Tímarit Máls og menningar - 01.06.2015, Page 120

Tr y g v i D a n i e l s e n
120 TMM 2015 · 2
Hún drepur í, virðir leifarnar af sígarettunni fyrir sér um stund og horfir
beint í augun á honum aftur.
Líf (hljómlausri röddu):
„Ég er viss um að við getum fundið eitthvert ráð.“
Hvorugt þeirra er í minnsta vafa um hvað það er sem hún var að gefa í skyn.
Hann hlær eins og þúsund slöngur hvæsi.
„Nú, jæja?“ spyr hann æstur. „Finna eitthvert ráð, segir þú. Það hljómar
afar spennandi.
En það verður að vera eitthvað alveg sérstakt ef þú ætlar
að borga þrjár húsaleigur.“
Viðbjóðslega hvæsið vellur upp úr honum aftur.
* Sssssss- *
Ég er við það að kasta upp og ég finn að þannig líður mömmu líka.
Hann klæðir sig úr og afhjúpar takmarkalausan ófríðleika nektar sinnar.
Með slönguglott út um allt trýni hlammar hann sér á rúmið og bíður eftir
mömmu. Pinkulítill tittlingur og samankrumpuð eistu lafa undir belgnum
sem varpar skugga á tólin. Hann leggst niður og ásýnd hans verður enn and-
styggilegri.
Gerðu mig stífan
fyrirskipar hann mynduglega.
Hún leggst við fótskörina og byrjar að snerta hann. Ég legg litlu hendurnar
mínar fyrir augun og finn að tár streyma út. Ég skil vel hvað er í gangi.
Hún gerir það fyrir okkur.
Ég finn höfuðið á henni ganga upp og niður með rækjutyppið í munninum.
Hún vaggar silalega meðan augun stara blint og í glötun á sálarvana ásýnd
hans. Hann stynur lágt og hvæsir hvasst.
„Þú hefur reynsluna af þessu, hóran þín, það er greinilegt.
Sjúgðu hægar
Já …
Svona.“
Velgjan sem mamma fyllist nístir eins og logandi hnífur. Ég vildi óska að ég
væri með fjórar hendur svo að ég gæti haldið fyrir bæði augu og eyru.
Að stundarkorni liðnu stynur hann ógurlega. Mamma gengur yfir að
vaskinum, spýtir og fær sér nokkra vatnsdropa úr krananum. Hann gerir að
gamni sínu meðan hann klæðir sig.
„Þrír mánuðir eru miklir peningar. Þú skalt búa þig undir margar svona
heimsóknir ef við eigum að verða kvitt,“ tilkynnir hann kuldalega meðan
hann gengur út um dyrnar.
Mamma kastar sér í rúmið. Við grátum okkur í kór inn í veröld
hvíld ar innar.
*