Breiðfirðingur - 01.04.1989, Page 21
BREIÐFIRÐINC.UR
19
Allar eru þessar girðingar ákaflega fornlegar og víðast
hlaðnar úr grjóti, að því er sést. Þetta er utan túns.43
Árið 1959 rannsökuðu Kristján Eldjárn og Gísli Gestsson
gamlar girðingar á Melanesi í Rauðasandshreppi, Barðar-
strandarsýslu. Girðingar þessar voru hlaðnar úr grjóti, en
víða yfirgrónar, og töldu þeir félagar þær standa í sambandi
við akuryrkju. Girðingarnar mynduðu afmörkuð svæði, en
veggir í þeirri stærstu voru um 0,7 m á hæð og 1 m á breidd.44
Eins og sjá má af þessum samanburði eru garðlögin í Fag-
urey afar frábrugðin akuryrkjuleifum á Breiðafjarðarsvæð-
inu. Hið sama virðist gilda um hliðstæðar minjar á öðrum
stöðum. Á Kýraugastöðum í Landssveit, Rangárvallarsýslu,
eru t.d. „fornar girðingar miklar“, Akurgarðar, sem gætu
verið eftir kornrækt.45 Þótt lýsingin sé takmörkuð er greini-
lega verið að tala um allmikil mannaverk ólíkt því sem er í
Fagurey.
Mismunurinn er fólginn í smæð og legu torfgarðanna í
Fagurey. Þeir mynda ekki aflokuð svæði, eins og annars
staðar þekkist, heldur liggja í samsíða röðum þvert yfir
eyna. Einmitt þetta
gerir þá vafasama sem
akurgirðingar. Að öllu
samanlögðu virðist
fremur ósennilegt að
garðlögin séu menjar
kornræktar, en það er
auðvitað ekki útilok-
að. Aðeins með meira
samanburðarefni og
áframhaldandi rann-
sóknum, þ.á.m. frjó-
greiningu, verður unnt
að leysa úr þessari
gátu.
MMlá
2 m
Mynd 9. Teikning af fjárhúsum og hlöðu.
Að baki er hugsanlega stekkur
með lambakró (30).