Breiðfirðingur - 01.04.1989, Blaðsíða 92
90
BREIÐFIRÐINGUR
Þó að okkar ferð sé fljót
og fararstjórinn hvergi slóri,
á hann réttinn í nafnbót:
„áætlana-mála-stj óri“.
Eftir að við höfðum skoðað skólann og sundlaugina var
haldið af stað á Kambabrún. Var þar stansað, því nú
kvöddum við loks þá, er með okkur voru allan tímann eins
og fyrr getur, og aðra, er nú voru með. Voru þar ræður
fluttar að skilnaði og söngvar sungnir undir stjórn séra
Ólafs. Loks las Bjarni Ásgeirsson alþingismaður upp okkar
síðasta óð til Sunnlendinga, er ég setti saman:
Við sendum kveðjur Sunnlendingum
og syngjum allir vestanmenn.
Óskum heitt að búsæld búum
blessist langa framtíð enn.
Við hyllum bæði hal og svanna,
er hafa rétt oss vinamund.
Biðjum öll, að guð þeim gefi
glaða hverja æfistund.
Nú var haldið beint til Reykjavíkur og gist þar. Boð lágu
fyrir frá Helga Bergs forstjóra, að hann óskaði að við
kæmum við hjá Sláturfélagi Suðurlands, enda beið hann
okkar þar, glaður og glæsilegur, og bauð okkur velkomin og
leiddi okkur um öll hin miklu völundarhús og útskýrði hvað
eina fyrir okkur. Að endingu leiddi hann okkur í sal mikinn,
voru þar langborð dúkuð, vistum hlaðin, hin gómsæta, fag-
urrauða pylsa, brauð og öl. Lar ávarpaði Helgi Bergs okkur
að nýju, bað menn vel njóta og árnaði öllum heilla. Petta var
sannkölluð kóngamáltíð, enda snæddu allir standandi.
6. dagur.
Frá Reykjavík var svo lagt af stað eftir kl. 1 daginn eftir.
Fararstjóri, Steingrímur Steinþórsson, og fleiri fylgdu okkur