Ljósmæðrablaðið - des. 2020, Síða 30

30
2010; Laws o.fl., 2014). Tvær rannsóknir flokkuðu
flutning eftir frumbyrjum og fjölbyrjum. Flutnings-
tíðni frumbyrja var 37,8%-40,2% en flutningstíðni
fjölbyrja var 12,5%-14,0% (Brocklehurst o.fl., 2011;
Homer o.fl., 2014)
Í þeim rannsóknum sem flokkuðu ástæður fyr-
ir flutningi í fæðingu voru algengustu ástæðurnar
hægur framgangur, frávik í fósturhjartslætti, grænt
legvatn eða þörf á frekari verkjastillingu (Bailey,
2017; Eide o.fl., 2009; Overgaard o.fl., 2011).
Útkoma kvenna
Blæðing eftir fæðingu
Sjö rannsóknir voru með blæðingu eftir fæðingu
sem útkomubreytu (Bailey, 2017; Bernitz o.fl., 2011;
Brocklehurst o.fl., 2011; Davis o.fl., 2011; Laws o.fl.,
2014; Overgaard o.fl., 2011; Thornton o.fl., 2017).
Í flestum þeirra virðist blæðing eftir fæðingu hafa
verið áætluð en í tveimur rannsóknum var skoðað
hvort konur hefðu þurft blóðgjöf eftir fæðingu og
það notað sem viðmið fyrir blæðingu eftir fæðingu
(Bailey, 2017; Brocklehurst o.fl., 2011). Í þremur rann-
sóknum voru konur sem ætluðu sér að fæða á ljós-
mæðrastýrðum einingum sjúkrahúsa, marktækt ólík-
legri til að blæða eftir fæðingu heldur en konur sem
ætluðu sér að fæða á þverfræðilegri fæðingardeild
sjúkrahúsa (Bailey, 2017; Laws o.fl., 2010; Overgaard
o.fl., 2011). Í rannsókn Thorntons (2017) voru konur,
sem ætluðu sér að fæða á ljósmæðrastýrðri einingu
utan sjúkrahúsa, marktækt líklegri til að blæða eftir
fæðingu en konur sem ætluðu sér að fæða á þver-
fræðilegri fæðingardeild sjúkrahúsa.
Spangaráverkar
Ein rannsókn notaði heila spöng sem útkomu-
breytu, en í rannsókn Overgaard (2011) voru mark-
tækt meiri líkur á heilli spöng hjá konum sem ætl-
uðu sér að fæða á ljósmæðrastýrðri einingu utan
sjúkrahúsa heldur en hjá þeim sem ætluðu sér að
fæða á þverfræðilegri fæðingardeild sjúkrahúsa.
Sjö rannsóknir báru saman alvarlegar spangarrifur,
eða þriðju og fjórðu gráðu rifur, eftir fæðingarstöð-
um. Tvær rannsóknir sýndu marktækt minni líkur á
alvarlegum spangarrifum hjá konum sem ætluðu
sér fæða á ljósmæðrastýrðum einingum heldur en
hjá þeim sem ætluðu sér að fæða á þverfræðilegri
fæðingardeild (Davis o.fl., 2011; Laws o.fl., 2014)
og ein rannsókn sýndi marktækt meiri líkur á alvar-
legum spangarrifum ef konur ætluðu sér að fæða
á ljósmæðrastýrðri einingu inni á sjúkrahúsi sam-
anborið við konur sem ætluðu sér að fæða á þver-
fræðilegri fæðingardeild (Laws o.fl., 2010).
Í sex rannsóknum voru konur, sem ætluðu sér að
fæða á ljósmæðrastýrðum einingum, marktækt ólík-
legri til að fá spangarklippingu heldur en konur sem
ætluðu sér að fæða á þverfræðilegri fæðingardeild
sjúkrahúsa (Brocklehurst o.fl., 2011; Davis o.fl., 2011;
Eide o.fl., 2009; Homer o.fl., 2014; Laws o.fl., 2010;
Laws o.fl., 2014).
Útkoma nýbura
Apgar
Fimm rannsóknir báru saman Apgar–skor eft-
ir fæðingarstöðum. Ekki var marktækur munur á
Apgar–skorum nýbura á milli fæðingarstaða í neinni
rannsóknanna (Bernitz o.fl., 2011; Davis o.fl., 2011;
Laws o.fl., 2010; Overgaard o.fl., 2011; Thornton
o.fl., 2017).
Innlögn nýbura á vökudeild
Í rannsókn Baileys (2017) var heilt yfir ómarktækur
munur en þegar frumbyrjur voru flokkaðar frá fjöl-
byrjum, þá kom í ljós að marktækt minni líkur voru á
að börn frumbyrja, sem ætluðu sér að fæða á ljós-
mæðrastýrðri einingu utan sjúkrahúsa, væru lögð
inn á vökudeild samanborið við börn frumbyrja sem
ætluðu að fæða á þverfræðilegri fæðingardeild
(Bailey, 2017). Í rannsókn Laws og félaga (2010) voru
börn kvenna, sem ætluðu sér að fæða á ljósmæðra-
stýrðri einingu innan sjúkrahúsa, marktækt ólík-
legri til að leggjast inn á vökudeild heldur en börn
kvenna sem ætluðu sér að fæða á þverfræðilegri
fæðingardeild.
Alvarlegar útkomur nýbura
Í fjórum rannsóknum var andvana fæðing, ný-
buradauði eða fósturköfnun útkomubreyta. Engin
rannsóknanna sýndi marktækan mun á útkomu eftir
fæðingarstöðum (Bailey, 2017; Homer o.fl., 2014;
Laws o.fl., 2010; Overgaard o.fl., 2011). Þrjár rann-
sóknir flokkuðu saman nokkrar alvarlegar útkomur
nýbura. Ekki fannst marktækur munur á útkomu ný-
bura eftir fæðingarstöðum (Brocklehurst o.fl., 2011;
Homer o.fl., 2014; Thornton o.fl., 2017).