Breiðfirðingur - 01.04.1989, Qupperneq 49

BREIÐFIRÐINGUR
47
tugsaldur en hélt þó áfram húsmóðurstörfum þar til Jónas
hætti búskap. Þá flutti hún að Gillastöðum til Skúla sonar
síns. Par hélt hún áfram margskonar vinnu, mjólkaði t.d.
kýr og vann ýmsa tóskaparvinnu. Ingigerður lést 7. apríl
1940, níræð að aldri.
Jónas er talinn hafa flutt í húsmennsku að Sólheimum árið
1889 en byrjað þar búskap 1890. Árið 1892 flytur hann að
Gillastöðum og býr þar í sex ár. Árið 1898 flytur hann aftur
að Sólheimum og býr þar til 1912. Það ár hætti hann búskap
og vann á ýmsum stöðum innan sveitar og utan eftir því sem
til féll. Jónas var ákaflega vinsæll maður og gerði mönnum
margskonar greiða, einkum með ferðalögum. Vegna þess
átti hann ætíð til hesta og þótti atorkusamur og öruggur í því
starfi. Hlífði hann sér þá hvergi og var fljótur í ferðum. Bú
hans var ekki stórt í sniðum. Þó komst hann vel af og mun
það ekki síður hafa verið konu hans að þakka þótt blind
væri.
7. vísa:
Sigtryggur er sérlyndur
sagður Nonni ónýtur
Jón er gerður guðhræddur
greyið Böðvar afleitur.
Sigtryggur Sigtryggsson. Hann fæddist 16. júní 1845 og dó 9.
janúar 1940. Foreldrar hans voru Sigtryggur Finnsson og
kona hans Guðrún Jónsdóttir frá Kjörseyri. Talið var að
draugurinn Ennis-Móri hefði flutt með foreldrum Sigtryggs
Finnssonar að Sólheimum og eftir það verið kenndur við
þann bæ og kallaður Sólheima-Móri. Kona Sigtryggs yngra
var Steinunn Jónasdóttir, systir Jóns hreppstjóra á
Hömrum. Hún dó 9. ágúst 1915. Börn þeirra voru: 1. Sigríð-
ur átti Einar Magnússon bónda í Teigi, Hvammi og Jónsseli.
2. Helga átti Daníel bónda í Sólheimum og síðar í Þrándar-
koti. 3. Sigfinnur bóndi á Hofakri. Kona hans var Þuríður
Magnúsdóttir frá Staðarfelli.
Sigtryggur var í fyrstu talinn húsmaður í Sólheimum en