Tímarit Máls og menningar - 01.06.2015, Blaðsíða 29

É g e r s j a l d a n s a m m á l a s j á l f r i m é r l e n g i í e i n u
TMM 2015 · 2 29
Eitthvað um framtíð skáldskaparins hér á jörðu?
Hann lifir eins lengi og við getum elskað, hlegið og hugsað.
Hver er uppáhalds látni skáldsagnahöfundurinn þinn?
Allir þessi látnu höfundar fyrir að hafa fætt af sér bókmenntirnar.
En lifandi?
Ég er talsvert að lesa um Michel Houellebecq og verk hans þessa dagana,
ekki í fyrsta sinn, reyndar, mér finnst bara gaman að velta honum og verk-
unum hans fyrir mér því hann getur verið skringilega forspár og það er
skemmtilega snúið að festa fingur á honum. Svo er hann auðvitað í tísku
núna, aktúell, eins og nýmóðins fólk segir. Hann er samt ekki uppáhalds-
skáldsagnahöfundurinn minn, ég á mér engan uppáhaldshöfund. Ég hef oft
nefnt einhverjar bækur tilviljanakennt sem uppáhaldsbækurnar mínar en
það er bara bull og vitleysa. Bækur eru góðar á svo misjöfnum forsendum
að það er aldrei hægt að bera þær saman á þennan hátt. Í því ljósi er að vissu
leyti hræsni af manni að taka á móti tilnefningum og viðurkenningum,
maður gerir það samt til að koma bátnum í höfn og fóðra hégómann.
Hver er uppáhalds sögupersónan þín?
Ég. Djók.