Breiðfirðingur - 01.04.1989, Side 50

48
BREIÐFIRÐINGUR
bóndi þar til 1912. Þá var hann aftur talinn þar í húsmennsku
nokkur ár. Síðan flutti hann að Hofakri til Sigfinns sonar
síns og dvaldist þar til æviloka.
Jón Bjarnason. Hann fæddist 21. mars 1855 og dó 8. apríl
1924. Foreldrar hans voru Bjarni Jónsson á Gillastöðum og
síðari kona hans Margrét Eyjólfsdóttir. Jón var ókvæntur og
barnlaus. Hann bjó fyrst með móður sinni en síðar með
ráðskonu er Kristjana hét. Þau Jón og Kristjana ólu upp
eina fósturdóttur. Hún hét Sigríður Halldórsdóttir. Jón byrj-
aði búskap á Kambsnesi og víðar en mun lengst hafa búið á
Hömrum.
Jón Jónasson. Hann fæddist 22. ágúst 1851 og dó 13. mars
1940. Foreldrar hans voru Jónas Jónsson frá Stóraskógi og
kona hans Helga Guðmundsdóttir. Kona Jóns var Ástríður
Árnadóttir frá Kirkjuhvammi á Vatnsnesi. Þau eignuðust
fjögur börn: 1. Sigurlaug giftist Sigurði Jónssyni frá Gufu-
skálum. Þau eignuðust þrjú börn. 2. Gróa átti Eyjólf Böðv-
arsson frá Sámsstöðum. Þau eignuðust fjögur börn. 3. Sig-
tryggur síðar bóndi og hreppstjóri á Hrappsstöðum. Hann
kvæntist Guðrúnu Sigurbjörnsdóttur ljósmóður frá Svarf-
hóli. Þau eignuðust þrjú börn. 4. Guðrún átti Guðbrand
Jónasson. Þau bjuggu í Sólheimum 1913 til 1919 en fluttu þá
til Reykjavíkur. Þau eignuðust níu börn. Þá ólu þau Jón og
Ástríður upp dótturdóttur sína er Ástríður hét. Hún var
dóttir Eyjólfs og Gróu.
Jón mun hafa stundað nokkuð sjómennsku á yngri árum
og verið formaður á árabátum við Isafjarðardjúp nokkrar
vetrar- og vorvertíðir. Hann hóf búskap í Sólheimum, þar
næst í Hrafnadal og Dönustöðum. Síðast bjó hann á
Hömrum 1886 til 1919 en flutti þá að Hrappsstöðum til Sig-
tryggs sonar síns og átti þar heima til æviloka. Jón gegndi all-
mörgum trúnaðarstörfum fyrir sveit sína. Hann sat t.d. all-
mörg ár í hreppsnefnd og var skipaður hreppstjóri frá 1907
til 1934. Fleiri opinberum störfum mun hann hafa gegnt.