Íþróttablaðið - 01.05.1978, Blaðsíða 47

Langstökksmetið
takmarkið í ár
— sagði Friðrik
Þór Óskarsson
í viðtali við
Iþróttablaðið
ÍR-ingurinn Friðrik Þór Óskarsson
hefur um árabil borið höfuð og herðar
yfir aðra íslenzka lang- og þrístökkvara
og oft haft slíka yfirburði á mótum
hérlendis að hann hefði getað tekið sig
upp hálfum meter fyrir aftan plankann,
og sigrað samt! Þótt Friðrik Þór hafi
verið einvaldur hér í þessum stökk-
greinum undanfarin ár, hefur honum
enn ekki tekist að slá Islandsmetin,
enda þar við ramman reyp að draga.
Þau eru í eigu þess íslendings sem
lengst hefur náð í frjálsum íþróttum,
Vilhjálms Einarssonar, silfurmanns frá
Olympíuleikunum í Melbourne og
bronsmanns frá Evrópumeistaramót-
inu í Stokkhólmi. Reyndar munaði litlu
meiru en hársbreidd að Friðrik Þór
næði íslandsmetinu í langstökki í
fyrravor, en þá stökk hann 7,41 metra,
en met Vilhjálms er 7,46 metrar. Lengra
er hins vegar í land í þrístökkinu, enda
nafn Vilhjálms enn á lista þeirra beztu í
þeirri grein í heiminum.
- Ég hafði mikinn iþróttaáhuga
þegar ég var strákur, sagði Friðrik Þór í
viðtali við Iþróttablaðið nýlega, og
auðvitað var ég í knattspyrnu eins og
flestir strákar voru á þessum árum. Ég
lék með Fram í 5. og 4. flokki, en mér
gekk ekki vel, — var í C og B-liðum. Svo
æxluðust mál þannig að ég tók þátt í
600 metra hlaupi á innanfélagsmóti
vorið 1967, og vann sigur, sennilega
engum meira á óvart en sjálfum mér.
Þar með kviknaði áhuginn á frjálsum
íþróttum. I fyrsta skipti sem ég keppti í
langstökki og þrístökki var á 17. júní
mótinu 1967. Þá varð ég annar í þrí-
stökki á eftir Ólafi Unnsteinssyni og
fyrstur í langstökki, enda hafði ég þar
47