Ófeigur - 15.05.1956, Side 65

ÓFEIGUR
6®
íþróttaskóli, menntaskóli og byrjun að iðnskóla. Margir
hafa stutt að þessum stórvirkjum, en Bjarni hefir
haft meginforystuna við þessar framkvæmdir. Nú vinn-
ur hann að mjög frumlegri og afarþýðingamikilli fram-
kvæmd. Hann byggir fjós á fögrum stað við skógar-
jaðarinn á Laugarvatni, fyrir 50 nautgripi. Þeir ganga
lausir í stórum sal. Saur og þvag fellur niður í áburðar-
kjallara gegnum þar til gerðar raufir í plankagólfi.
Nautgripirnir eru jafnhreinir og úti í beitilandinu. Við
útveggi eru vatnsþrær og jötur. Heyinu er ekið í þar
til gerðum léttivögnum úr hlöðu og turnum að jötunni.
Kýrnar koma í sérstakan bás vegna mjalta og fá fóð-
urbæti um leið. Fjósameistarar ganga um ríki sitt í
hvítum klæðum eins og hjúkrunarkonur í spítala. Þetta
er amerísk og íslenzk framkvæmd. Svona verða öll fjós
á íslandi í framtíðinni. Tveir myndarbændur hafa nú
þegar fullgert samskonar fjós, en minni. Þetta skipu—
lag flytur íslenzka stórgripi úr myrkvastofu fyrri alda
inn í ljós dagsins og brýtur af gegningarfólkinu lítils-
virðingarheiti fortíðarinnar. Vel er að þessi mikla um-
bót í búnaðartækni sveitafólksins verði til sýnis og
kynningar ungmennum í stærsta skólabæ landsins.
*
Það má í sambandi við Laugarvatn, nefna dæmi um
þjóðhollustu þeirra manna, sem staðfestu skólaþrælk-
unina 1946. Laugarvatn ber þess merki. Bjarni Bjarna-
son rak þar margþætta starfsemi. Þar var stærsti hér-
aðsskólinn, stærsta sumargistihús, stórt bú, myndar-
legt gróðurhús við jarðhita. Skólagjöld nemenda og
hagnaður af gistihúsrekstri, búskap og gróðurhúsinu
gerði kleift að láta skó.lann vaxa og ná meiri fjöl-
breytni, þó að ríkið legði lítið fram í hörðu árunum.
Laugarvatn var sjálfstætt fyrirtæki undir héraðsvernd.
Eftir lögunum frá 1946 voru allir kennarar teknir á
ríkislaun. Sýslan varð eigandi að einum fjórða hluta
skólans, en ríkið að þrem fjórðu. En ríki og sýsla
vildu ekki og gátu tæplega tekið að sér reksturinn á
þessari fjölbreyttu jörð. Helzt leit út fyrir að það yrði
að leggja niður gistihúshaldið, því að enginn óviðkom-
andi maður tók að sér slíkan rekstur í fáar vikur á ári.
Nú er gistihúshald á Laugarvatni raunverulega stöðv-
að. Garðyrkjumaður hefir tekið gróðrarstöðina á leigu
en af því að Bjarni er mikill búmaður, tók hann búið