Tímarit Máls og menningar - 01.11.2015, Page 12

K r i s t í n Ó m a r s d ó t t i r
12 TMM 2015 · 4
í Leiklistar­ og myndlistardeildum Listaháskólans, í Menntaskólanum í
Reykja vík, líka í Kennaraháskólanum og við Háskóla Íslands – sem varð mitt
aðalstarf. En ég var líka út um allt að vinna við myndlistarumfjöllun, sýn­
ingar stjórn og alls kyns listfræðistörf.
Hvernig finnst þér að kenna?
Mér hefur alltaf þótt mjög gaman að vera kennari.
Nú vinnur þú að ritstörfum?
Já, nú skrifa ég, ég fékk starfslaun.
Viltu segja mér hvað þú ert að skrifa?
Ég er að vinna að nýrri skáldsögu en því miður get ég ekki sagt þér frá
henni því þá langar mig ekki til að halda áfram, löngunin hverfur við að tala
um verk á meðan maður vinnur að því.
***
Við hvaða annað starf myndirðu kjósa að starfa?
Ég væri til í að vera garðyrkjumaður.
Hvaða annað starf myndirðu alls ekki vilja vinna?
Ég myndi alls ekki vilja vera hermaður.
Hvað meturðu mest í fari manneskju?
Hugrekki gagnvart eigin örlögum og örlæti.
Hvað meturðu minnst í fari manneskju?
Skort á samkennd.
Hverjir eru kostir þínir? Hvað meturðu mest í eigin fari?
Að geta risið upp aftur og dustað stélið.
Hvað metur þú minnst í eigin fari?
Óþol og þó nokkra aðra hluti.
Hvað finnst þér skemmtilegast að gera?
Það sem mér finnst skemmtilegast að gera er kannski svoldið persónulegt
– má það vera sem mér finnst næstskemmtilegast að gera?
Já takk.
Mér finnst gaman að umgangast fólk sem er með svona hreint hjarta, eins
og börn og barnalegt fullorðið fólk.