Breiðfirðingur - 01.04.1989, Side 146

144
BREIÐFIRÐINGUR
Frá ritstjórum
Eins og fram kemur í skýrslu um starf Breiðfirðingafélagsins lét
Einar Kristjánsson á síðasta hausti af átta ára þegnskylduvinnu
sem ritstjóri Breiðfirðings en undirritaðir tóku við um sinn. Tími
var heldur naumur til að afla efnis í þetta hefti því að fátt var um
fyrningar en prentsmiðja þarf helst að fá handrit til setningar í
byrjun febrúar ef ritið á að koma út fyrir sumar. Eitt af því sem
okkur vannst ekki tóm til að fylgja eftir í heftinu var að hafa upp
á mönnum sem ef til vill gætu þekkt fólk á ljósmyndum frá 3. og
4. áratugnum og birtar eru á bls. 93, 99 og 107. Við sárbænum
því lesendur að gefa sig fram eða benda á hugsanlega heimilda-
menn um þetta atriði. Myndirnar yrðu þá birtar aftur með
nöfnum og skýringum í næsta hefti.
í framhaldi af þessum orðum skal það áréttað að enginn býst
við því að menn liggi með fullbúið handrit og bíði einungis eftir
kallinu. Allir þurfa sinn tíma til frágangs. Því viljum við hvetja
alla til að láta okkur vita af efni sem þeir eiga sjálfir í uppkasti
eða jafnvel ekki nema háifkarað í huga. Og fyrir alla muni
kjaftið frá ef þið hafið grun um þvílíkt efni hjá öðrum!
Átthagarit eins og Breiðfirðingur á að standa opið fyrir efni af
margskonar tagi og sem víðast úr byggðum Breiðafjarðar. Þar
má ægja saman fræðilegum ritgerðum, gömlum og nýjum minn-
ingabrotum, hvunndagskveðskap og hótfyndni svo sem raun er á
í þessu hefti. Enginn má láta ótta um ranga stafsetningu eða
hæpið málfar aftra sér frá að koma efni á framfæri. Góður frá-
sagnarmáti er ekki fólginn í stafsetningarreglum. Til þess eru
líka ritstjórar að lagfæra það sem þeir telja að lagfæra megi. Og
það er óspart gert jafnt við lærða sem ólærða.
Af öllum þessum sökum þyrftum við að fá ábendingar um efni
fyrir lok október svo að tími vinnist til að ganga frá því til prent-
unar fyrir lok janúar. Samband skal haft við Árna Björnsson, s.
91-14654, og á Þjóðminjasafni, s. 28888 ellegar Einar G. Péturs-
son, s. 91-11746, og á Árnastofnun, s. 25540.