Strandapósturinn - 01.06.2021, Side 9

8
Starfsemi félagsins hófst í janúar með árlegu þorrablóti. Var það haldið í
sal á annarri hæð Laugardalshallarinnar. Erfiðlega gekk að fá sal þar sem
salir fyrir svona skemmtanir eru ekki margir ef fjöldinn fer upp í 180 eða
þar um kring. Árið áður vorum við í sal sem nánast sprakk utan af sam-
komunni svo nú var fenginn stærri salur sem á að rúma 200 manns. Blótið
gekk mjög vel og komu þar saman rúmlega 150 manns. Maturinn var frá
Múlakaffi og hljómsveitin Upplyfting sá um dansmúsíkina og Hundur í
óskilum sá um skemmtiatriði og veislustjórn.
Þá var komið að því að huga að haustferð átthagafélagsins. GJ Travel sá
um að skipuleggja haustferðina og átti hún að vera til Normandí í lok sept-
ember. Ferðin virtist vel skipulögð og á góðu verði enda seldist hún upp
um leið og myndaðist biðlisti. Mikill áhugi var fyrir ferðinni og væntingar
um skemmtilega ferð. Ferðinni var svo aflýst og nú er spurning hvenær
verður hægt að fara að ferðast á ný?
Strandasel sumarhús félagsins var vel nýtt í sumar að vanda enda lítið
hægt að ferðast nema innanlands.
Þegar komið var fram í mars var Covid-19 komið á fulla ferð og allt
félagsstarf lagðist af. Enginn kaffidagur var haldinn og ekki hægt að halda
aðalfund og hefur hann því miður ekki verið haldinn enn.
Veiran hefur farið illa með allt félagsstarf. Kór Átthagafélagsins gat
ekki haldið vortónleika og hefur ekki geta æft neitt þegar þetta er ritað í
desember.
Strandapósturinn kom út fyrr en venjulega, þökk sé því ötula fólki sem
er í ritstjórn og Jónu Bjarnadóttur sem fer með stjórn hans. Strandapóstur-
Starfsemi
Átthagafélags
Strandamanna
árið 2020
Jón Ólafur Vilhjálmsson
frá Kollsá
formaður Átthagafélags Strandamanna