Breiðfirðingur - 01.04.1989, Side 47

BREIÐFIRÐINGUR
45
bónda á Gilsbakka í Miðdölum. Þau voru barnlaus. 5. Vikt-
oría átti Markús Hallgrímsson frá Túngarði.
Eggert hóf búskap í Gröf 1890 og bjó þar til æviloka en
var leiguliði allan sinn búskap. Eigandi jarðarinnar var á
þeim tíma Kristmundur Guðmundsson bóndi á Vígholts-
stöðum.
Daði Halldórsson. Hann fæddist 27. janúar 1876 og dó 28.
október 1938. Foreldrar hans voru Halldór Pétursson á
Leysingjastöðum í Hvammssveit og kona hans Guðfinna
Daðadóttir. Fyrri kona Daða var Viktoría Kristjánsdóttir
frá Breiðadal í Önundarfirði. Pau áttu ekki börn. Fyrri
maður Viktoríu var Sigmundur Erlingsson í Vigur. Hún
ávann sér vináttu og traust allra er kynntust henni og þótti
fyrirmyndar húsmóðir. Hún lést 15. mars 1925, 68 ára.
Seinni kona Daða var Margrét Sigurðardóttir frá Fögru-
grund í Miðdölum. Sonur hennar frá fyrra hjónabandi var
Ágúst Vigfússon kennari í Bolungarvík og seinna í Reykja-
vík. Ágúst varð og landskunnur fyrir þætti er hann flutti í
útvarpi um ýmis efni.
Daði hóf búskap á Dönustöðum 1899 og bjó þar til ævi-
loka. Hann mun þó hafa verið talinn húsmaður þar síðustu
æviárin. Daði bætti jörð sína allmikið bæði að húsakosti og
ræktun og bjó allstóru búi á mælikvarða samtíðar sinnar.
Hann gegndi og ýmsum trúnaðarstörfum fyrir Laxárdals-
hrepp. Til dæmis sat hann í hreppsnefnd mörg ár og annaðist
forðagæslu. Hann var einn af stofnendum Fiskræktar- og
veiðifélags Laxdæla og sat í stjórn þess fyrstu árin.
Þau Daði og Viktoría ólu upp að meira eða minna leyti
nokkur fósturbörn. Má þar til nefna Daníel Benediktsson
bróðurson Daða, Karítas Jóhannsdóttur sem getið er hér að
framan, Skúla Jóhannesson síðar bónda á Dönustöðum og
Jóhönnu Lilju konu Skúla.
Gísli Jóhannsson. Hann fæddist 2. júní 1875 og dó 15. apríl
1961. Foreldrar hans voru Jóhann á Saurum og Guðbjörg