Bændablaðið - 22.10.2020, Blaðsíða 26

Bændablaðið | Fimmtudagur 22. október 202026
UTAN ÚR HEIMI
býflugum
Torbjörn Eckerman, býflugna­
ræktandi frá Álandseyjum, er
einn þeirra sem tilnefndur er til
umhverfisverðlauna Norður­
landaráðs í ár. Hann hefur stundað
búskapinn í 45 ár og allar býflug­
ur sem fluttar eru inn til Íslands
koma frá Torbirni. Torbjörn er
einna þekktastur fyrir að halda
býflugnastofni Álandseyja hrein­
um af svokölluðum varro­mítli,
sem er afar skaðleg tegund og getur
valdið dauða heilu býflugnasamfé­
laganna ef ekkert er aðhafst.
„Ég er kominn á eftirlaun og hef
meira en nóg að gera við að gæta
að býflugunum mínum. Áður en ég
hætti að vinna var ég kennari í hand­
verksskóla á veturna og býflugna­
ræktandi á sumrin. Síðustu ár hef
ég verið býflugnaræktandi í fullu
starfi og líkar það mjög vel. Ég bý
á litlum sveitabæ og er með bý ­
flugurnar mínar staðsettar hér og
þar á landinu í kringum mig en þó
aðallega nálægt eplatrjánum mínum.
Mestur hluti tekna minna kemur
inn á sölu býflugna til frjóvgunar,“
útskýrir Torbjörn.
Umhverfisvæn búgrein
Í tilkynningu frá Norðurlandaráði
segir að frjóvgun villtra plantna
sé grundvallarforsenda líffræði­
legrar fjölbreytni bæði plantna
og dýra. Hunangsflugur eru
taldar skilvirkustu frjóberarnir
og vinna við að halda hinum
skæða varro­mítli í skefjum er
gríðarmikilvæg. Þess vegna
er tekið eftir starfi Torbjörns á
Álandseyjum, sem er eina svæðið
innan Evrópusambandsins sem er
laust við mítilinn.
„Á námsárum mínum deildi
ég íbúð með vini mínum sem
átti býflugur og hann bauð mér
þó nokkurn hluta af þeim ef ég
gæti smíðað fyrir hann kassa
undir þær. Mér fannst þetta vel
boðið og síðan var í raun ekki
aftur snúið. Ég fann fljótt hvað
býflugnaræktin átti vel við mig
því hún er svo umhverfisvæn í
orðsins fyllstu merkingu. Maður
leggur meira inn en maður tekur
út og skaðar ekki umhverfið
sem býflugnaræktandi,“ segir
Torbjörn og bætir við:
„Við lifum hér í eyjaloftslagi
sem þýðir köld vor og þurr sumur
Erla Hjördís
Gunnarsdóttir
ehg@bondi.is
Torbjörn Eckerman, býflugnaræktandi frá Álandseyjum, er einn þeirra sem tilnefndur er til umhverfisverðlauna Norðurlandaráðs í ár en hann hefur stundað búskapinn í 45 ár. Myndir / Kjell Ritzén
Uppruna allra 300 býflugnasamfélaga á Íslandi til býflugnabúa má rekja til
Torbjörns, sem hefur flutt út býflugur til Íslands síðastliðin 10 ár.
Tekið er eftir starfi Torbjörns víða um heim en hann er einna þekktastur
fyrir að ná að halda hinum skæða varro-mítli í skefjum í býflugunum sem
hann ræktar.