Saga - 2017, Blaðsíða 15

Álitamál — Sagan og samtíminn
Flóttamenn og fólksflutningar
Þótt sagnfræðingar fáist allajafna við fortíðina í rannsóknum sínum
eru viðfangsefni þeirra líka öðrum þræði samtíminn, því rannsóknir
og skilningur á fortíðinni eiga, eða ættu, að hjálpa okkur að skilja
betur það samfélag sem við lifum í hverju sinni. Þetta sjáum við og
heyrum reglulega í fréttamiðlum þar sem sagnfræðingar eru fengnir
til þess að ræða um ýmis málefni samtímans í sögulegu ljósi.
Í þessu fyrsta hefti okkar sem ritstjóra hleypum við af stokkun -
um nýjum bálki í þessum anda, „Álitamál — Sagan og samtíminn“,
þar sem tekist verður á við álitamál samtímans í sögulegu ljósi. Þar
verða sagnfræðingar, og sérfræðingar af öðrum fagsviðum, fengnir
til þess að ræða álitamál samtímans út frá sérþekkingu sinni, þ.e.
beita sjónarhorni sagnfræðinnar á samtímann. Á þann hátt talar
tímaritið Saga með beinum hætti inn í samfélagslega umræðu sam-
tímans.
Í þetta sinn verður fjallað um flóttamenn og fólksflutninga, mál-
efni sem hefur verið eitt stærsta átakamál Evrópu á síðustu misser-
um. Við fengum fjóra fræðimenn, þrjá sagnfræðinga og einn mann -
fræðing, tvo karla og tvær konur, til þess að velta málefninu fyrir sér
út frá eftirfarandi spurningum:
Undanfarin misseri hefur straumur flóttamanna frá Miðaustur -
löndum og Norður-Afríku legið til Evrópu. Um þennan flótta-
mannastraum er oft rætt eins og hann eigi sér engin fordæmi,
en er það raunin? Víða í Evrópu óttast þeir sem fyrir eru þessa
miklu fjölgun fólks af öðrum trúarbrögðum og af öðrum kyn -
þætti. Samfélagsleg og pólitísk ólga hefur vaxið í kjölfarið og
þjóðernissinnuðum hreyfingum vaxið fiskur um hrygg.
En hvað þýðir þessi flóttamannastraumur eða fólksflutningar
í sögulegu ljósi? Á hann sér sögulegar hliðstæður? Hvaða áhrif
hefur hann á samfélög og menningu þeirra sem fyrir eru og
hinna sem koma?
Saga LV:1 (2017), bls. 13–42
Á L I TA M Á L
Saga vor 2017.qxp_Saga haust 2004 - NOTA 18.5.2017 11:01 Page 13