Ársrit um starfsendurhæfingu - 2013, Blaðsíða 20
20 www.virk.is
VI
RK
„Minn bakgrunnur sem ráðgjafi á rót í endur-
hæfingunni,“ segir Hlín. „Ég lauk B.S. gráðu
í iðjuþjálfun frá Háskólanum á Akureyri árið
2005 en 1988 hafði ég lokið diplomanámi frá
iðjuþjálfunarskólanum í Holstebro í Danmörku,
þar sem margir Íslendingar lærðu iðjuþjálfun á
árum áður. Ég valdi þetta nám í upphafi vegna
þess að ég hafði unnið mikið með fötluðum; fór
að vinna hjá Sjálfsbjörgu 16 ára gömul. Þar ýtti
undir áhuga minn sú ánægja að auka virkni og
þátttöku hinna fötluðu, hjálpa þeim að vera sem
mest sjálfbjarga og geta „lifað lífinu lifandi“, fá fólk
til að fara út úr herbergjunum sínum og taka þátt í
tilverunni. Nítján ára gömul ákvað ég því að þetta
væri starf sem ég vildi vinna við til langframa.“
Hlín hefur fjölbreyttan bakgrunn sem iðjuþjálfi,
hefur enda starfað við þetta í 24 ár.
„Eftir iðjuþjálfanámið í Holstebro fór ég að vinna
á geðdeildum Landspítalans og fékk þar grunn
sem hefur nýst mér vel í öllu mínu starfi. Því
næst vann ég sem barnaiðjuþjálfi á Greiningar-og
ráðgjafarstöð ríkisins. Loks lá leiðin á Reykjalund
þar sem ég vann í 16 ár, m.a. á verkjasviði,
geðsviði, taugasviði og hjartasviði. Þetta allt saman
hefur veitt mér fjölbreytta reynslu sem nýtist mér
vel í ráðgjöfinni fyrir VIRK, sem ég hóf störf hjá
fyrir tæpu ári.
Það sem er spennandi við þetta starf er að geta
verið í nærumhverfi fólks; unnið með fólki sem ekki
er inni á stofnun eða í öðru vernduðu umhverfi
„Þarf breitt bak“
Hlín Guðjónsdóttir ráðgjafi hjá VIRK
Við Stórhöfða í Reykjavík eru að störfum tveir
ráðgjafar VIRK. Í útjaðri þjónustuhverfis hittum
við fyrir Hlín Guðjónsdóttur, sem hefur skrifstofu
í húsi Rafiðnaðarsambandsins, en það er eitt þeirra
félaga sem hún starfar fyrir á vegum VIRK.
heldur er að kljást við sínar daglegu aðstæður.
Hér hittir maður einstaklinga á þeirra forsendum.
Þeir koma til þín, þú ráðleggur og hvetur til
þátttöku og góðra lífsvenja, sem er grundvöllur
þess að fólk geti snúið aftur út á vinnumarkaðinn.
Einfaldir hlutir, svo sem að vakna á morgnana,
skipta máli ef fólk ætlar að vera í vinnu. Vinnuþrek
er ekki bara bundið því að þjálfa upp líkamann á
líkamsræktarstöð eða í sjúkraþjálfun; það helst í
hendur við allar athafnir daglegs lífs.
Þegar fólk er illa á sig komið getur tekið á að fara út
í búð og vera innan um annað fólk. Að komast yfir
slíkar hindranir skiptir máli hvað atvinnuþátttöku
varðar.“
Hlín er starfandi hjá Rafiðnaðarsambandinu, en
starfar jafnframt fyrir önnur félög á Stórhöfða svo
sem Félag vélstjóra og málmtæknimanna, Félag
hársnyrtisveina, Matvís og Félag mjólkurfræðinga.
„Þetta eru misstór félög og við erum tveir ráðgjafar
hér að störfum, báðar í 100% starfi. Hinn ráðgjafinn,
Sigrún Sigurðardóttir, er náms- og starfsráðgjafi
með kennarareynslu og hefur starfað fyrir VIRK
frá 2009. Það er heppilegt að hafa mismunandi
bakgrunn. Sigrún hefur verið meira í félagslega
kerfinu og menntakerfinu, en ég í endurhæfingu
og heilbrigðiskerfinu. Við berum okkur gjarnan
saman og styðjum hvor aðra,“ segir Hlín.
„Þess utan er mikið samstarf við sérfræðinga
hjá VIRK, sem leiðbeina okkur í starfi og styðja
okkur. Við höfum tækifæri til að ræða málin við