Breiðfirðingur - 01.04.1989, Qupperneq 45

BREIÐFIRÐINGUR
43
Á þeim tíma versluðu Laxdælir á Borðeyrartanga en þar
höfðu danskir kaupmenn hafið og rekið verslun og voru
sumir þeirra allvinsælir. Árið 1908 urðu mikil átök í stjórn-
málum svo sem kunnugt er. Það bar þá til að Laxdælir fóru
þangað nokkrir saman. Sigurbjörn var með í þeirri ferð, svo
og heimastjórnarmaður greindur og vel máli farinn. Þeir
stóðu á öndverðum meið í pólitískum málum og réðist
heimastjórnarmaðurinn svo að Sigurbirni í því efni og ekki
síður persónulegum málum að samferðarmönnum þeirra
þótti ganga úr hófi fram. Sigurbjörn lét áreitni hans ekki á
sér festa og svaraði fáu eða engu til. Gengur nú svo allan
daginn þar til þeir eru á heimleið og sestir að kaffidrykkju í
Sólheimum, fremsta bæ í Laxárdal. Þá rís Sigurbjörn úr
sæti, hvessir augun á heimastjórnarmanninn og kveður þessa
vísu:
Þú skalt ganga þrautastig
því mig særir margsinnis
ég skal karl minn kveða þig
kvikan beint til helvítis.
Samferðamenn sögðu að árásarmanni hefði brugðið alló-
notalega við og ekki átt í ýfingum við Sigurbjörn það sem
eftir var ferðarinnar.
Svo bar við í einni Borðeyrarferð að þegar Sigurbjörn
ríður niður til búðarinnar standa þar nokkrir menn og ræða
saman. Meðal þeirra var Þorvaldur Ólafsson bóndi og
hreppstjóri á Þóroddsstöðum. Hann var um þessar mundir
verslunarstjóri R. P. Riis á Borðeyri. Þegar Sigurbjörn hefir
kastað kveðju á menn og stigið af baki kveður hann svo-
hljóðandi vísu:
Eg er hissa orðinn vissulega.
Stendur hér í strákafans
stórhöfðingi Norðurlands.