Fréttabréf Öryrkjabandalags Íslands - 01.03.1998, Síða 16

H J ÁLPARTÆK J A-
MIÐSTÖÐIN HEIMSÓTT
*
rla í janúar hafði forstöðu-
maðurHj álpartækj amið-
stöðvar Tryggingastofnunar
ríkisins, Björk Pálsdóttir, samband við
ritstjóra og bar upp við hann það
erindi, sem auðsótt var, að fá í Frétta-
bréfinu kynntar
nýjar reglur
Tryggingastofn-
unar ríkisins um
hlutdeild TR í sér-
smíðuðum skóm,
bæklunarskóm
sem í gildi gengu
um áramótin síð-
Björk ustu. Ritstjóra
Pálsdóttir þetta eins og
“ áður sagði kær-
komið tækifæri til kynningar á nýjum
reglum varðandi skóna, en þótti um
leið sjálfgefið að koma fleiri atriðum
að og þá fyrst og fremst almennum
fróðleik um Hjálpartækjamiðstöð TR.
Að samkomulagi varð því að und-
irritaður færi á fund Bjarkar í ríki
hennar að Smiðjuvegi 28 og svo varð
í febrúarmánuði, nánar til tekið þann
níunda þess mánaðar. Þangað kominn
leit hann inn í salarkynni allrúmgóð,
þar sem ægði sarnan ýmiss konar
hjálpartækjum sem þar voru til við-
gerðar eða þá til vissrar endurnýjunar,
en uppi á lofti þar sat Björk yfir tölvu
með ókjöri af upplýsingum að
ógleymdum ótal möppum. Og svo
hófst samtalið, sundurlaust að vísu, en
ýmsu þó til skila komið samt.
Almennt um
Hjálpartœkjamiðstöð TR
Björk segir hlutverk Hjálpartækja-
miðstöðvar vera það að sjá um úthlut-
un hjálpartækja, veita ráðgjöf við val
þeirra og svo að endurnýja hjálpar-
tæki, annast viðhald og viðgerðar-
þjónustu á hjálpartækjum TR en TR
á tækin, lánar þau til notenda. Björk
skýrir frá því að vel sé fylgst með
nýjungum erlendis og upplýsingum
komið á framfæri hér heima sem allra
best.
Sérstaklega sé náið samband við
norrænar stofnanir á sama sviði.
Nýjar reglur TR
um hlutdeild í skóm
TR setur svo reglur um tækin og
hlutdeild sína í þeim og það gildir um
allt, frá hjólastólum og spelkum yfir í
skó og bleiur. Þetta gildir um allar
einstaklingsafgreiðslur en stofnanir
fatlaðra og aldraðra eiga reglugerð
samkvæmt að útvega sínu fólki öll
hjálpartæki utan hjólastólaþ.e. hjálp-
artæki á vegum TR.
Ritstjóri skýtur því hér að að hér
er um mjög umdeilda skipan mála að
ræða, stofnanirnar segjast einfaldlega
ekkert sérmerkt fjármagn hafa til
hjálpartækjakaupa og Öryrkjabanda-
lagið hefur talið það sjálfsagt og eðli-
legt að einstaklingsréttur til hjálpar-
tækja skv. reglum TR haldist í fullu
gildi þó fólk verði að vistast á stofn-
unum. En þetta var útúrdúr - bráð-
brýnn þó.
Björk segir umsóknarbeiðnir um
hjálpartæki hafa verið um 13 þús. á
sl. ári og þá ber þess að geta að fleiri
en ein beiðni um hjálpartæki getur
verið í hverri umsókn. Hjálpartækin,
smá og stór, eða beiðnir um þau munu
því nerna tugum þúsunda.
Kostnaður Tryggingastofnunar
ríkisins var á liðnu ári um 620
millj. kr. svo ljóst er að hér er um dýr-
mæta þjónustu að ræða, hlutdeild sem
verulegu máli skiptir fyrir fatlaða.
Mikilvægur þáttur þessa er endur-
nýtingin og viðgerðarþjónustan enda
segir Björk að menn í meira en fjórum
stöðugildum séu í vinnu við það að
gera við eða gera upp. Varðandi regl-
ur TR þá er það tryggingaráð sem
samþykkir þær og þær eru síðan
gefnar út og má finna þær í handbók
TR svo og nú á veraldarvefnum.
Þar eru þessar reglur og nákvæm-
lega tilgreind öll hjálpartæki og þátt-
taka eða hlutdeild TR í kostnaði við
þau.
Talandi áðan um kostnaðinn sem
umtalsverður er þá hefur hann farið
vaxandi og kemur ýmislegt til, vax-
andi fjöldi umsókna enda fjölgar bæði
öryrkjum sem öldruðum og svo er
fólk miklu betur upplýst um rétt sinn
almennt. A móti aukinni þjónustu
hefur svo komið krafan um að halda
kostnaði í skefjum og helsta ráðið þar
verið litboð á hjálpartækjum og fyr-
irtæki sem framleiðendur þannig boð-
ið í hina ýmsu þætti og samningar ver-
ið gerðir í kjölfarið. Þetta hefur skilað
miklu og gert kleift að breyta reglum
svo fleiri fengju notið s.s. öryggis-
þjónustan (kallkerfið) er kannski best
dæmi um.
I framhaldi af þessum útboðum
hefur verið gengið til samninga um
spelkur, gervilimi og skó, hjólastóla
(handdrifna), göngutæki, sjúkrarúm
16