Tímarit Máls og menningar - 01.02.2005, Page 58

Arndís Þórarinsdóttir
„Jón hóf nám við skólann árið 1993 og vakti strax athygli kenn-
ara fyrir óþreytandi orku og lífsgleði. Skólameistari Verslunarskól-
ans minntist Jóns með tveggja mínútna þögn við athöfnina í dag,
en hann lést í nóvember síðastliðnum af slysförum.“
Já, hóf nám árið 1993, en hafði ekki enst til 1994.
Fimm milljónir?
„Gleðileg jól, elskan!“ Konan virtist að því komin að skríkja af
kæti og spennu.
Hann gat ekkert sagt nema „Fimm milljónir?“ En hún heyrði
ekki til hans. Hún var hlaupin inn í barnaherbergi að segja barn-
inu að pabbi hefði verið í sjónvarpinu.
Hann sat hreyfíngarlaus í sófanum og horfði á hana þjóta yfir
ganginn og inn í eldhús. Þegar hann heyrði hana rífa upp ísskáp-
inn stóð hann á fætur og gægðist fyrir hornið. Hann sá hana steypa
Nóatúnsplastpoka yfír andarskrokkinn og þrífa hann út úr
ísskápnum. Hún stikaði að eldhúsglugganum, rykkti honum upp á
gátt og þeytti öndinni út um hann með sigurópi.
Öndin var farin.
Konan hló við manninum og hann gat ekki annað en brosað
varlega til baka. Hann átti erfitt með andardrátt í þungum
fnyknum í eldhúsinu
56
TMM 2005 ■ 1