Breiðfirðingur - 01.04.1989, Blaðsíða 28

26
BREIÐFIRÐINGUR
Gestsson. Auk þess frásagnir greinagóðra manna og síðast
en ekki síst eigin kynni af þeim mönnum sem nefndir eru í
rímunni. Loks læt ég fljóta með ýmsar smásögur er gengu
manna á milli og mér finnst að gjarna mætti forða frá
gleymsku.
1. vísa:
Kristján sér um sveitina
situr Gísli rólega
Björn kann prjóna brókina
byggir Ása veggina.
Kristján Tómasson. Foreldrar hans voru Tómas Eiríksson á
Ketilsstöðum í Hörðadal og Hólmfríður Hallgrímsdóttir
vinnukona hans. Kristján var fæddur 12. október 1844 og
dáinn 2. apríl 1907. Fyrri kona hans var Ása Egilsdóttir og
var hann seinni maður hennar. Þau eignuðust tvo syni,
Benedikt og Kristján. Seinni kona hans var Jóhanna Stef-
ánsdóttir frá Reynikeldu. Þau eignuðust tvær dætur, Guð-
rúnu Kristjönu og Jóhönnu Maríu.
Kristján hóf búskap á Þorbergsstöðum 1869 og bjó þar til
dauðadags. Auk þess sem hann kom fljótlega upp stóru búi
eignaðist hann margar jarðir í Laxárdalshreppi og víðar.
Hann var hreppstjóri Laxdæla og oddviti hreppsnefndar frá
1874. Gestrisni var mikil á heimili þeirra hjóna. Hann hlaut
verðlaun úr Styrktarsjóði Kristjáns konungs IX fyrir fram-
takssemi í búnaði, enda bætti hann Þorbergsstaði mikið
bæði hvað snerti ræktun og húsakost.
Hann var einn þeirra manna sem á þeim tíma lánaði
fátækari mönnum matvæli og fleira er þeir komust í þröng
með lífsviðurværi á vorin. Einkum mun það hafa verið á 9.
tug 19. aldar en þá gengu yfir ein hin mestu harðindi sem um
getur á síðari öldum. Hann mun þó ekki hafa tapað á þeim
viðskiptum, enda lagt alúð við að innheimta þær skuldir og
tekið upp í þær einkum sauði á næsta hausti. Þeir voru góð
söluvara um þessar mundir. Kristján varð svo einn hinn rík-