Breiðfirðingur - 01.04.1989, Blaðsíða 60

58
BREIÐFIRÐINGUR
hann er þá fljótur til ferðar og kom lyfið að góðum notum
sem endranær.
Sigurður læknir var mjög hreinskilinn í tali sínu um menn
og málefni. Hann gat þó haft nokkurskonar andúð á þeim
mönnum sem létu mikið yfir sér og þóttust meiri menn en
þeir voru í raun og veru. Hann var dálítið hagmæltur og gat
gert vísur sem hittu vel í mark. Þegar hann bjó á Hrapps-
stöðum var hjá honum um tíma vinnumaður sem hét ísleif-
ur. Sá var með allra minnstu mönnum að vexti en gat þó
unnið verk sín ekki síður en þeir sem stærri voru. Sagði hann
oft frá afköstum sínum og hélt þeim mjög á lofti. Um hann
orti Sigurður þessa vísu:
Allt er sami ísleifur
ísleifur hnakkabratti
og Hrappsstaða-ísleifur
ísleifur litli skratti.
Sigurður sagði mér frá því á efri árum að hann hefði í
smíðum bændarímu um Laxdæli en þar fékk hver bóndi
heila vísu. Lofaði hann mér að heyra nokkrar þeirra sem þá
voru til orðnar. Ég man nú ekki nema þrjár þeirra en þær
voru á þessa leið:
Um bóndann í Lækjarskógi:
Liggur út við lágarðinn
Lækjarskóg ég syðstan finn
Sigurdör með störfin stinn
stórum prýðir búgarðinn.
Um bóndann í Þrándarkoti:
Syngur steðji Sæmundar
suðar foss í gili þar
færist grjót á grundirnar
gnauðar fljótið eyrarnar.