Dagblaðið Vísir - DV - 22.03.2019, Blaðsíða 20

20 FÓKUS - VIÐTAL 22. mars 2019
töluðu þeir um að félagsskapurinn
væri góður. En sumir voru í sömu
stöðu og ég, höfðu misstigið sig í
lífinu og vildu koma út sem betri
samfélagsþegnar. En þeir voru þvi
miður ekki margir.“
Ekkert að fela
„Þegar ég losnaði út af Litla
Hrauni fór ég á Vernd. Ég fékk að
stunda mína vinnu en þurfti alltaf
að vera kominn inn fyrir klukkan
18 á kvöldin og mátti fara út klukk-
an 7 á morgnanna. Á Vernd var ég
skyldugur til þess að sækja fundi
hjá SÁÁ. Mér fannst það gott.
Ég fékk styrk á þessum fundum.
Lærði að tjá mig og lærði að hlusta
á aðra. Það er mikilvægt í lífinu,“
segir Kristján.
„Þegar upp er staðið, þá finnst
mér erfiðast að fyrirgefa sjálfum
mér fyrir að hafa brotið af mér.
En að mörgu leyti er ég þakklátur
fyrir allt saman. Ég hef lært mik-
ið, en þetta var mjög harður skóli
og hefur verið erfið lífsreynsla.
Hluti af þessu fyrir mig, til þess
að finna sálarró er að koma fram,
ræða þessa hluti og miðla af minni
reynslu. Þetta er líka hluti af því
sem mig langar til þess að kenna
börnum mínum.“
Hver er lærdómurinn?
„Mér finnst gott að krakkar sjái
það og læri af foreldrum sínum að
öllum getur orðið á í lífinu. Það er
hluti af lífinu að mistakast og það
verður að kenna krökkum hvernig
á að tækla það. Ég tel mig reyndar
ekki hafa gert það nógu vel og má
þar nefna að ég sagði elstu drengj-
um mínum fyrst frá þessu í fyrra.
Sem er allt of seint. Mín afsökun
var alltaf að þeir væru ekki tilbúnir
að hlusta og skilja mig. En ég hafði
rangt fyrir mér. Þessi stund með
mínum drengjum var sú erfiðasta
sem ég hef upplifað, en rosalega
mikill léttir á sál minni. Ég þurfti
mikinn kjark til þess. Ég sagði svo
mínum yngstu frá þessu, í síð-
ustu viku, ræddi við þá um þetta,
en þeir eru 8 og 9 ára gamlir. Þeir
skildu mig og fannst gott og gam-
an að pabbi þeirra ræddi svona
hluti við þá. Ég fann fyrir því frá
þeim að þeir líta upp til mín og
það var góð tilfinning.“
Sögusagnirnar bíta
Síðan málið kom upp og Krist-
ján hlaut sinn dóm, hafa loðað
við hann sögur. Sögusagnir hafa
reynst honum þungur baggi.
„Maður vill geta varið sjálf-
an sig. En svona Gróusögur fara
á kreik og eignast sjálfstætt líf. Oft
eru menn að ýkja og reyna að vera
fyndnir og alltaf er bætt í. Sumar
sögurnar festast og þær særa mig
alltaf.“
Ein af þessum sögum tengjast
þekktum auglýsingum Fiskikóngs-
ins. Sá kvittur komst á kreik að þær
væru einhvers konar dulmál fyrir
eiturlyfjasölu. Kristján segir þetta
ekki eiga við rök að styðjast.
„Sumar sögur eru bara nokkuð
fyndnar og hvernig fólk hefur hug-
myndaflug í þetta. En í markaðs-
fræðinni er talað um að illt umtal
sé betra en ekkert. Ég get ekki ann-
að en þakkað þessu ágæta fólki
fyrir að auglýsa fyrir mig, þó ég sé
alls ekki stoltur af þessu leiðinlega
umtali. En allar sögur særa mig og
þá sérstaklega sögur sem eru ekki
sannar. Þó svo ég hafði myndað
brynju fyrir alls kyns sögum, þá
særa þær alltaf og hafa þau áhrif
að mér líður illa,“ segir Kristján.
