Breiðfirðingur - 01.04.1989, Blaðsíða 54

52
BREIÐFIRÐINGUR
Gillastöðum allan búskapartíma þeirra. Hún var ætíð sótt af
fjölda manns og flestir eða allir er þangað komu hafa notið
gestrisni þeirra í ríkum mæli og ætíð án endurgjalds.
Tómas Tómasson. Hann fæddist 1. júlí 1860 og dó 10.
febrúar 1944. Foreldrar hans voru Tómas Guðmundsson á
Litlu-Þverá í Miðfirði og kona hans Halldóra Guðmunds-
dóttir frá Brandagili í Hrútafirði. Kona Tómasar var
Guðrún Árnadóttir bónda í Grænumýrartungu. Hún dó 4.
júní 1953 nær 90 ára. Þau eignuðust fjögur börn:
1. Árni Leví hóf búskap á Lambastöðum 1920 og bjó þar
til 1943. Þá flutti hann til Búðardals og réðst skrifstofumaður
hjá Kaupfélagi Hvammsfjarðar. Kona hans var Þórey
Kristín Þorleifsdóttir Jónssonar bónda og hómópata á
Hornsstöðum. Þau Árni og Þórey eignuðust tvo syni, Harald
Leví sem vinnur á skrifstofu Dalasýslu í Búðardal, og
Gunnar Leví sem dó fjögra ára að aldri. Til minningar um
hann stofnuðu þau Þórey og Árni smásjóð sem heitir Gunn-
arsminning. 2. Ólafur Ingólfur lærði trésmíði og byggði
íbúðarhús á Lambastöðum, Ljáskógum og Dönustöðum.
Hann flutti til Búðardals 1943 og byggði þar nokkur íbúðar-
hús. Auk þess byggði hann nokkur fénaðarhús í sveitinni.
Hann var eftirsóttur smiður vegna dugnaðar og vandvirkni.
Hann var ókvæntur og barnlaus. 3. Stefán hóf búskap á
Goddastöðum 1936 en flutti árið 1946 til Búðardals og síðar
Stykkishólms og stundaði verkamannavinnu á báðum
stöðum til æviloka. Kona hans var Amalía Karólína Þor-
leifsdóttir frá Bjarnarhöfn. Þau Amalía og Stefán voru barn-
laus en hún hafði áður verið gift Jósef Kristjánssyni frá
Snóksdal en hann drukknaði í ferð á ísi um Hvammsfjörð 1.
mars 1918. Þau Jósef áttu eina dóttur. Hún hét Elín Kristín
kennslukona og dó nálægt þrítugsaldri. 4. Guðlaug flutti til
Reykjavíkur en stundaði ráðskonustörf í mötuneyti fisk-
verkafólks í Keflavík og síðan ýmsum mötuneytum Vega-
gerðarinnar. Hún var ógift og barnlaus.