Heimsmynd - 01.10.1987, Side 18

Tengdadætur hennar hátignar
Elísabetar II hafa verið á
síðum heimspressunnar
undanfarna mánuði.
Galgopaleg framkoma þeirra
opinberlega hefur hneykslað
suma, vakið kátínu annarra og
ýtt undir slúður þess efnis að
ekki væri allt með felldu innan
veggja hallarinnar.
Fergie þykir að mörgu leyti
með hressilegri framkomu
sinni brjóta í bága við þá
ímynd sem einkennt hefur
breskt kóngafólk til þessa.
Hún virðist hæstánægð með
það hlutskipti sitt sem
meðlimur
kóngafjölskyldunnar.
Þær voru vinkonur áður en
þær urðu mágkonur.
Fergie er eldri, hefur reynt
sitthvað og á þrjú
ástarsambönd að baki, þar
af sambúð með mun eldri
manni.
sér sérhannaðar dragtir og breytt um hár-
greiðslu og fengið lof fyrir.
Allt frá fyrstu stundu hefur hertogaynj-
an af Jórvík, ólíkt prinsessunni af Wales,
verið lofuð fyrir þá framkomu sem Díana
prinsessa myndi vera gagnrýnd fyrir.
Andrew og Fergie vfla ekki fyrir sér að
sýna hvort öðru blíðuhót á almannafæri,
þau gantast og hún stríðir honum óspart
opinberlega, faðmar hann stórkarlalega
eða klípur hann í kinnarnar.
Þegar Karl prins kom fyrst opinberlega
fram með Díönu var svipur hennar undir-
leitur og feiminn. Hann hafði yfirleitt orð
fyrir þeim báðum en hún var tvítug og
hann þrjátíu og tveggja þegar þau giftust.
Væri hún tilneydd að tala sjálf opinber-
lega komu svörin klippt og skorin í bresk-
um yfirstéttartón. Fergie, sem nú er tutt-
ugu og sjö ára, er hins vegar jafngömul
maka sínum og alls ófeimin opinberlega.
Hún talar við blaðamenn eins og hún sé
vön viðtölum frá ómunatíð og verður
sjaldan fótaskortur á tungunni. Þegar
Fergie og Andrew veittu sjónvarpsviðtal í
höllinni skömmu eftir trúlofun sína virtist
prinsinn óstyrkur en Fergie lék á als oddi.
Drottningin var viðstödd og er sögð hafa
bælt niður í sér hláturinn
yfir svörum Fergie. Hnytt-
in tilsvör hennar koma
ekki lengur á óvart, hvort
sem hún er við formlega
opinbera móttöku eða
þegar blaðaljósmyndarar
komu henni að óvörum
þar sem hún var í sólbaði á
bikini og æpti til þeirra í
Mae West stfl: Passið ykk-
ur aðfá ekki sólsting strák-
ar!
Eitthvað virðist Fergie
reyna að hemja kátínu sína
á almannafæri nú í seinni
tíð og vera meira í takt við
hinar almennu siðareglur.
Séu hún og prinsessan af
Wales saman við opinber-
ar móttökur er Fergie skylt
að ganga ætíð í humátt á eftir hinni verð-
andi drottningu þótt hún sé alls ekki undir
sömu smásjánni og Díana prinsessa, sem
má enga feilnótu slá. Þrátt fyrir brussu-
ganginn í hertogaynjunni af Jórvík eru
margir er til þekkja þeirrar skoðunar að
hún sé hæfari í hlutverk sitt en Díana.
„Fergie er álitin mjög heilbrigð og hrein-
skiptin í framkomu. Innan konungsfjöl-
skyldunnar er henni treyst, ólíkt Díönu
sem allir átta sig ekki á,“ segir náinn heim-
ildarmaður.
Hversu smávægileg sem mistök Díönu
prinsessu kunna að virðast eru þau litin
mjög alvarlegum augum í því kerfi sem
umlykur bresku krúnuna og hlutverk
hennar í bresku þingræðiskerfi. Elísabet
Englandsdrottning er nú sextíu og eins árs
gömul og þess jafnvel ekki langt að bíða
að Díana setjist í hásætið sem drottning
Fergie ásamt móður
sinni, Susan
Barrantes. Foreldrar
hennar skildu og hin
glæsilega móðir
hennar er gift í
Argentínu. Foreldrar
Díönu eru einnig
skilin en hinar ungu
konur virðast hafa
dregið ólíkan
lærdóm af þeirri
reynslu sem þær
hlutu í uþpvextinum.
Fergie horfir aðdáunaraugum á goðið David Bowie án þess
að hljóta sömu gagnrýni fyrir og Díana prinsessa fyrir dálæti
sitt á poppstjörnum.