Fjölrit RALA - 10.05.1992, Blaðsíða 61

TILRAUNASTOÐVAR
Sérsvið tilraunastöðvarinnar á Möðruvöllum eru fóðrunartilraunir með ungneyti, kalrannsóknir og frærannsóknir. Að auki er
unnið að margvíslegum öðrum verkefnum í samvinnu við bændur og utanaðkomandi sérfræðinga.
Sumarið 1991 voru gerðar gróðurathuganir og uppskerumælingar í kúahögum á þremur bæjum við Eyjafjörð. Er þetta upphafið
að rannsóknum á sumarbeit mjólkurkúa þar sem skoðað verður m.a. hvort hægt sé að nýta betur beitina og þar með draga úr
kjarnfóðurgjöf með beit.
I jarðrækt voru allmargar tilraunir gerðar og margar í samvinnu við aðila utan stöðvarinnar. Þannig er t.d. um athugun á upphafi
vorsprettu í túnum og tilraun með loftun og kölkun túna í Baldursheimi í Arnarneshreppi. Ennfremur hefur verið sáð blöndu
af vallarfoxgrasi og rauðsmára í tún á Möðruvöllum og í Hvammi og Holtseli í Eyjafjarðarsveit. Þá var sáð fjölæru rýgresi,
vallarfoxgrasi og rauðsmára í samvinnu við Samnordisk Planteforedling. Ráðgert er að fylgjast með endingu tegundanna og
uppskeru. Hefðbundnum tilraunum með grænfóður og samanburð á stofnum byggs, vetrarkorns og kartaflna var haldið áfram,
svo og áburðartilraunum. Bætt var við tilraunum þar sem borinn er á hluti af N-áburðinum á túnin síðsumars eða að haustinu.
Sumarið 1991 var girt af rúmlega tveggja hektara svæði til skógræktar og var þar plantað út sex kvæmum af alaskaösp, alls um
900 plöntum, auk 12 kvæma af síberíuöl. Að lokum má nefna að sáð var lúpínu með sáðvél á allstórt melasvæði á Möðruvöllum
og verður fylgst með viðgangi hennar þar.
Annarra verkefna er getið sérstaklega undir fóðurdeild og jarðræktardeild.
Þóroddur Sveinsson
Kristinn Jónsson
jarðræktarfræðingur,
tilraunastjóri
Erna Sigurðardóttir
rannsóknarmaður
Leitast hefur verið við að afla tekna til rekstrar
með því að selja korn, fræ og heyið sem fékkst af
því landi sem tilraunirnar eru á.
Gerðar eru veðurathuganir tvisvar á dag, kvölds
og morgna, og hefur svo verið frá árinu 1927.
Tilraunastarfsemin hefur verið nærri því óbreytt
fráfyrri árum. Aburðartilraunir allareru langtíma-
tilraunir sem starfsfólkið hefur að mestu leyti séð
um. Megintilgangurinn með þeim er að fylgjast
með langtímaáhrifum tilbúins áburðar á jarðveg,
sprettu og umhverfi. Þrjár þessara tilrauna eru hjá
bændum á Suðurlandi: á Eystra-Hrauni í V-Skafta-
fellssýslu og í Stóru-Hildsey og Skógum í Rangár-
vallasýslu. Elstu áburðartilraunirnar, sem ennþá
eru unnar, eru frá árunum 1945, 1949 og 1950.
SÁMSSTAÐIR
Á árunum 1990 og 1991 var starfsemi tilraunastöðvarinnar með líkum hætti
og verið hefur nú um mörg undanfarin ár. Viðhald á mannvirkjum hefur
verið ófullnægjandi. Það land, sem tilheyrir tilraunastöðinni og er ræktað,
hefur verið nýtt með þessum hætti: Nokkur hluti túnanna, um 40 ha, hefur
verið leigður bændum til slægna. Ræktað hefur verið korn á fimm
hekturum. Sjö hektarar voru fræakrar og hitt er nýtt undir tilraunir og heyjað
er kringum þær.
3. mynd. Kornakur á Sámsstöðum haustið 1991. (Ljósm. Óskar
Björgvinsson.)
59