Ársrit um starfsendurhæfingu - 2013, Blaðsíða 5

5www.virk.is
VIRK
Vigdís Jónsdóttir framkvæmdastjóri VIRK
Samkvæmt lögunum er hlutverk VIRK
að skipuleggja, hafa umsjón með og fjár-
magna þjónustu á sviði atvinnutengdrar
starfsendurhæfingar í samstarfi við
aðra aðila. VIRK veitir ekki úrræði á
sviði starfsendurhæfingar heldur hefur
það hlutverk að móta, skipuleggja og
fjármagna nauðsynlega þjónustu á
grundvelli mismunandi samninga. Þannig
eru til staðar samningar við stéttarfélög um
allt land um hlutverk ráðgjafa, samningar
við þverfagleg teymi sérfræðinga um
þverfaglegt mat og samningar við fjölda
úrræðaaðila um mismunandi úrræði á
sviði starfsendurhæfingar. Þessu er betur
lýst á mynd 1.
Í lögunum er jafnframt lögð áhersla á
að starfsendurhæfing sé einn þáttur
í heildstæðu stuðningskerfi þar sem
starfsendurhæfingarsjóðir og stofnanir
og sérfræðingar innan velferðarkerfisins
vinni saman og tryggi að einstaklingur
fái þjónustu við hæfi á hverjum tíma.
Það er ljóst að VIRK ber ekki að veita
heilbrigðisþjónustu eða taka að sér lögboðið
hlutverk félagsþjónustu sveitarfélaga eða
Vinnueftirlits ríkisins. Það er hins vegar
mikilvægt að VIRK eigi gott samstarf við
aðra aðila innan velferðarkerfisins til að
tryggja viðeigandi, faglega og árangursríka
þjónustu í takt við þarfir hvers og eins
einstaklings.
Stefnumótun og framtíðarsýn
Í lok árs 2012 hófst markviss vinna við að
endurmóta stefnu og framtíðarsýn VIRK í
kjölfar nýrra laga og reynslu undanfarinna
ára. Sérstakur stýrihópur var myndaður
um þetta starf og fundir haldnir með
fjölbreyttum hópi hagaðila VIRK. Afrakstur
þessarar vinnu liggur nú fyrir og hefur
verið gefin út í sérstökum bæklingi. Lögð
er áhersla á að framsetning á stefnu og
framtíðarsýn sé einföld og auðskiljanleg
en síðan er unnið nánar með hvern þátt
fyrir sig í í starfsáætlun með skilgreindum
verkþáttum og ábyrgðaraðilum. Á mynd
2 (sjá næstu opnu) má sjá skilgreiningu
á hlutverki og framtíðarsýn VIRK til ársins
2020. Þarna eru einnig settar fram stiklur
fyrir árin 2013, 2015 og 2020 sem varða
leiðina að framtíðarsýn VIRK. Endurskoðun
á stefnu og framtíðarsýn VIRK mun eiga
sér stað árlega í takt við þróun og reynslu.
Starfsmenn og ráðgjafar VIRK
Í byrjun mars 2013 voru starfandi á
skrifstofu VIRK 19 starfsmenn í um 17
stöðugildum. Um er að ræða fjölbreyttan
hóp sérfræðinga og skrifstofufólks með
mismunandi menntun og reynslu.
Í byrjun mars 2013 störfuðu 36 ráðgjafar
í um 34 stöðugildum hjá VIRK og reiknað
er með því að um 8 ráðgjafar til viðbótar
hefji störf fyrri hluta ársins 2013. Ráðgjafar
VIRK starfa hjá stéttarfélögum/samtökum
stéttarfélaga um allt land og tryggt er
að ráðgjafar séu til staðar reglubundið
í öllum stærri þéttbýlisstöðum landsins
þannig að þjónustan sé aðgengileg jafnt á
höfuðborgarsvæðinu og landsbyggðinni.
Ráðgjafar VIRK hafa undantekningarlítið
háskólamenntun á sviði heilbrigðis-,
félags- eða menntavísinda og mjög margir
þeirra hafa meistaragráði í sínu fagi.
Ráðgjafarnir fá síðan mikla fræðslu hjá
VIRK, bæði þegar þeir hefja störf og síðan
með reglubundinni fræðslu sem skipulögð
er fyrir alla ráðgjafa hjá VIRK. Sérstök
nýliðafræðsla hefur einnig verið skipulögð
og árlega er gefin út fræðsluáætlun.
Ráðgjafarnir hafa ennfremur aðgang að
þverfaglegu teymi og miklum stuðningi hjá
VIRK. Þeir vinna allir eftir skilgreindum
vinnuferlum og skrá í upplýsingakerfi
VIRK sem tryggir samhæfni í vinnulagi og
þjónustu.
Í heild sinni starfa því um 55 manns hjá
VIRK eða samkvæmt samningi milli VIRK og
stéttarfélaga um allt land. Þetta er öflugur
og fjölbreyttur hópur sem leggur sig fram
um að byggja upp og tryggja einstaklingum
góða, faglega og árangursríka þjónustu á
sviði atvinnutengdrar starfsendurhæfingar
um allt land. Sjá má myndir af öllum
ráðgjöfum aftar í þessu ársriti og þar er
einnig að finna viðtöl við tvo ráðgjafa sem
lýsa reynslu sinni og sýn á ráðgjafastarfið.
Mynd 1
• Samningar
• Þróun (starfsgetumat,
vinnuferlar og verkfæri)
• Rannsóknir
• Eftirlit (með ráðgjöfum,
fagaðilum og úrræðaaðilum)
• Þekkingaröflun
• Þekkingarmiðlun og fræðlsa
til ráðgjafa, úrræðaaðila og
annarra
• Samstarf við
atvinnurekendur, stéttarfélög,
lífeyrissjóði og opinberar stofnanir
Samningar
Samningar
Sam
ning
ar
Samningar við
stéttarfélög um starf
ráðgjafa
Samningar við
úrræðaaðila um
þjónustu
Samningar við
þverfagleg matsteymi
Ráðgjöf
Úrræði
Þverfaglegt mat
í samningum er m.a. kveðið á um:
Hlutverk ráðgjafa•
Kröfur til ráðgjafa•
(menntun,hæfni, reynsla)
Ákvæði um vinnuferla og verkfæri•
Eftirlit með ráðgjöfum•
Símenntun ráðgjafa•
Upplýsingagjöf og margt fleira•
í samningum er m.a. kveðið á um:
Þjónustuþætti og verð•
Gæðaviðmið•
Eftirlit•
Samstarf•
Fleiri þætti eftir aðstæðum og•
tegund þjónustu
í samningum er m.a. kveðið á um:
Þjónustuþætti og verð•
Gæðaviðmið og aðferðir•
Eftirlit•
Samstarf•