Bændablaðið - 22.10.2020, Blaðsíða 12

Bændablaðið | Fimmtudagur 22. október 202012
FRÉTTIR
Bændurnir á Skjöldólfsstöðum í Breiðdal eru þátttakendur í Loftslagsvænum landbúnaði:
Aðgerðirnar munu hafa jákvæð áhrif á búskapinn í heild
Síðastliðið vor voru 15 sauðfjár­
bú valin til þátttöku í verkefninu
Loftslagsvænn landbúnaður, sem
er samstarfsverkefni stjórnvalda,
Ráðgjafarmiðstöðvar landbúnað­
arins (RML), Skógræktarinnar og
Landgræðslunnar. Verkefnið er
hluti af aðgerðaráætlun stjórn­
valda í loftslagsmálum, en mark­
miðið er að draga úr losun gróð­
urhúsalofttegunda frá landbúnaði
og auka kolefnisbindingu.
Verkefnið fer vel af stað og hafa
allir hafið vinnu við metnaðarfullar
aðgerðaráætlanir sem munu þegar
fram í sækir vera grunnur að lofts-
lagsvænum landbúnaði, að sögn
Berglindar Óskar Alfreðsdóttur
verkefnastjóra.
Hvert bú setur sér aðgerðaráætl-
un í loftslagsmálum þar sem aðgerð-
irnar eru mótaðar af þátttakendum
sjálfum og þeim tækifærum til
loftslagsvænna aðgerða sem eru hjá
hverjum og einum. Aðgerðaráætlun
hvers þátttökubús er lifandi skjal
sem heldur utan um öll markmið
þátttakanda og er árangurinn met-
inn eftir því sem verkefninu vindur
fram. Á Skjöldólfsstöðum búa þau
Sigurður Max Jónsson og Arna Silja
Jóhannsdóttir og eru þátttakendur í
verkefninu. Þeirra aðgerðaráætlun
þykir vera metnaðarfull með mikla
möguleika.
Vilja minnka kolefnisspor
lambakjötsframleiðslunnar
„Við ákváðum að taka þátt í verk-
efninu því við viljum finna leiðir og
lausnir til þess að minnka kolefnis-
spor í matvælaframleiðslu, í okkar
tilfelli í framleiðslu á lambakjöti.
Orðið hefur mikil vitundarvakn-
ing í þjóðfélaginu um að minnka
kolefnisspor okkar til að sporna við
óeðlilegri hlýnun jarðar af manna-
völdum,“ segir Arna.
„Við sem þjóð höfum skuld-
bundið okkur við Parísarsáttmálann,
eins og svo margar, og það þýðir að
allir angar okkar samfélags þurfa
að finna leiðir til þess að minnka
losun, eða auka bindingu. Það
skemmtilega við að vera í hefð-
bundnum búskap á bújörð er að
það eru tækifæri til að fara mjög
blandaða leið í þessum efnum;
bæði hægt að finna leiðir til þess
að auka bindingu eða minnka losun.
Hefðbundinn búskapur eða almennt
húsdýrahald til matvælaframleiðslu
hefur fengið á sig það óorð að valda
stóru kolefnisspori. Við viljum bæta
ímynd okkar með það að leiðarljósi
að sýna fram á að framleiðsla á til
dæmis lambakjöti geti bæði verið
umhverfisvæn og um leið sé það
einnig holl fæða,“ segir Arna enn
fremur um ástæður fyrir þátttöku
þeirra.
Læra nýjar leiðir til að minnka
kolefnisspor búskaparins
Að sögn Örnu er aðgerðaráætlun
þeirra nokkuð hefðbundin, en þau
sjá ýmis tækifæri til að ná betri ár-
angri í búskapnum með þátttökunni.
