Dagblaðið Vísir - DV - 22.11.2019, Side 59

Stóra jólablaðið22. nóvember 2019 KYNNINGARBLAÐ
SOFÐURÓTT.IS:
Betri svefn í jólagjöf
Hágæða sængurfatnaður úr náttúrulegum efnum sem miðar sérstaklega að
góðum svefni eru helstu einkennin
á vöruúrvali í vefversluninni Sofðu
rótt. Verslunin er hluti af fyrirtækinu
Vitar ehf. sem m.a. býður upp á
sængurfatnað og lín fyrir hótel og
gistihús en býður nú almenningi
upp á sængurvörur o.fl. í gegnum
vefverslunina sofdurott.is.
Framleiðendur í hæsta klassa
„Í tengslum við hótelbransann áttaði
ég mig á því að ég var kominn með
framleiðendur í hæsta klassa og fannst
ég verða að bjóða hluta af þeirra
vörum til sölu til einstaklinga. Sérstaða
vöruframboðsins í vefversluninni er
sú að almennt eru þetta vörur úr
náttúrulegum efnum, dún, ull, hör, silki
eða bómull. Dúnninn er flokkaður eftir
stærð og gæðum sem skýrir verðmun
á sængum. Við erum með sængur frá
þýska fyrirtækinu Kauffmann sem er
bæði einn stærsti sængurframleiðandi
í Evrópu og jafnframt einn af þeim
virtari í heiminum og hefur verið
starfandi í tæp 200 ár. Velferð dýra
skiptir Kauffmann miklu máli og er
fyrirtækið með vottun upp á að allur
dúnn sem fer í sængurnar og koddana
þess sé reyttur af dauðum fuglum en
því miður er talsvert um að dúnn sé
reyttur af lifandi fuglum,“ segir Arnar
Þór Jónsson hjá Vitum ehf.
Mikil áhersla á góðan svefn
einkennir þessar vörur: „Þegar
þú leggst upp í rúm er mikilvægt
að hitastigið sé rétt. Margir velja
sér mjög hlýja eða heita sæng
þar sem þeim þykir hún notaleg.
En svo sefurðu kannski ekki
nógu vel undir henni þar sem
þér verður of heitt. Við bendum
fólki á að velja réttu sængina
miðað við svefnherbergishita og
líkamsþyngd,“ segir Arnar en á
vefsíðunni sofdurott.is undir liðnum
„Upplýsingar“ er að finna góðar
leiðbeiningar um þetta.
Afgerandi niðurstöður úr
svefnrannsókn
Sængin Climabalance frá
Kauffmann er sérhönnuð með
góðan svefn í huga. „Kauffmann
selur þessa sæng undir einkaleyfi
um allan heim. Svefnrannsóknarstöð
háskólasjúkrahússins í Regensburg
í Þýskalandi gerði rannsókn á
áhrifum hita á svefngæði þar
sem Climabalance-sængin var
borin saman við hefðbundna,
sambærilega sæng. Niðurstöðurnar
voru afgerandi: Þú ert fljótari að
sofna undir Climabalance-sænginni,
svefninn verður rólegri, þú vaknar
sjaldnar, REM-svefninn lengist og
djúpsvefn sömuleiðis um allt að 50%.
Það svitna allir á næturnar, mismikið
þó, en raki fer þrisvar sinnum hraðar
í gegnum Climabalance-sængina
en hefðbundna sæng og því verður
jafnara hitastig undir sænginni og
þú sefur betur.“
Sofðu rótt stóð fyrir lítilli
óvísindalegri tilraun á haustmánuðum
til að sjá hvort sömu niðurstöður
fengjust á Íslandi. Valdir voru
einstaklingar sem hafa glímt við
mikinn nætursvita og léleg svefngæði.
Að sögn Arnars voru niðurstöður enn
betri en hann þorði að vona og má
sjá viðtöl við nokkra sem tóku þátt á
Facebooksíðu Sofðu rótt.
Sofðu rótt er með rétta koddann
fyrir þig
Að sögn Arnars eiga margir erfitt
með að velja sér rétta koddann
og eru mismunandi heilsukoddar
í boði. Sofðu rótt er með koddann
Viscospring frá Ítalíu sem er með
gormakerfi líkt og í heilsurúmum
og veitir því mjög góðan stuðning.
Gerð var rannsókn við háskólann
í Bologna á fólki með langvarandi
hálsvandamál og var niðurstaðan sú
að svefn með Viscospring-koddann
minnkaði verki.
Sofðu rótt býður einnig
upp á teppi og trefla
úr „baby alpaca“-ull
sem hefur svipaða
eiginleika og
cashmere-
ullin. Ullin
er létt og
mjúk og
veitir allt
að þrisvar
sinnum meiri
varma en ull af
sauðfé. Þá inniheldur
hún ekki lanolin og er því
ofnæmisfrí.
Arnar segir að það sé smám
saman verið að bæta við vörum
í vefverslun þeirra og er núna
verið að skoða það sérstaklega
að bæta við barnavörum, t.d.
sængum og koddum, auk vatnshelds
rúmfatnaðar, sem andar mjög vel
og heyrist ekki í, fyrir þá sem væta
rúmið reglulega. Þá viljum við taka
fram að það er hægt að sérpanta
sængur fyrir þá sem hafa ofnæmi
fyrir dúni en vilja samt sæng úr
náttúrulegum efnum.
Á sofdurott.is er bæði lögð áhersla á
há gæði og hagstætt verð. „Við erum
ekki í verðsamkeppni við sængur úr
gerviefnum en verðlagið á þessum
vörum er það sama og úr verslun
í Þýskalandi eða annars staðar í
Evrópu,“ segir Arnar að lokum. Það er
því um að gera að fylgjast reglulega
með síðunni www.sofdurott.is.