Bændablaðið - 19.09.2019, Blaðsíða 2

Bændablaðið | Fimmtudagur 19. desember 20192
FRÉTTIR
Málefni Búnaðarstofu Matvælastofnunar flutt til atvinnuvega- og nýsköpunarráðuneytisins:
Frá áramótum verður Búnaðarstofa
ekki lengur til sem sjálfstæð eining
- Flutningur leggst samt vel í starfsfólk, segir Jón Baldur Lorange, framkvæmdastjóri Búnaðarstofu MAST
Um áramótin tekur gildi flutn-
ingur málefna Búnaðarstofu frá
Matvælastofnun til atvinnuvega-
og nýsköpunarráðuneytisins. Um
leið verður hætt að reka þessa
starfsemi varðandi gagnasöfnun
og landbúnaðartengda umsýslu
sem sjálfstæða einingu. Þótt form-
leg umskipti taki ekki gildi fyrr
en um áramót þá lauk flutningi
starfseminnar fimmtudaginn 12.
desember.
Alþingi samþykkti lög nr.
84/2019 þann 27. júní síðastliðinn
um breytingu á ýmsum lagaákvæðum
um stjórn sýslu búvöru samninga
(flutningur málefna Búnaðarstofu).
Breytingar þurfti að gera á nokkrum
lögum; eða lögum um búfjárhald nr.
38/2013, búnaðarlögum nr. 70/1998,
búvörulögum nr. 99/1993, lögum
um Matvælastofnun og loks lögum
um velferð dýra nr. 55/2013. Með
lögunum er gerð breyting á stjórnsýslu
land búnaðar mála með því að flytja
framkvæmd búvörusamninga og
framleiðslustjórn í atvinnuvega- og
nýsköpunarráðuneytið.
Samlegðaráhrif að
færa Búnaðarstofu
Mikil samlegðaráhrif eru falin í
að færa Búnaðarstofu í ráðuneytið
enda væri þegar mikil samvinna þar
á milli og með breytingunni væri
ráðuneytið styrkt, eins og segir í
greinargerð atvinnuveganefndar
með lögunum og þar segir einnig
orðrétt:
,,Hagræðingarsjónarmið bentu
til þess að hagkvæmara væri að
hafa Búnaðarstofu innan ráðuneyt-
isins. Nefndinni var bent á að mik-
ilvægt væri að tryggja sjálfstæði
Búnaðarstofu við flutning hennar
til ráðuneytisins og betra væri að
halda utan um framkvæmd verkefna
samkvæmt búvörusamningum hjá
sjálfstæðri stofnun. Mikilvægt væri
að stjórnsýsla landbúnaðar og fram-
kvæmd búvörusamninga væri skýr
þannig að ljóst væri hvar ábyrgð á
einstökum verkefnum lægi.“
Atvinnuveganefnd beindi því
síðan til ráðuneytisins, í ljósi
mikilvægi og umfangs þeirra
verkefna sem Búnaðarstofa
sinnir í dag við framkvæmd
búvörusamninga, hagtölusöfnun
og þróun tölvukerfa, að ráðuneytið
afmarki með skýrum hætti verkefni
Búnaðarstofu innan ráðuneytisins. Í
svari ráðuneytisins vegna þessa, sem
Bændablaðið birti 26. september sl.,
segir að til að tryggja sem minnst
rask á störfum Búnaðarstofu var
það talið mikilvægt að starfsemin
væri komin inn í ráðuneytið sem
ein eining til að byrja með og það
verði síðan sameiginlegt verkefni
starfsmanna ráðuneytisins og
starfsmanna Búnaðarstofu að greina
verkefnin og ákveða hvar þeim verði
best komið til frambúðar.
Búnaðarstofa sameinast
skrifstofu fjárlaga, reksturs
og innri þjónustu
Allir sex starfsmenn Búnaðarstofu
flytjast á skrifstofu fjárlaga, reksturs
og innri þjónustu til að byrja með eins
og komið hefur fram. Að sögn Jóns
Baldurs Lorange, framkvæmdastjóra
Búnaðarstofu Matvælastofnunar,
leggst flutningur vel í starfsfólk.
„Samvinna við starfsfólk
ráðuneytisins vegna flutningsins
hefur verið ánægjuleg og til
fyrirmyndar í alla staði. Ákveðið var
að við færum inn í ráðuneytið þann
12. desember, þó að formlega séð
verðum við ekki hluti atvinnuvega-
og nýsköpunarráðuneytisins fyrr
en 1. janúar 2020. Það hafi hins
vegar verið sameiginleg niðurstaða
að farsælla væri að gefa sér góðan
tíma við að koma öllum fyrir, sem og
tölvukerfum og gagnagrunnum sem
fylgja okkur, að tryggja hnökralausa
framkvæmd á búvörusamningum
frá fyrsta degi í ráðuneytinu. Þann
2. janúar 2020 þarf að greiða
nautgripa- og garðyrkjubændum
fyrstu stuðningsgreiðslur ársins, og
um 15. janúar sauðfjárbændum. Rétt
er að vekja athygli á að við fáum ný
netföng í ráðuneytinu, sem og að
símtöl þurfa að berast þangað frá
og með 12. desember.“
Stafræn stjórnsýsla í landbúnaði
„Það hjálpar okkur hve mikið af
framkvæmd og umsýslu búvöru-
samninga hefur verið gerð staf-
ræn með rafrænu umsóknar- og
umsýslukerfi. Bændur ættu því
ekki að verða mikið varir við bú-
ferlaflutning okkar frá Dalshrauni
í Hafnarfirði á Skúlagötuna í
Reykjavík. Þá er ánægjulegt að
segja frá því að okkur tókst að opna
AFURÐ, greiðslukerfi landbúnað-
arins, á vefnum þann 6. desember.