„Við sjáum bæði tækifæri í auk-
inni bindingu á kolefni í gegnum
skógrækt og uppgræðslu lands. Að
sama skapi sjáum við tækifæri í
minni losun með því að ná meiri
afurðum eftir hverja vetrarfóðraða
ær, með sömu aðföngum eða með
betri nýtingu á þeim. Við erum til
dæmis í ferli við að hefja tæplega
40 hektara nytjaskógrækt á jörðinni.
Einnig tökum við þátt í verkefninu
„Bændur græða landið“.
Verkefnið er tiltölulega nýbyrjað
og framleiðsluferlar á lambakjöti
langir og því ekki enn hægt að taka
mið af því hversu vel gengur að ná
markmiðum sem hver þátttakandi
hefur sett sér. Okkur líst samt sem
áður vel á þetta verkefni og erum að
sjálfsögðu spennt fyrir framhaldinu.
Ávinningur okkar við að taka
þátt í þessu verkefni er fyrst og
fremst sá að við lærum nýjar leiðir
til þess að minnka kolefnisspor í
okkar framleiðslu, sem er fyrst og
fremst markmiðið. Það fer oftast
vel saman, aðgerðir sem stuðla
að betra umhverfi hafa jákvæðan
ávinning fyrir búskapinn í heild,“
segir Arna.
Metnaðarfull áætlun
með mikla möguleika
Aðgerðaráætlun Skjöldólfsstaða
er mjög metnaðarfull, að sögn
Berglindar Óskar, og tekur vel á
þeim möguleikum sem eru fyrir
hendi í búrekstrinum. „Hún ber
með sér að þau eru mjög meðvituð
um loftslags- og umhverfismál og
hafa tileinkað sér loftslagsvænar
aðferðir sem verða góður grunnur
að áframhaldandi vinnu að lofts-
lagsvænu búi,“ segir hún. /smh
Sigurður Max Jónsson og Arna Silja hafa sett upp metnaðarfulla aðgerðar­
áætlun sem verður grunnur að loftslagsvænum landbúnaði á bænum.
Berglind Ósk Alfreðsdóttir verkefn­
isstjóri.
Kindur á Skjöldólfsstöðum í Breiðdal.
Þórhildur nýr formaður Samtaka smáframleiðenda matvæla:
Framleiðir heitreykta bleikju
og stýrir vörusmiðju BioPol
Þórhildur M. Jónsdóttir, sem
starfar hjá Kokkhúsi og BioPol,
er nýr formaður Samtaka smá­
framleiðenda matvæla. Hún var
kjörin á stjórnarfundi samtak­
anna í morgun.
Þórhildur er matreiðslumeist-
ari að mennt og hjá Kokkhúsi
starfar hún við eigin framleiðslu á
heitreyktri Hólableikju með villi-
jurtum. Hjá BioPol, sem er með
höfuðstöðvar á Skagaströnd, hefur
hún umsjón með vörusmiðju.
Bjartsýn á framtíð samtakanna
Þórhildur segir að nýja hlutverkið
leggist vel í sig, hún starfi með fræ-
bæru fólki í stjórninni. „Ég vil bara
þakka Karen fyrir gott samstarf og
óska henni velfarnaðar í þeim ver-
kefnum sem hún er að taka sér fyrir
hendur, sem urðu til þess að hún
sá sér ekki fært að vera formaður
stjórnar áfram. Ég horfi björtum
augum á framtíð samtakana, þetta
ár hefur verið mjög viðburðaríkt og
búið að vinna að mörgum góðum
málum. Það er líka okkar starfs-
manni, henni Oddnýju, að þakka,
hún hefur unnið frábært starf,“ segir
Þórhildur.
Nýja stjórn skipa þau Þórhildur M.
Jónsdóttir, formaður, Svava Hrönn
Guðmunds dóttir frá Sælkerasinnepi
Svövu er varaformaður, Ólafur
Lofts son frá Súrkál fyrir sælkera er
með stjórnandi, ásamt Þresti Heiðari
Erlings syni frá kjötvinnslunni
Birkihlíð og Auði B. Ólafsdóttur
frá Pönnu kökuvagninum.
