Breiðfirðingur - 01.04.1989, Blaðsíða 76
74
BREIÐFIRÐINGUR
fótum. Margt þurfti að gera. Ég, litla telpan á bænum, hopp-
aði áhyggjulaus milli fullorðna fólksins, sem var allt við
vinnu sína. Mamma lét hreint á öll rúmin, fægði lampana og
pússaði lampaglösin svo Ijósin skinu skærar er kveikt yrði á
sjálft jólakvöldið. Ennfremur fyllti hún lampana af stein-
olíu. Allt var þvegið og snyrt til í litlu baðstofunni, í suður-
endanum, sem var lítil gestastofa og svefnstaður pabba og
mömmu. Var nú allt orðið jólalegt. Mamma fór að skúra
baðstofugólfið. Pað var trégólf holótt og slitið. Hún skúraði
það upp úr sandi og sápu. Það var áreiðanlega erfitt verk. Þá
var ég mest fyrir. Það mátti ekki ganga útá blautu blettina.
Þeir áttu að þorna vel áður gengið yrði um gólfið.
Ég laumaðist þá upp í rúmshornið hjá Herdísi ömmu.
„Vertu hérna rýjan mín,“ sagði amma. Hún sat oftast á rúm-
inu sínu, réri þar við prjónana sína. Þangað sótti ég alltaf
sögu, þulu eöa hún söng eða kvað, vísur eða kvæði en af
þeim kunni hún mikið. Þetta voru mínir barnatímar í rökkr-
inu. Amma sagði mér frá sínum bernskujólum í Garðhúsum
í Reykjavík. Hún yngdist öll upp blessuð gamla konan þegar
hún var að rifja upp þessa löngu liðnu daga. Ég nam margt
í horninu hjá henni Herdísi ömmu, og tíminn leið svo fljótt.
Nú voru jólin alveg að koma, klukkan sló fimm. Rökkur-
stundin var liðin. Amma lagði frá sér prjónana. Mamma
kveikti ljós á stóra lampanum sem hékk í loftinu. Þá ljómaði
baðstofan öll, allt var hreint og fágað. Afi og pabbi komu
inn frá gegningum. Lilja amma var búin með fjósverkin og
að ganga frá öllu í búrinu. Það voru hennar verk. Þegar
heimilisfólkið var allt komið inn, tóku allir við að þvo sér og
hafa fataskipti. Afi og pabbi rökuðu sig. Báðir voru þeir
með raksápu með bursta og rökuðu sig með skegghníf. Þeir
eru nú líklega ekki notaðir í dag. Mamma þvoði mér og
greiddi og færði mig í nýjan kjól sem hún hafði saumað, ég
fékk einnig nýja sokka, og sauðskinnsskó bryddaða með
hvítum eltiskinnsbryddingum og fallegum leppum. Voða var
ég fín. Ég réði mér ekki fyrir kæti, hoppaði um baðstofuna
og faðmaði kisu mína sem sat malandi hrein og mjúk í rúms-