til ársins 1987,
þegar Kvennalistinn stendur á hátindi ferils síns, ræðir hún þann hug -
mynda fræðilega ágreining sem kom upp undir lok níunda áratugarins og
leiddi að lokum til þess að Kvennalistinn hætti stjórnmálastarfi. Rit stjórar
fyrir hönd Sögufélags eru Erla Hulda Halldórsdóttir og Ragnheiður
Kristjáns dóttir.
Næstu tvö smárit eru í undirbúningi. Fyrra ritið ber heitið Frá Memel til
Melrakkasléttu og er eftir Pétur Eiríksson. Hér er fjallað um þýska land -
búnaðar fólkið sem kom til landsins eftir stríð og líf þess hér. Málefni
innflytjenda eru mjög í brennidepli um þessar mundir og því telur stjórnin
mjög við hæfi að gefa út þetta rit. Ólafur Rastrick mun ritstýra því fyrir hönd
Sögufélags. Seinna ritið sem stjórnin hefur samþykkt að gefa út er
Ferðadagbækur Magnúsar Stephensen 1807 og 1808, sem séra Þórir Stephensen
og Ögmundur heitinn Helgason hafa skrifað upp eftir handritum Magnúsar.
Séra Þórir hefur samið skýringar og Anna Agnarsdóttir mun rita fræðilegan
inngang. Leitað hefur verið til borgarsjóðs um styrk enda Magnús lengi
búsettur í Viðey. Bæði smáritin verða myndskreytt eins og nú er orðin venja.
Rit Sögufélags. Það er sérstakt fagnaðarefni að nú eftir langt hlé, reyndar
síðan 1991, kemur út fjórða verkið í þessari glæstu ritröð Sögufélags. Hér er
um að ræða Brevis Commentarius de Islandia. Stutt greinargerð um Ísland eftir
Arngrím Jónsson hinn lærða, í nýrri þýðingu Einars Sigmarssonar íslensku -
fræðings. Arngrímur lærði skrifaði þetta ádeilurit gegn óhróðri erlendra
af aðalfundi sögufélags 2007 251
Saga haust 2007 nota:Saga haust 2004 - NOTA 11/19/07 4:33 PM Page 251