Bændablaðið - 22.10.2020, Blaðsíða 13

Bændablaðið | Fimmtudagur 22. október 2020 13
DEKKJAÞJÓNUSTA TÍMAPANTANIR Í SÍMA 540 4900
Arctic Trucks Ísland ehf Kletthálsi 3 110 Reykjavík
Sími: 540 4900 Netfang: info@arctictrucks.is www.arctictrucks.is
Vönduð amerísk jeppadekk sem henta
frábærlega fyrir íslenskar aðstæður.
Stærðir 29 - 44”.
KANNAÐU ÚRVALIÐ! VERSLUN.ARCTICTRUCKS.IS
Mjólkurvinnslan Arna í Bolungarvík:
Fyrirhugað að hefja ræktun á jarðar-
berjum og kryddjurtum
„Undirbúningsvinna stendur yfir
og við hlökkum til að byrja,“ segir
Hálfdán Óskarsson, samlags-
stjóri hjá Örnu, mjólkurvinnslu í
Bolungar vík, en þar á bæ stendur
til að hefja ræktun á jarðarberjum
til að nota í framleiðsluvörur fyrir-
tækisins. Sömuleiðis ætlar Arna að
framleiða eigin kryddjurtir.
Arna á rúmgott húsnæði í Bolung­
ar vík, um 7.000 fermetra að stærð, og
nýtir um helming þess undir mjólk­
urvinnsluna.
„Við eru hér með heilmikið af
ónýttu húsnæði sem við viljum auð­
vitað nýta sem best og þá fyrir okkar
starfsemi,“ segir Hálfdán. Markmið
fyrirtækisins er að nýta sem mest
hráefni af heimaslóðum og reynt er
að flytja sem minnst um langan veg
með tilheyrandi kolefnisspori.
„Þessi hugmynd kom fram, að
prófa að rækta hér jarðarber og við
ætlum að hrinda henni í framkvæmd,“
segir Hálfdán.
Um verður að ræða inniræktun
þar sem notuð verður led­lýsing til
að spara orku og hita­ og rakastigi
innandyra haldið jöfnu allan ársins
hring.
„Þessi aðferð er til og hún hefur
verið notuð t.d. í Rússlandi að því
er við vitum en núna erum við á
fullu við að afla okkur þekkingar
og kynna okkur aðferðir svo að
vel takist til. Við rennum auðvitað
svolítið blint í sjóinn en höfum trú
á því að þetta gangi. Til að byrja
með stefnum við á að framleiða
nokkur tonn af jarðarberjum og
nýta í árstíðabundnar framleiðslu­
vörur okkar, en það gerum við
þegar með rabarbara og aðalbláber
sem við fáum af heimaslóðum á
sumrin og haustin,“ segir Hálfdán
Óskarsson.
Auk jarðarberjanna verða einnig
framleiddar kryddjurtir í húsnæð­
inu sem notaðar verða í ostafram­
leiðslu fyrirtækisins. /MÞÞ
Mjólkurvinnslan Arna í Bolungarvík. Mynd / HKr.