Heimsmynd - 01.10.1987, Side 133

eftirsjá í fyrra vinnulagi við hljómplötu-
gerð þeirra félaga. „Paö gefur meiri fyll-
ingu þegar hljómsveitin vinnur öll saman
að gerð plötu,“ segir hann. „Hluti af
ánægjunni er að taka þátt í upptökunni."
Hann líkir þessu við muninn á að ferðast
með flugvél og skipi. Fyrri kosturinn er
átakaminni og fljótlegri en hinn síðari gef-
ur ferðalanginum tilfinningu fyrir þeirri
leið sem hann leggur að baki.
Tvær ástæður liggja að baki þessu
vinnulagi. I fyrsta lagi var ljóst, að sögn
Jakobs, að platan yrði ekki tilbúin áður en
hljómsveitin legði í sumarútgerð sína ef
vinna ætti hana í sameiningu. Jakob og
Valgeir voru önnum kafnir og dvöldu
langdvölum erlendis og hinir voru sömu-
leiðis bundnir við önnur verkefni. í öðru
lagi er það í rauninni liðin tíð að hljóm-
sveitir semji og leiki samtímis innan
veggja hljóðversins.
Ef litið er á þróun hljómplötugerðar á
undanförnum árum kemur í ljós að upp-
tökustjórinn skiptir æ meira máli. Hugs-
anlega má bera þetta saman við þróun
kvikmyndagerðar þar sem leikstjórinn
hefur risið upp úr fjöld ótýndra tækni-
manna og gengur nú hnarreistur í hópi
viðurkenndra listamanna. Pað þykir sér-
stakur gæðastimpill ef upptöku plötu er
stýrt af Trevor Horn, Bob Clearmountain
eða Jimmy Iovine. Og innan raða Stuð-
manna er einn mesti galdrameistari sem
íslensk hljóðver hafa á að skipa: Tómas
M. Tómasson.
Jakob bendir á að við upptöku á al-
vöruplötum sé óspart beitt tölvutækni til
að fullkomna brigðul mannanna verk.
Tæknin hafi breytt vinnu í hljóðveri frá ár-
dögum Stuðmanna og því henti gamla
vinnulagið ekki lengur. Hann segir að það
gefi auga leið hversu seinlegt og erfitt það
hljóti að vera ef sjö sterkir persónuleikar
hangi yfir nostri upptökumannanna.
Óneitanlega má velta vöngum yfir því
hvort ekki sé hætta á því að tæknin beri
andann ofurliði. Jakob kannast við þessa
hættu en bendir á að öfugt við margar aðr-
ar hljómsveitir hafi Stuðmenn þegar slíp-
að flest laganna á plötunni á æfingum og
tónleikum. Stuðmenn hafi því ekki fallið í
þá gryfju að geta ekki leikið eigin lög op-
inberlega án skipulagðra blekkinga eins
og hendir margar frægustu poppstjörnur
heims.
Vinnulag nýjustu plötunnar hefur engu
að síður vakið grunsemdir þeirra sem
þekkja til félaganna í Stuðmönnum um að
ekki sé allt með felldu í samstarfi þeirra.
Hljómsveitin er enn sem fyrr stundarfyrir-
brigði en sumum öldnum aðdáendum
þeirra finnst það styrkja grunsemdir um
þjónkun við Mammon að svo virðist sem
starf hljómsveitarinnar líði fyrir það að
Stuðmennirnir taki önnur störf fram yfir.
Pví er spurt: Er Stuðmannaandinn fyrir
bí?
Það er í sjálfu sér ekkert nýtt að Stuð-
menn sinni ýmsu öðru. Lengi vel var
hljómsveitin hliðarspor á göngu þriggja
félaga Spilverks þjóðanna og síðar Þursa-
flokksins og hinna sem sinntu fyrst og
fremst öðrum verkefnum. Akafur aðdá-
andi Stuðmanna rifjar hins vegar upp að á
uppvaxtarárum þeirra hafi þeir sinnt
hljómsveitinni óskiptir þegar hún starfaði
á annað borð.
Stuðmenn hafa auðvitað þann hátt á
sem þeim sýnist við gerð sinna hljóm-
platna og sjálfsagt er flestum sama á með-
Jazzballett-modern
námskeiðin hefjast þ. 14. sept.
HEIMSMYND 133