Breiðfirðingur - 01.04.1989, Page 94

92
BREIÐFIRÐINGUR
Ingibjörg Halldórsdóttir
Ferðalög
Breiðfirðingafélagsins
Fastur þáttur í starfi Breiðfirðingafélagsins, með örfáum
undantekningum, hefur verið sumarferðalag. í byrjun júlí ár
hvert boðar félagið til ferðalags og síðastliðin 25 ár hef ég
notið þeirra forréttinda að fara í flestar þessar ferðir.
Fyrsta ferðin sem ég minnist var á Snæfellsnes. Þá var ekki
fært fyrir Jökul heldur aðeins að Rifi og gist á Flellissandi. í
þessari ferð þurfti að ganga langan veg í Dritvík og Djúpa-
Iónssand. Jóhannes Olafsson var fararstjóri enda mjög
kunnugur á þessum slóðum. Nokkrum árum seinna var aftur
farið á Snæfellsnes. Þá voru allir vegir færir og gist í verbúð
í Ólafsvík.
Tvisvar hefur verið siglt um Breiðafjörð og eru þær ferðir
öllum þátttakendum eftirminnilegar. Sú fyrri var farin frá
Stykkishólmi og gist í Flatey. Síðan var tekið land í Króks-
fjarðarnesi og hópurinn sóttur þangað. í þessari ferð voru
yfir hundrað manns og hefur ekki verið farin önnur ferð fjöl-
mennari. í seinni ferðinni var ekið að Brjánslæk og siglt
þaðan í Stykkishólm. Er það mál manna að Breiðafjörður
hafi aldrei verið fallegri en þann dag.
Tvisvar hefur stefnan verið tekin á Dalina og finnst
sumum innfæddum það of sjaldan. í fyrri ferðinni var gist á
Staðarfelli en í þeirri síðari, nú í sumar, var gist á Laugum.
Gátu menn valið um gistingu inni eða í tjaldi. I báðum
þessum ferðum var ekið kringum Strandir og einnig
skoðaðir helstu sögustaðir í Suðurdölum. Fararstjóri í sumar
var Einar Kristjánsson, gífurlega fróður maður, og var það