Breiðfirðingur - 01.04.1989, Blaðsíða 39

BREIÐFIRÐINGUR
37
heim 1898 og bjó í Hvítadal til 1903. Þá hætti hann búskap
og stundaði verslunarstörf hjá Boga Sigurðssyni í Búðardal.
5. vísa:
Skúli síst er skrafhreifur [aðrir: er sagður skraflinur]
skýst hann Bjarni fótlipur
Sæmundur er sérvitur
Sigurbjörn er lítt þekktur.
Skúli Guðbrandsson. Hann var fæddur 4. apríl 1867 og dó
28. júlí 1951. Foreldrar hans voru Guðbrandur Halldórsson
á Sámsstöðum og kona hans Sigríður Jónsdóttir. Kona Skúla
var Helga Markúsdóttir frá Haukatungu í Kolbeinsstaða-
hreppi. Hún dó 3. desember 1955. Þau eignuðust fimm
börn, þrjá syni og tvær dætur. Synir þeirra Aðalsteinn og
Guðjón unnu á heimili foreldra sinna meðan þau lifðu og
eftir lát þeirra til æviloka. Þriðji sonurinn, Guðmundur, var
vanheill og var komið til dvalar um tvítugsaldur að Sól-
heimum og síðar á Kópavogshæli. Þeir voru allir ókvæntir.
Dætur Skúla og Sigríðar giftust báðar. María giftist Ólafi
Eysteinssyni frá Klungurbrekku á Skógarströnd en Sigríður
giftist Konráði Þorsteinssyni frá Sauðárkróki.
Skúli hóf búskap á Hornsstöðum árið 1899 og bjó þar til
æviloka. Hann bjó fremur litlu búi en stundaði það af alúð
og snyrtimennsku bæði hvað snerti ræktun og byggingu allra
húsa á jörðinni.
Bjarni Hallgrímsson. Hann fæddist 25. ágúst 1862 og dó 16.
janúar 1931. Foreldrar hans voru Hallgrímur Bjarnason
bóndi í Laxárdal í Hrútafirði og Sólveig Jóhannsdóttir.
Kona Bjarna var Margrét Guðmundsdóttir frá Vígholtsstöð-
um. Hún var ekkja Guðbrands Guðmundssonar bónda á
Leiðólfsstöðum. Þau höfðu eignast þrjú börn sem voru á
fermingaraldri er þau Bjarni gengu í hjónaband: 1. Guð-
brandur skósmiður bjó lengi á Hvammstanga og stundaði
iðn sína þar. 2. Guðmundur smiður og bóndi á Leiðólfs-