Íslenskar landbúnaðarrannsóknir - 01.09.1977, Blaðsíða 74

72 ÍSLENZKAR LANDBÚNAÐARRANNSÓKNIR
argrundvöllurinn. Eðlilegt virðist þar að taka
mið af árshlutaviðmiðun (herd season), sem
notuð er víða erlendis. Rannsaka þarf, á
hvern hátt eðlilegast er að skipta árinu, en
það hlýtur að ráðast af ákaflega mörgum
þátmm, eins og stærð búa, burðartímadreif-
ingu, dreifingu dætrahópa undan einstökum
nauum o.s.frv.
Eins og fram hefur komið, virðist sem
verulegur hluti af burðartímaáhrifum geti
verið breytilegur frá einu búi til annars, en
mikinn hluta slíkra áhrifa ætti að mega
fjarlægja með slíkri aðferð.
Um leið og slík breyting væri gerð, er fuli
ástæða til að kanna, hvort ekki sé rétt að
leggja til grundvallar afkvæmarannsóknum
nýjar og endurbættar aðferðir, sem fram hafa
komið á allra síðustu árum (Henderson,
1973 og 1974, Fimland, 1976).
Með módelreikningum, sem miðaðar eru
við hérlendar aðstæður (Magnús B. JÓNS-
son og Jón Viðar Jónmundsson, 1974),
hefur verið sýnt fram á, að árangur í kyn-
bótastarfinu ræðst umfram allt af því, hversu
vel tekst til við afkvæmarannsóknir á naut-
um. Þess vegna virðist eðlilegt, að megin-
áherzla sé lögð á þær rannsóknir, sem geta
orðið til að gera afkvæmadóminn um nautin
öruggari.
A það er þó rétt að benda, að sumir þeir
skekkjuvaldar, sem eru í núverandi kerfi,
geta haft jafnmikil eða meiri áhrif við út-
reikning á afurðaeinkunnum einstakra kúa
(Jón Viðar Jonmundsson, 1975). Breyt-
ingar á þeim einkunnarútreikningum eru
aftur á móti kostnaðarsamari, og þar sem
áhrif þeirra á árangur kynbótastarfsins eru
mun minni, virðist réttlætanlegt að láta þær
bíða. Rétt er einnig að benda á það, að af-
kvæmadómur um naut er fólginn í því að
samræma upplýsingar frá fjölda búa, en mat
á einstökum kúm er mat innan bús, þar sem
auðveldara er að koma við staðbundinni
þekkingu.