Heimsmynd - 01.03.1988, Blaðsíða 11

.rv, ;• • ■
II
RUV
Sverrir Hermannsson: „Trúi ekki
öðru en að vötnin taki að kyrrast
og menn sjái þá að botninn er úr
öllu þessu írafári."
a
(z
<
egar Sverrir Hermannsson var
ráðinn bankastjóri í Lands-
banka Islands þann 14. janúar
síðastliðinn, var til lykta leitt
mál sem ýmsir hafa nefnt eitt mesta
hneykslismálið á nýbyrjuðu ári. Mál sem
í grundvallaratriðum snýst um það hver
skuli fara með stjórnun peningastofnana
í landinu; æðsta yfirstjórn á borð við lög-
lega kjörin bankaráð, eða sú ríkisstjórn
sem situr hverju sinni. Eða með öðrum
orðum, hvort peningastjórnun í landinu
skuli vera á hendi stjórnmálaflokka, í
formi einhvers konar skömmtunarkerfis,
eða í höndum þeirra sem til þekkja og til
þess eru kjörnir að fara með slíkt vald.
Um hlutverk bankaráða er skýrt á
kveðið í lögum. Pau skulu hafa endan-
legt vald og taka æðstu ákvarðanir um
málefni bankans, þar á meðal ráðningu
bankastjórnar. Raunar ber að hafa í
huga að bankaráðsmenn ríkisbankanna
eru kosnir hlutbundinni kosningu á Al-
þingi, tilnefndir af stjórnmálaflokkun-
um, en þess eru nánast engin dæmi að
valdsvið bankaráða hafi verið vefengt
fyrir opnum tjöldum, að minnsta kosti
ekki jafn opinskátt og gerðist með af-
skiptum Sjálfstæðisflokksins af ráðningu
bankastjóra við Landsbankann, ef undan
er skilin ráðning framkvæmdastjóra og
stjórnarformanns Framkvæmdastofnun-
ar árið 1974, en þá var Ingólfur Jónsson
frá Hellu kjörinn stjórnarformaður, og
sá sem hlaut framkvæmdastjórastöðuna
var . . . Sverrir Hermannsson.
Af rimmunni um landsbankastjóra-
stólinn, sem ekki hvað síst var háð í
bækistöðvum forystu Sjálfstæðisflokks-
ins, hafa menn dregið ýmsar ályktanir
um stöðu Þorsteins Pálssonar sem
flokksformanns; telja ráðningu Sverris
Hermannssonar eitt gleggsta dæmið um
dáðleysi formannsins, sem hafi með
þessari tilhögun losnað við Sverri af
herðum sér í flokknum. Ósveigjanleiki
flokksforystunnar í þessu máli kostaði
mannfórn í bankaráði Landsbankans,
því Árni Vilhjálmsson, bankaráðsmaður
sjálfstæðismanna, sem lengi hafði staðið
gegn afskiptum flokksforystunnar af
bankastjóraráðningunni, sá sig loks
knúinn til að segja sig úr bankaráði, svo
forystan fengi vilja sínum framgengt.
Ljóst er að staða bankastjóra Lands-
banka íslands er valdamikið embætti, og
þræðirnir liggja víða. Ekki einungis um
innstu kima íslensks fjármálalífs, heldur
ekki síður út fyrir landið, inn í erlendar
bankastofnanir þar sem ýmsir þættir
milliríkjaviðskipta koma við sögu. Fyrir
íslenskt viðskipta- og efnahagslíf skiptir
því miklu hvaða fulltrúar veljast í fram-
varðasveit bankakerfisins.
Valið stóð að þessu sinni á
milli Sverris Hermannssonar
og Tryggva Pálssonar. Sverr-
ir; viðskiptafræðimenntaður
frá Háskóla íslands, formaður og fram-
kvæmdastjóri Landssambands íslenskra
verslunarmanna 1957-72, framkvæmda-
stjóri Byggðastofnunar 1975-83, fast-
eignasali, þingmaður og ráðherra Sjálf-
stæðisflokksins um árabil.
HEIMSMYND 11