Tímarit Máls og menningar - 01.02.2005, Qupperneq 95

Menningarvettvangurinn
og 9.04), síðan koma sérstaklega valdar myndir frá velmektardögum þessa ágæta
bíós. Sú fyrsta er ítalsk-franska kvikmyndin Anna (Alberto Lattuada, 1951) með
hinni undurfögru Silvana Mangano í hlutverki nunnunnar og næturklúbbs-
dansarans Önnu (12. og 16.04). Þá kemur mynd sem enn hefur ekki gleymst
þeirri sem þetta ritar þótt ríflega fjörutíu ár séu síðan hún sá hana: rússneska
myndin Þegar trönurnar fljúga eítir Mikhail Kalatozov (1957) sem fékk gull-
pálmann í Cannes 1958. Líklega stendur hún undir hinu margnotaða en oft
geigandi orði „ógleymanleg“ (19. og 23.04). Síðust í apríl er svo El angel exter-
tninadoreða Engill dauðans eftir Luis Bunuel frál962 (26. og 30.).
í maí getur fólk svo hlakkað til að endurnýja kynnin af djörfum dönskum
gamanmyndum frá sjöunda áratug síðustu aldar!
I apríl verður þriggja vikna kvikmyndahátíð með sannkölluðu veisluborði
nýrra bíómynda í öllum helstu kvikmyndahúsum landsins. Aðalmyndin verður
Diarios de motocicleta sem byggð er á dagbókum Che Guevara frá ferðalagi hans
um S.-Ameríku á námsárum hans. Leikstjórinn, Walter Salles, kemur á hátíðina.
Leiklist
Meðal þess sem við getum vænst í leikhúsunum á útmánuðum er nýtt leikverk
eftir Kristínu Ómarsdóttur, Segðu mér allt, í Borgarleikhúsinu. Kristín hefur ekki
setið auðum höndum. Fyrir jól kom út eftir hana óvænt og óvenjuleg skáldsaga,
Hér, og í janúar frumsýndi Nemendaleikhús Listaháskólans leikritið Spítalaskip
eftir hana. Leikstjóri Segðu mér allt er Auður Bjarnadóttir sem hefur áður
leikstýrt Ástarsögu 3 eftir Kristínu (LR 1997) en aðalhlutverkið, telpuna Guð-
rúnu sem er bundin við hjólastól, leikur Álfrún Örnólfsdóttir.
I Þjóðleikhúsinu var nýlega frumsýnt leikritið Mýrarljós eftir Marinu Carr
undir stjórn Eddu Heiðrúnar Backmann sem sýndi leikstjórnarhæfileika sína
fýrst í Svikum Harolds Pinter hjá Leikfélagi Akureyrar í vetur. Þar eigum við líka
von á nýrri íslenskri úrvinnslu úr ævintýrum H. C. Andersens eftir grallarana
Ármann Guðmundsson, Sævar Sigurgeirsson og Þorgeir Tryggvason sem
þekktir eru úr Hugleik. Leikstjóri er Ágústa Skúladóttir.
Sérstakt tilhlökkunarefni er svo nýtt verk eftir Birgi Sigurðsson, Dínamit, sem
Stefán Baldursson leikstýrir. Það fjallar um heimspekilega byltingarmanninn
Friedrich Nietzsche og fær Hilmir Snær Guðnason að leika hann.
Bókaflóðið
Jólabókaflóðið var stórt og mikið í ár og margar bækur væri vert að nefna hér til
viðbótar við yíirlitsgrein Jóns Yngva Jóhannssonar yfir skáldsögur hér að
framan. Meðal fræðibóka er til dæmis mikið verk Sigurðar Gylfa Magnússonar
sagnfræðings um sjálfsbókmenntir á 20. öld - sjáifsævisögur, endurminningar,
samtalsbækur, skáldævisögur og ævisögur. Bókin heitir Fortíðardraumar
(Háskólaútgáfan) og er hin níunda í ritröðinni Sýnisbók íslenskrar alþýðu-
menningar. Þar skilgreinir höfúndur ítarlega hugtakið „sjáifsbókmenntir" og
TMM 2005 • 1
93