Skrýtið að vera frægur fisksali
Við segjum ekki alveg skilið við
auglýsingar Fiskikóngsins, enda
hafa þær verið lengi í gangi og
vekja ávallt athygli. Kristján lýsir
því hvernig þær komu til.
„Fiskverslanir hafa ekki mikinn
pening til að auglýsa sig og standa
í markaðsstarfi. Ég ákvað að hafa
auglýsingarnar stuttar, einfald-
ar og hnitmiðaðar. Stór fyrirtæki
framleiða langar og dýrar aug-
lýsingar með miklu sjónarspili.
Áhorfandinn er jafnvel kominn í
einhverja hugarleikfimi til að átta
sig á því hvað sé að gerast á skján-
um. Það eru engin geimvísindi á
bak við mínar auglýsingar. Ég vil
koma sem mestum upplýsingum
á sem skemmstum tíma til fólks.
Af því að þær eru stuttar get ég birt
þær oftar. Ég tala sjálfur inn á allar
auglýsingarnar og það er einföld
ástæða fyrir því, það er ódýrara.“
Fiskikóngurinn er samof-
inn persónu Kristjáns og auglýs-
ingarnar eru hluti af ástæðunni.
Kristján hefur einnig komið sér á
framfæri á öðrum sviðum. Til að
mynda hefur hann bæði stjórn-
að útvarps- og sjónvarpsþátt-
um, hann hefur verið plötusnúð-
ur í 35 ár og rekur einnig fyrirtæki
sem selur heita potta. Hann er þó
þekktastur fyrir verslunina og er
langþekktasti fisksali landsins.
Nýtur þú sviðsljóssins?
„Mér finnst það stórmerkilegt
að komast á forsíður blaðanna fyr-
ir að selja fisk. Mér hefur aldrei
fundist það merkilegt starf, en
heldur ekki ómerkilegt. Frægðin
hefur aldrei stigið mér til höfuðs.
Ég mæti í vinnuna klukkan sjö og
fer heim klukkan sjö. Á þeim tíma
reyni ég að vinna sem mest og
þéna sem mest. Eftir að ég varð
þekktur hef ég hins vegar þurft að
passa mig á því að segja ekki hvað
sem er. Ég forðast að ræða hita-
mál eins og stjórnmál og íþróttafé-
lög, það eru þessi tvö atriði sem ég
forðast helst að ræða,“ segir Krist-
ján og hlær.
Slysið sem breytti lífsviðhorf-
inu
Kristjáni hefur sjaldnast gengið
vel að sitja auðum höndum. Ofan
á allt sem hann hafði fyrir stafni
áætlaði hann að kaupa bát og
koma á legg útgerð árið 2017. En
þá lenti Sólveig kona hans í slysi
þar sem þau hjónin voru í skíða-
ferð á Ítalíu. Það slys breytti sýn
þeirra á lífið og tilveruna.
„Ég var nærri búinn að missa
hana,“ segir Kristján alvarlegur í
bragði þegar hann rifjar þetta upp.
Einn daginn féll Sólveig harkalega
í brekku og sagði Kristjáni að halda
áfram að skíða niður. Sólveig er
fimm barna móðir með háan sárs-
aukaþröskuld en Kristján sá í aug-
um hennar að ekki væri allt með
felldu. Sólveig var borin inn á hót-
el, viðþolslaus af kvölum.
„Ég gaf henni eina parkódín
og var að hugsa um að gefa henni
svefntöflu líka, svo hún gæti hvílt
sig. En þar sem þetta var um miðj-
an dag ákvað ég að geyma hana
fyrir kvöldið,“ segir Kristján. „Og
sem betur fer tók hún ekki svefn-
töfluna því þá væri hún ekki meðal
okkar í dag.“
Sólveig og Kristján ákváðu að
fara niður í mötuneytið en þar
féll Sólveig í yfirlið. Kallað var á
sjúkrabíl sem flutti þau á lítinn
spítala nálægt hótelinu. Síðan var
farið á stærri spítala en það gekk
illa að komast að því hvað var að.
