Breiðfirðingur - 01.04.1989, Page 86

84
BREIÐFIRÐINGUR
allir. Veður var hið besta. Þaðan fóru allir vel kátir og
fjörugir.-----
Frá Brúarlandi var svo farið að Blikastöðum, Korpúlfs-
stöðum og Reykjum. Voru þessi fyrirmyndarbú skoðuð, en
viðdvöl fremur stutt. Margt er merkilegt að sjá á þessum
þrem stórbýlum, en varla hægt á svo skömmum tíma að
njóta þess til fulls; svo yfirgripsmikið er það. En lánsamir
eru þeir sveitaunglingar, sem ekki hafa ástæður til að ganga
á búnaðarskóla, að geta unnið á slíkum framfarastöðum.
Það var mörgum bónda mikil ánægja að sjá á Korpúlfs-
stöðum þrjú naut hvert öðru stærra og fegurra. Reynist slíkir
gripir öruggir til kynbóta, þurfa bændur að eignast valda bola-
kálfa þaðan. Síðla dags var svo haldið til Þingvalla. Þar
beið okkar próf. Sigurður Nordal, er hélt ræðu í Snorrabúð,
hið skemmtilegasta og fróðlegasta erindi um Þingvöll.
Þangað fylgdu okkur margir úr Kjalarnesþingum. Þar biðu
og til að taka á móti okkur, stjórn Búnaðarsambands Suður-
lands, þeir Guðmundur Þorbjarnarson í Hofi, Guðjón Jóns-
son í Ási og Dagur Brynjólfsson, er fylgdu okkur um allt
Suðurland, og skildu ekki við okkur fyrr en á Kambabrún. Á
Þingvöllum var gist. Veður var hið dýrðlegasta.
3. dagur.
Frá Þingvöllum var farið árla dags. Var þá ekið niður
Grafning. Veður var enn indælt og naut ferðafólkið hinnar
tignarmiklu Þingvallafegurðar í allri sinni dýrð. Þegar komið
var niður fyrir Úlfljótsvatn stigu menn úr bifreiðunum og
gengu til Sogsfossa, en þar er hið mikla orkuver. Þar var
fyrir hópur fólks úr Reykjavík og nærsveitum. Reykjavíkur-
bær hafði þar boð inni, veitti kaffi og smurt brauð, ásamt öli
og víni, svo að margur hýrnaði enn meir í skapi. Var þar
rausnarlega veitt og mun þó mannfjöldinn hafa verið á
annað hundrað. Þó sýndist salur sá hinn mikli þola meira og
eins rausn þeirra Reykvíkinganna. Rafmagnsstjóri og frú
tóku á móti gestum, ásamt fleirum. Hélt hann alllangt erindi
viðkomandi virkjuninni, en því miður heyrðu aðeins hinir