Fjölrit RALA - 10.05.1992, Blaðsíða 52

LANDNÝTINGARDEILD
Ingvi Þorsteinsson
gróðurfræðingur,
deildarstjóri
Guðmundur Guðjónsson
landfræðingur
Einar Gíslason
kortagerðarmaður
Halldór Þorgeirsson
plöntulífeðlisfræðingur
Sívaxandi hluti þess fjármagns sem unnið er fyrir á
landnýtingardeild Rala er greiddur af öðrum stofnunum til
ákveðinna, umbeðinna verkefna. Á árunum 1990-1991 nam
hlutdeild slíks fjár að jafnaði um 60% af heildarfjármagni. Fé
til deildarinnar af fjárlögum stofnunarinnar gerði lítið meira en
að duga fyrir föstum launakostnaði. Þessi fjármögnunarleið
setur að sjálfsögðu mjög mark sitt á verkefnaval og starfsemi
deildarinnar. Það skal þó tekið fram að öll þau verkefni sem
unnið var að eru mjög áhugaverð, hafa almennt gildi og falla
fyllilega undir hlutverk landnýtingardeildar. Engu að síður er
þessi þróun áhyggjuefni, ekki síst vegna þess að þegar verkefni
eða verkefnum er að fullu lokið tekur við óvissa um fjármögn-
un næsta árs.
Rannsóknir á stærð, ástandi og eiginleikum birkiskóglenda
landsins eru unnar í samvinnu við Rannsóknastöð Skógræktar
ríkisins að Mógilsá. Vettvangsvinnu lauk 1991 og er nú verið
að vinna úr niðurstöðum.
Rannsóknum á uppgræðslusvæðum á Blöndusvæðinu fyrir
Landsvirkjun lauk 1989 og ítarleg skýrsla um niðurstöður
þeirra kom út í ágúst 1991. Sú skýrsla var unnin í samvinnu
margra stofnana. Unnið var að því að kortleggja gróður á
hugsanlegum lónstæðum vegna virkjana Jökulsár á Fjöllum og
Jökulsár á Brú fyrir Landsvirkjun.
Gerðar voru mælingar á þéttleika og uppskeru gróðurs með
endurkastsmælum í samvinnu við Upplýsinga- og merkjafræði-
stofu Háskóla íslands hér heima og á Grænlandi. Rannsóknum þessum er lokið og er nú unnið að skýrslu
um þær. Sumarið 1991 var hafið tilraunaverkefni í gerð stafrænna staðfræði- og gróðurkorta með það í
huga að ljúka gerð slíkra korta af landinu öllu á næstu tíu árum. Lokið var úrvinnslu gagna frá kortagerð
sem unnin var 1989 vegna Héraðsskógaáætlunar. Einnig var unnið að rannsóknum á áhrifum umhverfisþátta
á vöxt og lífsþrótt nytjaplantna og niturferlum í landgræðslu og hafa þær alfarið verið fjármagnaðar af
styrkfé frá Vísindasjóði, Rannsóknasjóði og af þeim stofnunum sem samstarf hefur verið haft við, svo sem
Rannsóknastöð Skógræktar ríkisins að Mógilsá.
Ingvi Þorsteinsson
Stutt yfirlit um árangur
uppgrœðslunnar á
Blöndusvœðinu
Uppgræðslusvæðin á Blöndusvæðinu
eru nú um 2000 hektarar að flatarmáli
og eru í 426-610 m hæð yfir sjó, þ.e.a.s.
vel yfir hinum gróðurfarslegu hálend-
ismörkum. Ætla má að meðalhiti sum-
ars (júní-sept.) sé þar að jafnaði 2-3°C
lægri en á láglendi norðan heiða og að
vaxtartími sé þar að jafnaði allt að
einum mánuði styttri en á láglendi.
Uppgræðslusvæðin voru margbreyti-
leg áður en uppgræðslan hófst að því
er varðar gróðurskilyrði og gróðurfar
50