Að lokum þurfti að flytja hana á
þriðja spítalann. Þar var lækn-
ir sem sá að um miklar innvortis
blæðingar var að ræða.
„Hann sagði við okkur að ef
við myndum ekki finna lekann,
þá ætti hún um það bil tvo til þrjá
tíma eftir á lífi. Ég horfði í augun á
henni og sá svartnættið en hún var
samt að reyna að vera sterk.“
Sem betur fer tókst að bjarga
Sólveigu en auk blæðingarinnar
var hún tvíbrotin á mjöðm. Þau
voru í viku á spítalanum á Ítalíu
en tryggingarnar heima á Íslandi
vildu flytja hana til landsins sem
fyrst. Varð þetta barningur milli
spítalans og tryggingafélagsins
um peninga og Kristján segir að
eftir á að hyggja hafi þau farið of
fljótt í flugið. Þegar heim til Íslands
var komið var Sólveig útskrifuð af
sjúkrahúsi eftir aðeins þrjá daga
og Kristján tók sjálfur að sér um-
önnun hennar í næstum hálft ár.
„Þessi reynsla breytti viðhorfi
okkar til lífsins. Við ákváðum
frekar að byggja okkur sumarbú-
stað en fara í útgerð. Huga að okk-
ur sjálfum og börnunum frekar
en að stækka sífellt við okkur í
rekstrinum. Síðan þá hef ég verið
að reyna að verjast hugsunum um
stækkun þó að aðstæðurnar bjóði
upp á það. Ég hef því haft það að
leiðarljósi undanfarin ár að sinna
mínum kúnnum betur frekar en
að reyna að finna nýja. Grasið er
grænast þar sem það er vökvað,
segir máltækið.“
Snapchat á örlagastundu
Á meðan á háskanum í ítölsku Ölp-
unum stóð var það hlutverk Krist-
jáns að vera í sambandi við fjöl-
skylduna heima á Íslandi og halda
þeim upplýstum um stöðu mála.
Fljótlega sá hann að skilvirkasta
leiðin væri að nota Snapchat, en
hann hafði aldrei notað það að
ráði áður.
Síðan hélt Kristján áfram að
snappa um líf sitt og störf. Fylgj-
endurnir bættust hratt við og í dag
eru þeir um fimmtán þúsund tals-
ins. Kristján segist gera þetta að
gamni sínu og vill síður skilgreina
sig sem áhrifavald. Hann segir þó
að máttur miðilsins sé ótvíræður.
„Félagi minn rekur Hótel Sel-
foss og hann bauð mér að koma
í söluferð fyrir heitu pottana. Ég
gæti haft aðstöðu á planinu hjá sér.
Ég byrjaði að snappa um morgun-
inn frá ferðinni, þar á meðal frá
hótelinu þar sem ég fékk mér fish
and chips, bæði um hádegið og
kvöldið. Ég var þarna yfir heila
helgi og hann seldi langtum meira
magn af fiski en vanalega. Þetta
átti samt ekki að vera nein auglýs-
ing, hann vissi ekki einu sinni af
þessu,“ segir Kristján og hlær.
Kristján notar miðilinn mikið
til að fylgjast með og hefur sérstak-
lega beðið sjómenn að senda sér
snöpp frá störfum sínum, vondu
veðri, furðulegum fiskum og þess
háttar.
„Ég hef gaman af þessum miðli
og er mjög persónulegur. Þarna er
hægt að sjá mig eins og ég er.“ n
Nokia 5.1 Plus
Með öflugum 8 kjarna
örgjörva fyrir AR leiki
Frábær
orkunýting
Android
One
13 og 5MP
myndavélar
19:916MP13MP12MP 5.8’’19:916MP13MP12MP 5.8’’ 19:916MP13MP12MP 5.8’’19:916MP13MP12MP 5.8’’
5.8”
HD+ skjár
„Hann hafði skrifað á veggina
með blóði úr sér og var ég
beðinn um að þrífa klefann