Það þýðir að allir bændur landsins
fá stafrænan aðgang að svokallaðri
jarðabók fyrir bú sín, þátttakendur í
gæðastýrðri sauðfjárframleiðslu fá
aðgang að rafrænni gæðahandbók
og lokst var opnað fyrir rafræna um-
sókn um kaup á innleystu greiðslu-
marki í sauðfé.
Þetta er mikilvægur áfangi í áætl-
un stjórnvalda að koma á stafrænni
stjórnsýslu, en þar hefur íslenskur
landbúnaður verið í fararbroddi á
undanförnum árum,“ sagði Jón
Baldur. Hann verður nú eins
konar verkefnastjóri í ráðuneytinu
í stað þess að gegna stöðu fram-
kvæmdastjóra Búnaðarstofu. /HKr.
Jón Baldur Lorange, framkvæmdastjóri Búnaðarstofu Matvælastofnunar,
sem verður hluti af starfsemi atvinnuvega- og nýsköpunarráðuneytisins
um áramót. Mynd / HKr.
TORT
INNHEIMTA SLYSABÓTA
Átt þú rétt á
slysabótum?
Við hjálpum þér
HAFÐU SAMBAND 511 5008
Í línuvinnu eftir 33 ára hlé:
Gaman að geta gert
samfélaginu gagn
– segir Baldur Grétarsson, bóndi á Skipalæk í Fellum
„Það er alltaf gaman
þegar maður hefur tök á
að skreppa á vertíð,“ segir
Bald ur Grétarsson, sauð-
fjár- og ferðaþjónustu bóndi
á Skipalæk í Fellum. Hann
var kall aður út til vinnu í
rafmagns leysinu sem upp
kom í kjölfar óveðursins í
liðinni viku. Baldur er gam-
all línumaður en hafði ekki
unnið við fagið í 33 ár.
„Ég hélt ég væri búinn
að gleyma þessu öllu,“ segir
Baldur, en greinilega hafi allt
geymst í vöðvaminninu því
um leið og hann var kom-
inn af stað, í gallann og með
græjurnar hefði allt rifjast
upp.
„Maður yngdist um mörg
ár við þetta. Það er líka gaman
að geta gert samfélaginu gagn
í aðstæðum sem þessum,“ segir
hann.
Baldur hefur verið við störf
í Öxarfirði og var enn þegar
Bændablaðið ræddi við hann
í byrjun vikunnar. Raflínur
þar á svæðinu voru illa farnar
eftir mjög slæmt ísingaveður.
Baldur var ásamt félögum
sínum að vinna við byggða-
línuna í Núpasveit, en hafði
áður verið í Öxarfirði og á
Melrakkasléttu.
Baldur var sauðfjárbóndi
á Kirkjubæ í 17 ár en flutti að
Skipalæk í Fellum og stundar
ferðaþjónustu þar auk þess að
eiga um 80 kindur. „Konan sinn-
ir skjátunum á meðan og þetta er
ekki mikill annatími í ferðaþjón-
ustu, svo þegar leitað var til mín
þá auðvitað brást ég við þeirri
bón,“ segir Baldur. /MÞÞ
Baldur Grétarsson bóndi klár í slaginn. Hann var línumaður fyrir 33 árum
og kallaður út til að sinna verkefnum í Öxarfirði vegna rafmagnsleysis sem
kom upp í kjölfar óveðursins í síðustu viku.Baldur hefur greinilega engu gleymt.
Verðbreytingar
á Bændablaðinu
Um áramót breytist verðskrá
auglýsinga og áskrifta á Bænda-
blaðinu. Hækkun á auglýsinga-
verði hefðbundinna auglýsinga
nemur 3,1%.
Áskriftaverð fyrir árgang
blaðsins, alls 24 tölublöð og Tímarit
Bændablaðsins, verður 11.200
krónur með virðisaukaskatti en
gjalddagar verða áfram tveir á ári.
Eldri borgarar og öryrkjar fá afslátt
af áskrift en árgjaldið til þeirra
verður 7.200 krónur m. vsk.
Verðskrá 2020
Áskrift 11.200 kr. m. vsk.
Áskrift, eldri borgarar og öryrkjar
7.200 kr. m. vsk.
Smáaugl. m. mynd 5.800 kr. m. vsk.
Smáaugl. 2.350 kr. m. vsk.
Smáaugl. á netinu 1.100 kr. m. vsk.
Dálksentímetri 1.650 kr. án vsk.
Dálksentímetri, síða 3 og baksíða,
1.850 kr. án vsk.
Dálksm. á fréttas. 2.550 kr. án vsk.
Dálksm. svarthvítt 1.350 kr. án vsk.
Tímagjald fyrir uppsetningu augl.
8.700 kr. án vsk.
Niðurfellingargjald 15% af brúttó-
verði auglýsingar.
/TB