Ársrit um starfsendurhæfingu - 2013, Blaðsíða 30
30 www.virk.is
VI
RK
Í verslun N1 að Innnesvegi 1
á Akranesi er Ingþór Bergmann
Þórhallsson verslunarstjóri.
Í samráði við fulltrúa á mann-
auðssviði fyrirtækisins samdi
Ingþór um starfsendurhæfingu
á vinnustað við Sigurbaldur
Kristinsson, sem þá hafði um
tíma tekið þátt í starfsendur-
hæfingu hjá VIRK.
Góð reynsla af vinnusamningi
Ingþór Bergmann verslunarstjóri
Þetta er í fyrsta skipti sem við gerum þetta og reynslan
er mjög góð. Við vinnum þrjú hérna og svo er Sigurbaldur í
þessu hlutastarfi. Við vildum fá hann áfram vegna þess að
hann fellur vel inn í starfsmannahópinn og hefur auk þess
þekkingu sem nýtist vel í starfi.“
Hvernig bar það til að þið tókuð að
ykkur að gera þennan samning?
„Það kom hérna ráðgjafi frá VIRK í
febrúarmánuði árið 2012, fyrir nærri ári,
og spurði hvort við hefðum áhuga og tök
á að taka mann hér í vinnuprufu,“ segir
Ingþór.
„Við tókum vel í þessa beiðni og í
samráði við mannauðssvið var ákveðið
að taka þátt í verkefninu. Í framhaldi af
því var Sigurbaldur kynntur fyrir okkur
og saga hans. Hann hóf störf í byrjun
mars í fyrra og var gerður 8 vikna
samningur um verkefnið. Markmiðið var
að meta vinnugetu Sigurbaldurs og auka
möguleika hans á atvinnuþátttöku.“
Þekktir þú Sigurbaldur áður?
„Já, ég vissi hver hann var og þekkti til
hans, þótt það hafi ekki haft bein áhrif
í þessu sambandi, en líklega hefur það
haft áhrif á framhaldið. Akranes er lítið
samfélag og við könnumst hvert við
annað hér. Fólk á svæðinu þekkti því eða
kannaðist við Sigurbaldur og honum var
mjög vel tekið af viðskiptavinum.“
Hvaða störf voru honum ætluð?
„Honum var ætlað að kynnast starfsemi
verslunarinnar. Þetta er varahlutaverslun
og aðfangavöruverslun fyrir iðnað. Starfið
fól í sér m.a. móttöku á vörulager, áfylling-
ar, verðmerkingar og þjónustu og ráðgjöf
til viðskiptavina.“
Hafði Sigurbaldur þekkingu á
þessu sviði þegar hann kom til
ykkar?
„Hann er mikill bílaáhugamaður og til okkar
var einmitt leitað vegna þess áhugamáls
hans. Honum er margt til lista lagt og er
nákvæmur og ósérhlífinn þegar kemur að
vinnu. Hann féll vel inn í starfið og leysti
öll verkefni sem honum voru falin hratt og
örugglega.“
Gott samstarf við ráðgjafa
VIRK
Hafðir þú mótað þér einhverja
stefnu um hvernig þú ætlaðir að
leysa þetta verkefni?
„Nei, ekki beint. Við vissum ekki hvernig
hann myndi falla hér inn þannig að við
þróuðum þessa þjálfun hans eftir hendinni,
má segja. Verkefninu var m.a. ætlað að
meta hvort þessi starfsvettvangur hentaði
Sigurbaldri og meta starfsgetu hans og
starfsþrek við þær aðstæður sem hér eru.“
Hvernig kom hann út úr því mati?
„Hann kom ágætlega út úr því. Hann á
erindi á almennan vinnumarkað, en á
þó við ákveðna erfiðleika að stríða sem
varða starfsþrek. Þessu var í upphafi stillt
þannig upp að hann ynni í fyrstu tvo tíma
á dag og til stóð að sjá hvort hægt yrði að
auka það hlutfall er á liði, en svo reyndist
ekki. Niðurstaðan varð sú að starfið hentar
honum mjög vel en starfsþrek hans jókst
þó ekki til muna.“