Heimsmynd - 01.03.1988, Blaðsíða 12

Tryggvi; viðskiptafræðimenntaður frá
Háskóla íslands, og síðar magister í
þjóðhagfræði frá London School of
Economics and Political Science 1975.
Fór þaðan til framhaldsnáms í Queen
Mary College, London University, árið
eftir. Hann réðst til Landsbankans árið
1976 að ósk Jónasar Haralz bankastjóra
og gerðist forstöðumaður nýrrar hag-
fræði- og áætlanadeildar bankans. Síðan
varð hann framkvæmdastjóri fjármála-
sviðs og gegnir því starfi enn. Hann hef-
ur auk þess gegnt ýmsum trúnaðarstörf-
um í íslenskum fjármálaheimi, er for-
maður afkomunefndar Sambands ís-
lenskra viðskiptabanka, situr í stjórn
Verðbréfaþings íslands og fjárfestingar-
félagsins Draupnis. Hann er sonur Páls
Asgeirs Tryggvasonar sendiherra (Ófeigs-
sonar útgerðarmanns) og Bjargar Ás-
geirsdóttur (Ásgeirssonar fyrrum forseta
Islands).
Tryggvi var talinn hafa margt til
brunns að bera sem gerði
hann einkar hæfan til starfans,
því auk menntunar og starfs-
reynslu hafði hann annan góðan kost, að
margra mati; hann var sjálfstæðismaður,
og Sjálfstæðisflokkurinn taldi sig eiga til-
kall til stöðunnar, eins og frægt er orðið.
„Maður hefur mikið lært um pólitísk
vinnubrögð af þessu máli, en ég ber
ekki persónulegan kala til neins,“ segir
Tryggvi Pálsson. „Ég lifi enn í þeirri von
að ekki séu óravíddir milli hugsjóna og
framkvæmda í Sjálfstæðisflokknum, en
held það sé tímabært fyrir flokkinn að
hugleiða hvaða skilaboð hann færir ungu
kynslóðinni með því að standa svona að
málum. Ungt fólk hlýtur að spyrja sem
svo: Getum við með fullri sjálfsvirðingu
unnið okkur upp í starfi, eða þurfum við
að sýna pólitískan undirlægjuhátt?“
Sverrir Hermannsson segir hins vegar
að „bægslagangurinn í kringum þetta
mál“ hafi komið sér verulega á óvart
„ekki síst þar sem ég vissi að allir mínir
fyrirrennarar í bankastjórastöðum þjóð-
bankanna hafa verið skipaðir með sama
hætti og ég, þar á meðal Jónas Haralz."
Til upprifjunar fyrir lesendur má geta
þess að Jónas Haralz er virtur hagfræð-
ingur og fræðimaður í sínu fagi, og svo
var einnig þegar hann var ráðinn lands-
bankastjóri. Hins vegar hefur verið haft
á orði að ráðning hans hafi á sínum tíma
verið pólitísk málamiðlun.
„Það er kannski ekkert undarlegt þó
að almennt starfsfólk styðji sína starfsfé-
laga á þeirra framabraut, en það er al-
rangt að bankastjórar eigi sjálfir að velja
sér eftirmenn, einhverja undirsáta sína.
Og það hef ég svo sannarlega ekki í
hyggju að gera þegar ég hætti, enda al-
farið á móti því að stöður eigi að ganga í
erfðir. Hins vegar hefði ég sennilega
hugsað mig um tvisvar áður en ég sóttist
eftir þessari stöðu, hefði ég séð fyrir all-
Árni Vilhjálmsson: „Mér bar
engin skylda, hvorki siöferðileg
né lagaleg, til að láta undan
pólitískum hagsmunum, enda
ekki aðili að neinu leynisam-
komuiagi ... En ég beygði mig
undir vilja flokksforystunnar."
Pétur Sigurðsson, „gamaigróinn
vinur“ Sverris Hermannssonar,
brá sér með honum í laxveiði
um miðjan ágúst, ásamt
Matthíasi Johannessen og
Barða Friðrikssyni.
an þennan undirgang. En ég trúi ekki
öðru en að vötnin taki að kyrrast, og
menn sjái þá að botninn er úr öllu þessu
írafári."
Frægari urðu önnur ummæli Sverris
Hermannssonar, fyrst eftir að úrslit réð-
ust, en það var þegar hann sagði í blaða-
viðtali að engan veginn væri sjálfgefið að
sendisveinar yrðu bankastjórar. Skiptar
skoðanir hafa verið um það, hvernig
bæri að skilja þessi ummæli, og menn
hafa velt því fyrir sér hvort verið væri að
sneiða að Tryggva Pálssyni, sem þó hef-
ur aldrei, svo vitað sé, unnið sendils-
starf, ef frá eru taldar sendiferðir hans
fyrir afa sinn Tryggva Ófeigsson, þegar
hann fékk að stússa með honum á út-
gerðarskrifstofu Júpíters og Marz á sín-
um tíma. Hins vegar er vitað að Vil-
hjálmur Þór, einn þekktasti bankastjóri
Landsbankans, var eitt sinn sendisveinn
hjá KEA, og þess eru dæmi að menn
hafi án verulegrar skólagöngu unnið sig
upp í bankastjórastöður innan Lands-
bankans. Má í því sambandi nefna Svan-
björn Frímannsson og Jón Maríasson,
sem báðir voru virtir í sínu starfi. Því
hafa menn átt örðugt með að ráða í orð-
sendingu Sverris Hermannssonar í um-
ræddu blaðaviðtali.
En svo vikið sé að aðdraganda og
framvindu málsins, þá hafði Tryggvi
upphaflega stuðning bankastjóra, starfs-
fólks, og um tíma bankaráðs, í stöðu
landsbankastjóra, eða þar til pólitískir
hagsmunir náðu yfirhöndinni. Hann rek-
ur upphaf þessarar atburðarásar til síð-
asta sumars, en þá hafði Jónas Haralz
landsbankastjóri tjáð honum nokkru áð-
ur að staða sín myndi að líkindum losna
innan tíðar, því hann hefði hug á að fara
til starfa fyrir Alþjóðabankann í Banda-
ríkjunum. Um þær mundir stóðu vonir
til að samstaða myndi nást innan banka-
ráðs Landsbankans, áður en stjórnmála-
flokkarnir kæmust í málið, og mönnum
bar saman um að Tryggvi hefði sterka
stöðu. Vitað var að stjórnarflokkarnir
höfðu gert með sér samkomulag um
ákveðna pólitíska skiptingu bankastjóra-
12 HEIMSMYND
RUV_____________ RUV