Tímarit Máls og menningar - 01.11.2015, Síða 15

S j ö t í u þ ú s u n d h u g s a n i r
TMM 2015 · 4 15
er að gerast. Ég get alveg vakað ef einhver býður mér í partý en það gerist
næstum aldrei. Á tímabili vaknaði ég klukkan sex til að skrifa áður en ég fór
í vinnuna.
Hver er uppáhaldsmálsverðurinn þinn?
Morgunmaturinn.
Hlustarðu á tónlist þegar þú skrifar?
Nei, bara alveg undir lokin til að skrifa hraðar.
Áttu þér uppáhaldssögupersónu?
Í bókmenntum? Nei, ég er ekki mikil uppáhaldsmanneskja með neitt,
uppáhald er svo breytilegt hjá mér. Ég er alltaf að leita að einhverju sem
kemur á óvart. Einhverju sem er frábrugðið því sem ég hef lesið áður.
Hvað er það undarlegasta við sjálfa þig?
Löngun til að taka til í heiminum.
Hvað er venjulegast við sjálfa þig?
Þörf fyrir að elska.
Hvaða dyggð er ofmetin? Eru dyggðir enn til?
Ég veit það ekki.
Samviskusemi kvenna? Og kannski það að segja sannleikann. Eða eins
og ein persóna í leikriti segir: „Ég segi bara sannleikann.“ Hvaða sannleika?
Þessar sjötíu þúsund hugsanir sem fara um hugann á hverjum degi?
En vanmetin dyggð?
Rifjaðu aftur upp fyrir mér hvað eru dyggðir? Er mildi og gæska dyggð?
Náungakærleikur?
Já, mildi, gæska og náungakærleikur eru að öllum líkindum dyggðir. En
hver er dýrmætasta eign þín?
Vinskapur.
Hvað líturðu á sem mestu eymd?
Að vilja ekki deila með öðrum.
***
Er öðruvísi að vera rithöfundur af kvenkyni en af karlkyni? Hver heldurðu
að sé munurinn á stöðu karl- og kvenhöfunda?
Nú hef ég bara prófað annað … En hvað stöðu karl­ og kvenrithöfunda