Breiðfirðingur - 01.04.1989, Qupperneq 40

38
BREIÐFIRÐINGUR
stöðum eftir að Bjarni hætti búskap. 3. Jófríður kona
Jóhannesar Benediktssonar bónda og oddvita á Saurum.
bau Bjarni og Margrét eignuðust einn son, Jóhann að
nafni. Hann lauk námi í unglingaskóla síra Ólafs í Hjarðar-
holti. Eftir það réðst hann til starfa hjá Kaupfélagi Hvamms-
íjarðar og vann þar af mikilli alúð og trúmennsku um langt
árabil og naut mikilla vinsælda meðal viðskiptamanna þess.
Jóhann hafði mikinn áhuga á félagsmálum. Hann sat lengi í
stjórnum ungmennafélagsins Olafur pái og Ungmennasam-
bands Dalamanna. Hann vann ennfremur aðalstarfið við að
koma af stað byggingu héraðssambandsins á sundlauginni að
Laugum og útvegun fjármagns til þeirrar framkvæmdar.
Jóhann flutti á síðari árum til Reykjavíkur og vann hjá
Sambandi ísl. samvinnufélaga til æviloka.
Bjarni mun hafa byrjað búskap á Hróðnýjarstöðum og
búið þar tvö ár en flutti að Leiðólfsstöðum árið 1899 og bjó
þar til 1920. Hann var mikill fjörmaður og áhugasamur
bóndi í ræktunarmálum. Hann byggði upp á Leiðólfsstöðum
bæði íbúðarhús og fénaðarhús af meiri framsýni en almennt
tíðkaðist á hans dögum. Hann leiddi t.d. sjálfrennandi vatn
bæði í íbúðarhús og fénaðarhús en það mun þá hafa verið
mjög sjaldgæft. Skylt er þó að geta þess að hann naut í
ríkum mæli aðstoðar Guðmundar stjúpsonar síns í öllum
byggingaframkvæmdum en Guðmundur var ágætur smiður á
tré, járn og silfur.
Bjarni varð alblindur innan við sextugsaldur. Hann vann
þó ýmis verk eftir það, t.d. öll fjósaverk, og var ekki hægt að
sjá annað en þau væru unnin af manni með fulla sjón. Hann
ferðaðist eins og fullsjáandi maður í fylgd með öðrum enda
átti hann reiðhest jarpan að lit, mikinn stólpagrip. Ég minn-
ist þess að eitt sinn fór hann með mér til Borgarness og þurfti
ekkert fyrir honum að hafa annað en rétta honum tauminn
á Jarp.
Sæmundur Jónsson. Hann fæddist 8. október 1847 og dó 27.
október 1919. Foreldrar hans voru Jón Einarsson og kona