Samtök smáframleiðenda mat-
væla voru stofnuð 5. nóvember á
síðasta ári. Innan þeirra vébanda eru
75 framleiðendur. Þórhildur segir að
þau í stjórninni muni halda áfram
að vinna að þeim verkefnum sem
liggja fyrir. „Það eru næg verkefni
sem snúa að hagsmunamálum fyrir
smáframleiðendur matvæla. Við
erum bara rétt byrjuð að snerta yfir-
borðið í þeim efnum,“ segir hún.
Auk þess að vera matreiðslu-
meistari er Þórhildur ferðamála-
fræðingur og hún segir að allt sem
snýr að mat, matarupplifun, aðgengi,
dreifingu og sóun sé henni hugleikið.
„Þetta tengist allt saman, framleiðsla
á mat, upplifun og ferðamaðurinn.“
Heitreykt bleikja og BioPol
„Kokkhús kom til árið 2015, þá
ákvað ég að setja á markað vöru
sem er heitreykt bleikja, ég hafði
verið að þróa hana og nota sem for-
rétt á veitingastað sem ég vann hjá
á þeim tíma. Rúmlega ári síðar var
auglýst eftir verkefnastjóra í verk-
efni að byggja upp vottað vinnslu-
rými fyrir smáframleiðendur og mér
fannst verkefnið svo spennandi að
ég sótti um. Haustið 2017 opnaði
Vörusmiðja BioPol þessa flottu að-
stöðu. Framleiðendum hefur fjölgað
jafn og þétt hjá okkur þessi ár og
gríðarlega gaman að vinna með
þessum flottu smáframleiðendum,“
segir Þórhildur um forsögu hennar
í smáframleiðslu matvæla.
„Það er svo mikil þróun í gangi
í þessum efnum. Það er líka svo
ánægjulegt að sjá breytinguna sem
hefur orðið á síðustu árum í vöru-
framboði frá smáframleiðendum
matvæla. Þetta eru spennandi tímar
í þessum efnum og ánægjulegt að fá
að vinna með svona skapandi fólki,“
bætir hún við. /smh
Réttir Food Festival er matarhátíð sem Þórhildur hefur haldið utan um og
var haldin fyrst í fyrra en féll niður í ár.
Landeigendur og jarðakaupendur
Nú eru góð eftirspurn eftir jörðum víða um land.
Hjá Nýhöfn færðu toppþjónustu, hvort sem þú ert að selja eða vilt
kaupa. Við getum aðstoðað með allt varðandi viðskipti með jarðir.
Nýhöfn er framsækin fasteignasala í eigu Elvars Árna Lund og Lárusar
Ómarssonar sem búa yfir víðtækri þekkingu á sölu jarða og fasteigna.
Til ráðgjafar um jarðamál er Níels Árni Lund.
Nýhöfn býður upp á margskonar þjónustu tengda fasteignaviðskiptum
svo ef þú ert í slíkum hugleiðingum þá hafðu endilega samband.
nyhofn.is | nyhofn@nyhofn.is | 5304500
Sýnishorn af grænmeti sem Flúðasveppir og Flúðajöfri færðu 30 fátækum
fjölskyldum í Reykjavík að gjöf.
Gáfu 30 fjölskyldum í Reykjavík
grænmeti frá Flúðum
Flúðasveppir og Flúðajörfi á Flúð­
um gáfu nýlega 30 fjölskyldum
í Reykjavík kassa af blönduðu
græn meti.
Um var að ræða gjöf til fjölskyldna
sem hafa ekki mikið á milli hand-
anna. Framtakinu var vel tekið af
fjölskyldunum, sem þökkuðu mikið
vel fyrir sig og þessa hlýju, sem fylgdi
grænmetisgjöfinni. /MHH