Breiðfirðingur - 01.04.1989, Blaðsíða 117

BREIÐFIRÐINGUR
115
Steinólfur Lárusson
Sögubrot af Skarðsströnd
Sjaldan hefur tekist að særa skriflegt efni út úr Steinólfi í Fagradal, enda er
honum tamara að tjá hugsun sína munnlega. Samt hefur það borið við og
féllst hann á að láta kyrrt liggja þótt brot þessi yrðu birt hér á einum stað.
Einnig hefur Stefán Jónsson fv. alþm. leyft birtingu álitsgerðar sinnar um
fyrirhugaðar marflóarannsóknir Steinólfs. Þeir kynntust fyrst meðan Stefán
var fréttamaður Ríkisútvarpsins og Steinólfur neitaði að láta taka nokkuð
eftir sér upp á segulband, sem hann kallaði slúðurmaskínu. Þess skal getið
að mun ýtarlegri samantekt Steinólfs um Skarðsströnd var flutt á Jörfagleði
Dalamanna á þessu vori. Væntanlega verður hún birt síðar.
Af mönnum og skepnum
(Sent árshátíð Breiðfirðingafélagsins 1976)
Það má staðfestast af kortum herforingjaráðsins, að alvisk-
unni hefir þóknast að niðursetja þjóðflokk nokkurn við
Breiðafjörð innanverðan að sunnanverðu. Þar heitir á
Skarðsströnd og þessi þjóðflokkur þarafleiðandi Skarðs-
strendingar.
Af þessum þjóðflokki hafa gengið sögur að fornu og nýju
nokkuð sérlegar. Til dæmis hafði Landhelgisgæslan aðsetur
sitt og útveg af Ströndinni á 15. öld af hinni mestu grimmd,
þar til enskum tókst að höggva í spað helstu menn gæslunnar
úti á Snæfellsnesi og senda þetta spaðket í pokum til kvenna
inná Skarðsströnd. Líkaði þeim stórilla verkun þessa kjöts,
og tóku nú kerlingar á Ströndinni við Landhelgisgæslunni af
sýnu meiri grimmd en áður og endaði með því að þær
kveiktu til stórstyrjaldar millum þáverandi heimsvelda.
Kvenfólk á Ströndinni hefir ævinlega verið mikillar
gerðar, annað hvort andlega eða líkamlega. í einstaka til-